引用:

原帖由 victory999 於 2007-5-20 02:27 AM 發表

整件事起緣於影視處在接獲二十六宗投訴後，就急不及待將《中大學生報》送淫審處，而中大校方不但不支持學生、反而迅速要同學生劃清界線，由紀律委員會在學生報代表缺席之下開會，作出「內容不雅，超出社會可接受的道德底線，令人不安」的判決，除提出嚴重警告之外更提到要對學生處分。接是淫審處將《中大學生報》評為二級，使他們面臨起訴的壓力。

呢 d 就係大學方面小事化大, 本來黎個老豆教仔同阿爺報告就得, 而家就阿爺同老豆一齊打個仔. 仲有果26宗投訴, 應該先向校方投訴, 再考慮處理方法. 下下用切毒瘤o既方法於教育, 是對是錯, 又唔知大家點睇?

我意思唔係叫做錯事學生唔洗負責, 只是有d野可以在學校 level 解決的 學校就冇做到, 一野就交比政府去做. 學校係要把學生教好, 而唔係效棄學生.

未睇過該刊物, 不知有多過份, 如果係教d同學避孕或, 性及生理方面的教育, 只係題目敏感係一回事, 如果涉及淫穢內容, 咁比人警告過仲未識改,就真係抵死, 唔知法律o既底線去到邊度. 言論自由絕對唔可以用反叛黎證明. 要自主就先要自律. 唔自就唔好叫人比自由佢.

如果大學有人可以影嚮影視處評級結果, 咁就真係好嚴重的言論自由問題. 以前打工時, 見過好多呢d咁o既手法, 要定奪一d冇清楚界定對與錯o既 case, 判方傾向某一方或者甚至用交情去影響判決常有發生 . 冇明顯證據好難話果d committees 唔合法.

謝謝提供資料,如果呢份野左外國出版的學生報就有d小兒科. 大家一笑置之, 因為性在大學生生活是平常事, 拿出來講, 大家仲可以學多一點去關心伴侶的需要. 但在宗教色彩濃厚的中文大學就有點兒那個, 如果沒有警告字眼, 還可能會涉及 sexual harassment. 呢d可能係香港道德定義比外國高, 所以呢篇野會搞出咁大件事.

個編輯睇怕真係不明自己處境.

諗深一層, 香港的道德觀念又係唔係咁高呢. 外國雖然開放, d人偶有婚外情, 離婚等問題. 但是很少人會把去邊度尋歡或過程大大聲在公眾地方講. 反而我去香港, 大陸公幹就在公共地方常聽到北上的風流事. 除此之外, 在香港參加外國 某學院的舊生會時, d師兄弟好多都有講下自己北上的風流史. 在我眼中好多香港人出入風月場所已經是等閒事, 佢地o既道德標準跟外國比, 也許還會被比下去.

[ 本帖最後由 keibeast 於 2007-5-28 00:05 編輯 ]