me too.........好辛苦,工作量又大,又同上司關係已到非常惡劣地步,仲要比佢寫到份performance勁差,直頭話我係廢柴咁滯,冇晒心機返工,現正搵工中,可惜幾份都冇回音,又唔可以就咁劈炮,因要供樓及準備娶老婆,唉.....心情極差,日日唔開心,想放個長假冷靜下,佢就連假都唔批,放7日就要做晒7日d野先準放,明明果d野第二個同事都可以幫手做,我放根本冇影響,玩針對....真係好局氣,現在唯有努力搵工.....

岩,我知道真係冇運行,不過個心真係好唔舒服,自己走同被迫走真係兩回事,做左十幾年估唔到衰收尾,事事針對你,你講咩佢都話你錯,問你有冇用腦架,仲要當住d同事面話你唔掂,做戲一樣,如果我反擊,佢就更加猛烈,一於大石責死蟹,雖然d同事明白係咩一回事,不過個心真係好難受,冇晒自尊,連信心都冇埋,如其我諗咩idea講咩佢都係唔岩聽,乜都話我錯,我索性佢話乜就乜,冇主見,冇自己諗法,有都話唔識,你要話我係廢柴就認廢柴啦,日日行屍走肉,大不了炒,都預左......
公司最近蘊釀layoff,佢根本就響度鋪排緊,當萬一上面叫佢交人,順理成章就交個廢既,由佢精心鋪排下.....果個即係我....
日日係咁真係好唔開心,想自己出黎攪d簡單既生意仔,各位有咩好提議?

你都好吖，返公司可以上網搵工，我就大把野做，上網果陣仲會驚比個ｐｋ經理望到要偷偷摸摸，佢就專望住自己ｔｅａｍ睇下我地有冇扮做野其實上網或ｍｓｎ，尤其係我，我個位同佢隔左條路背對背，佢就響個ｍｏｎ痴左塊倒後鏡仔方便佢唔洗轉頭望住我，頂．．．真係好ｘ肉酸，大家都幾廿歲，仲衰過ｄ細路，但係又冇佢符，除左唔做，真係別冇他法

引用:

原帖由 hicks1112 於 2007-8-15 16:34 發表
今日我都已經知道有呢日，我同您地一樣，都係有個野種係度搞屎棍，成日搵野黎講，問我係唔係好多野做，所以咁夜走？佢真係冇腦，行路要時間，等車要時間，上到車都要時間返公司啦！都冇計如有意外塞埋車果D時間， ...

我同你一樣,唔係為左屋企同供樓,....我就唔會響公司攪大既,等佢食lunch吊住佢尾一到佢離開左公司大堂即衝上去捉住佢心口:"你想玩乜撚野吖,大家睇大家唔順眼不如隻抽啦,xyz!"呢d人真係正仆街,專蝦d低級過佢,我個PK經理有樣野仲衰,如果佢知你有家境,冇論你幾低GRADE或做錯野甚至唔做野佢都唔會鬧你,唔同窮就係罪?

引用:

原帖由 花之慶次 於 2007-8-19 16:40 發表



其實我好想轉型, 雖然對於某人來說有可能係狂妄, 但我都係想講, 如果我現在自學網頁設計, 通常要花多互飢痧u係唔想再打工, 唔係因為解僱問題, 而係好厭倦呢種人生

你有興趣咩?我唔係it,亦唔係做呢一行,只係讀書果陣學過下,宜家出面其實好多有得抄,越黎越簡單,唔洗好熟悉都可以寫到,學亦唔洗好耐,視乎你想咩要求,想自己出黎攪?

果陣舊果份工你又係好難頂?唔走唔得果隻?
我都同意你講法,出面個大海可能仲凶惡,要諗到清清楚楚先好劈炮,況且自己有負擔
有時比條pk上司玩到夜晚瞓覺果陣都諗住,好慘,平時亦好影響身邊d人,成日都鞋口鞋面,人地唔炸形自己都寧願自己出一個去飲下野算,唔敢搵人一齊,怕自己個feel悶親人
捱吖捱吖...鬼叫你窮

引用:

原帖由 KidHung 於 2007-9-19 11:55 發表
我都唔想做，不過．．．為左自己的將來，冇得揀，仲要而家Ｅ份工，
係我待業４個幾月先搵到的，點可以隨便走呢？！

唔開心，訓醒又另一日啦！第２日都唔開心既．．．星期六日都唔使返工啦！
只要諗下假期的活 ...

岩,我好明白,否則走左9世,當上天比自己既磨練,自己都諗通好多野先捱到落去,亦相信好多人有相同遭遇,大家比心機,堅持落去吖.