|
lu 元老用戶組
 
- 帖子
- 19335
- 積分
- 50826
- 金錢
- 13731
- 性別
- 女
- 註冊時間
- 2005-2-21
|
1#
大 中
小 發表於 2007-3-17 10:51 顯示全部帖子
如果愛一個人只係單方面既話... 就當佢愛你, 你唔愛佢先喇...
咁佢做幾多幾多, 幾荒天下之大謬既浪漫偉大野, 真係愛妳愛到可以為妳死好未???
妳.. 係唔係寧可呢個人留係屋企, 淨講乜都唔做好過呢????
妳既然想佢為妳做d野, 即係... 妳明喇, 唔洗我講晒喇...
諗一諗, 係唔係一定要同全世界一樣果d先叫愛囉...
當我地想人地包容接受晒我地既不足時, 我地有無包容番佢既缺點????
雖然, 我成日都覺得EX好唔o岩... 不過, 有一樣野, 佢曾經鬧我係鬧得我好o岩既...
佢當時鬧我, 話我只係睇到佢仲未改晒佢既問題...然後不斷重覆諗住, 提住, 再不斷擴大..
而我根本無理過佢已經好努力改緊, 改左一d... 當然, 仲未改晒...
果次比佢咁鬧, 真係有如當頭捧喝... 如果人地咁對我, 我會有幾唔開心??
到而家, 我都會成日提自己, 唔好只係用眼睇一邊... 再用心去睇多一d...
我唔係想拗話邊個o岩, 邊個唔o岩...
不如... 問下自己仲愛唔愛佢... 可唔可以比多d時間佢去改善???
如果, 雙方完全唔同, 試過協調都係唔work...
無默契... 咁就只可以講... 大家都係愛自己多d...
但呢個世界, 有幾可比妳遇到一個妳愛佢時, 佢仲要愛妳多過佢自己既人, 仲要又無咩其他大問題 & 缺點架????
每個人都可以有自己既一套愛既要求同埋愛人既模式...
講真, 妳要求既一d都唔過份... 好多男人都做到...
但係... 果d係唔係『妳愛既果一個人』呢???
妳心中有無答案???? 如果有, 就依照心入面既答案去解決囉...
其實, 同一樣既野, 我好相信『果個人』都要問番自己... (你話阿lu講架喇..)
唔好嬲喇, 阿lu唔係想同妳拗呀... 想妳開心番d咋... 
in love with the nature...
|
