引用:

原帖由 unhappybear 於 2007-11-22 23:21 發表
可能以前老公太自我,激嬲我時我會說出一些難聽的說話唔同佢生,其實我唔係唔生,我自己有個計劃,而從來沒有同老公商量過,就係想自己儲夠錢(私己錢)就生bb,等bb出世之後三年唔工作,留家照顧小孩等小孩讀書後先再出來工作,因為三年間我不想老公負擔我的生活費用,(因為自己有很多固定支出).當目標達到,但為期己晚.可能自己的計劃是錯.  

成日都見你好唔開心... 唔開心係要講出黎既... 我明....
不過, 係你唔開心之餘... 我諗你都應該面對問題囉(紅左果D)...
總括黎講, 就係覺得你係唔肯面對自己既缺點囉...

我絕對唔係話你先生背叛你既事係O岩, 亦唔係話所有事都係你既錯...
只係既然事情已經發生左...一味話對方背叛你亦無補於事架?
點解你唔好好檢討一下自己係咁多年黎做錯過D咩呢???  
點解對方以前係心甘情願咁去娶你, 到而家變成你生活之中既一件行屍呢?
唔通真係佢一個人錯晒???  你錯果D就係小事, 你錯既就情有可原??
人唔一定係完美架... 失敗過都係唔緊要架...
但既然已經失敗左, 輸左... 點解唔係失敗之中搵出錯處, 然後改左佢呢?
就算改好左都挽救唔番而家既老公都唔緊要架... 總好過你重複犯錯丫????

你諗清楚喇... 你地一齊生活.. 但兩個人竟然係完全無溝通既...連生小朋友都唔傾... 你真係愛佢???
你愛佢, 你又唔去嘗試明白佢?? 你愛佢, 你又唔去同佢溝通多D?
請你撫心自問... 究竟你愛佢D咩先???  你真係愛佢???  定係你愛自己多D呢?
你之所以對你老公唔肯放手, 唔係你仲好愛佢, 只係你怕你呢世都再無人愛咋??
如果你呢世都係一個淨係識賴人既女人... 咁你唔好比我批死你... 你呢世都好難再搵到人鍾意你...

希望你唔好介意我兜口兜面咁話你... 我知道比人話係一D都唔好受既...
但我都係過來人.... 我都留戀過一段錯配既婚姻.. 我都曾經好努力挽救過...
仲去左見臨床心理學家... 當時佢對我既婚姻問題作出左分析...
佢教左我最重要既野, 就係『照顧對方既感受』, 不過, 佢亦都建議我離開我丈夫...
當時我唔接受佢既建議架... 但最後我都真係聽佢講... 放手... 而家我咪又係開開心心咁做人!!!

unhappybear比次機會自己... 去將自己變番做一個值得人愛既人先喇...
一個人同你唔夾O者... 唔代表呢個世界人人都同你夾唔到架...
如果你係一個值得人去愛既女人... 懂得欣賞你既人就自然會出現架喇... good luck!

引用:

原帖由 細摩 於 2007-11-23 14:02 發表
unhappy bear: 你係咁話有異議, 掟左十幾個p.m.俾我, 你好煩呀, 你係咪痴線架!!!!!!!!!!!!!

我講左好多次, 你有咩問題呀??!!! 你想點???? 你講出黎先得架!!!!!!! 如果再係咁做, 我終止你發言!!!!!

係唔係我又野左d麻煩比你??? if yes... sorry ar!!!
唔好禁佢喇... 佢遲早都會明白架喎...

unhappybear... 希望你明白無人想你唔開心架!!
你絕對可以嬲我... 因為我選擇左個我一早知會比人嬲既方式去勸你...sorry!

但我係衷心希望你有一天, 真係可以放開心中既鬱結, 做番個有自信既女人! 共勉之!!