以前香港有三大遊樂場 , 荃灣遊樂場 , 啟德遊樂場 , 荔園遊樂場, 荔園就最大 ......

荔園和啟德就有好多人提過, 但  荃灣遊樂場  仲有無人記得呢 !?

荃灣遊樂場  是個低成本遊樂場, 入面基本上冇乜野好玩, 只有 D 波子彈珠機 ' 掟下香口膠 ' 捉下棋既棋壇之類玩意 ......

但, 都曾經旺過一排 !! 就係夜場     




由於 60' S 尾至70'S 初期, 香港基本上都冇乜夜生活, 那時電視機都未普及唔係家家都有 !! 荃灣遊樂場 當時夜晚有兩個場好旺場, 一個美其名叫做歌劇場, 早期都有 D 歌星仔唱下, 但好靜 !! 後期就改做咸濕劇場,  D 男女演員專講 D 語帶相關既咸濕笑話, 竟然大收旺場, 吸引到大批男街坊捧場.........................      ......  但可惜後勁不繼, 因為來來去去都係個幾度板斧 ... 之後謝左 !!  



另一樣旺場既就係 艷舞表演 !!!    初期 D 人打晒蛇餅去買飛入場 , 好誇架 !!  

哈 !! 個時 D 所謂  艷舞表演  係點既呢 ?

原來係搵 一兩個女仔企向台度, 台上每熄一次燈就除一件衫, 直至脫光為止 ! 但台上少女燈著時不準動, 要如石像般企定定, 為時約一分鐘 , 就會再熄再除再企.................   

但後來又係...........   來來去去只得個兩三個女仔, 睇得多 .................. 你仲去唔去 .............  哈哈哈