我未看過漫畫，但據悉全部人物造型及很多鏡頭分鏡都幾跟足原著。以一套兩個幾鐘的日本片來說，我覺得不錯，節奏明快，無冷場亦唔悶(一般日片的通病是中段拖戲)，片中亦清楚交待了那錯綜複雜的人物脈絡關係，全片因有很多角色及以不同的時空交替方式帶出故事，故此除非你看過漫畫，或者全神貫注睇戲，唔係可能會睇唔明劇情發展。

故事以一班細路長大後，發現兒時創作出來的故事，漸漸變成事實，背後竟藏著一個統治人類的陰謀。其中的陰謀者”朋友”就是主角童年的一個玩伴，於是主角及同伴集合起來，以微少的力量希望拯救地球。因故事橫跨４０年，所以本片只是第一章，並以２０００年除夕血腥夜，病毒計劃襲擊日本及引起大爆炸為首部結尾。




[ 本帖最後由 jackpao 於 2008-10-6 11:16 編輯 ]

引用:

原帖由 colin 於 2008-10-19 04:42 發表
日、韓片節奏之慢通常都睇到我嗌救命，呢套原著太長要濃縮，至焗住佢地要快。

同意，我後來睇返漫畫，先知個故仔有廿幾集，電影第一章大概只係講到第7-8集。

但漫畫中段主角會失蹤好多集，唔知電影點處理第二章呢?可能主線由唐澤壽明去左豐川悅司到。