香港人入黎睇下啦

最近晚晚都係由我黎洗碗，每一晚洗碗，都有啲野食因為食唔晒而要倒左佢，我覺得好浪費，之後我睇電視，見到電視裡面講既係一啲生係落後國家，第三世界既人，佢地每日都要過住一啲我地想像唔到既生活，無野食，無乾淨水，無醫療設備，甚至連著既衫都無，佢無地教育，唔知咩係健康，唔知咩係社會，唔知咩係將來，佢地從來都唔知溫飽既感覺係點，因為佢地跟本就無可能去體會到，佢地體會到既，就只有饑餓，疾病，貧窮，佢地唔可能好似我地咁，唔擔心無野食，無水飲，無衫著，更加唔會擔心到無住既地方。係香港，或者其他發達既國家、城市，好多人都經常埋怨自己既薪水好低，無錯，係呢啲地方，七千幾八千可能真係好少，係一個最起碼既薪金，經常就為左自己覺得所謂既低薪金而煩惱，但係落後地方既人，佢地搵到一蚊都已經好開心，一個月都唔知有無幾十蚊搵到，佢地辛辛苦苦搵返黎既，都只係足夠佢地一日兩餐，食既都只係無咩營養既粟米粥，試諗下，我地平時既普通一餐，都有菜有肉，有啲好乾淨既白米飯，有好多好多款式俾我地去揀，但佢地無得揀，因為佢地由出生個日開始，佢地就係要行呢條咁辛苦既路，而我地碰到少少事就不停咁話辛苦，呢啲苦又算得上係咩相比於個啲人，我地既辛苦，跟本就微不足道，但我地既浪費，對於佢地黎講，就真係離晒大譜喇。我曾經做過一年麥當奴，我每一日返工，眼見佢每一日要掉既食物，其實重可以食，但係就係因為所謂既賣相靚，而要掉左啲食物，而且佢一日掉既數量，我諗可以成為個啲落後地方既家庭作幾星期既糧食。我覺得我地真係好折惰，我以前覺得我地依家所擁有既衣食住行，對於全世界既人黎講係必然擁有既野，隨住自己一路成長，先知道原來呢啲咁基本既野，係個啲地方黎係咁缺乏，所以，如果大家睇到我呢篇野之後，盡量減少浪費啦，大家過住安穩既生活既同時，去諗下有好多人正係過住啲你無法想像既艱苦生活。