黎到澳門一段時間，比呢度o既文化改變左唔少..........................................

澳門o既閒逸同香港o既節奏可以話兩個極端，初初黎到的確比本地人o既工作態度嚇怕，不但假日必定休息，夠鐘仲一定準時收工，加班費從未放在眼內~~~~但係當深入了解左本地人o既生活，就令嘉菲有種當頭棒喝o既感覺!

澳門人生活簡單，容易滿足現狀，待人接物o既熱情更加令自命高人一等o既香港人面紅~~~
其實澳門背景雖然複雜，賭場利益曾令好多人怕怕治安唔好，但另一方面又養活左大多數本地人！

"當兩餐無憂，每日又有工開，咁做乜要咁緊張呀？" 一個本地老闆同嘉菲講！
"你地黎到的確令澳門人大開眼界，澳門街真係好耐未試過有咁多工程，而家只可以盡力去適應你地o既方法架咋~~~"

其實應該適應o既反而係好似嘉菲呢啲老遠走黎搵食o既人，偏偏諸多意見o既係.....................


當靜落黎o既時候，試下用另一種心情去嘗試欣賞下身邊o既人同事，嘉菲感覺每一個地方都有可愛o既一面!

引用:

原帖由 alia 於 2006-8-28 01:39 發表
聽落真係幾吸引, 唔怪得你係咁落嘴頭...

吹下水想拉下客啫!

希望多啲人可以分享下自己o既感覺!!　

引用:

原帖由 johncage 於 2006-8-28 10:00 發表
依家仲有冇辣魚包食？

好多餐廳同咖啡店(茶餐廳)都有，仲有辣魚麵..............　

引用:

原帖由 johncage 於 2006-8-28 17:15 發表
邊度多靚女出現？

終於有人問呢個問題!

有人知o既唔該單聲!!

引用:

原帖由 出火仔 於 2006-8-28 21:11 發表

辣魚包...澳門特色？

講唔上咩特色，不過又幾好食喎

澳門好多地方都有得食!! 食得多蛋治腿治可以轉下口味..........

引用:

原帖由 出火仔 於 2006-8-28 21:35 發表

好似聽講話豬扒包都有的名堂喔…

有朋友仔同嘉菲講豬扒包就係 "葉熾記" 首創，所以水準仍然保持..............

比較 "大脷" 商業化左果啲相差好遠，至於有乜故仔o係背後呢??? 嘉菲如果打聽到即刻爆教!!

想食啲乜呢???

一個最常聽到o既問題，差不多每日都會有朋友或者自己都會問起碼一次！澳門有好多小餐館飯店，種類選擇未必算得上應有盡有，但係食物水準都好..............

唔少遊客朋友初初黎到或者試過某某店舖之後每每會有同樣批評~~~~"店東或者侍應招呼唔好!" 嘉菲初到貴境時都好奇怪，一啲朋友訓身推介o既飯店，所謂o既招呼可以用 "離譜" 黎形容，習慣左之後反而會感受到好多飯店老闆其實都好友善，只係佢地唔會好似香港式咁去招待客人，反而係真性情咁好似同普通朋友咁傾計，絕對冇假惺惺o既客套說話! 可能係本地人唔識包裝，或者冇個澳門劉華去宣傳對客人要點客氣禮儀！澳門人就係生意幾好都未必有開分店o既野心，只要每日開鋪都見到斑街坊幫襯，旺場完可以傾下家常日事，你就可以見到佢地開郎o既笑容！

就係呢種輕輕鬆鬆，簡單親切o既氣氛...........................嘉菲就會寧願揀享受一下實在啲o既好手勢，總比去接受一啲受現實壓力迫到木無表情o既工廠式生產出品！

每個地方都有值得欣賞o既好餐館，唔同o既只係客人o既心！

尋找澳門




摘自藝術博物館網頁

引用:

原帖由 brasco 於 2006-9-1 02:06 發表

趁隻屎肥貓今晚楂流攤....助下興姐 X 2........

errrrr.............................

引用:

原帖由 brasco 於 2006-9-1 17:16 發表

....welcome back!!....

.....Did I miss anything??

引用:

原帖由 珠公主 於 2006-9-1 19:17 發表
要入o黎讚o下lee隻加肥餅主先!! ......

好盡責, 介紹澳門多方面o既資料俾我地!!......

公主言重.....!! 都係為左拉下客啫~~~

引用:

原帖由 珠公主 於 2006-9-1 19:19 發表
又要讚o下巴士叔叔先!! .......

將佢係澳門o既所見所聞同我地分享 .........

多左巴士報料，真係成版都唔同晒.......

希望巴士以後多啲過黎撐下場啦!!!

引用:

原帖由 珠公主 於 2006-9-1 20:42 發表

幾時返o黎同我地去忍走呀!?!

呢排真係忙到嗌晒救命，遲啲有時間一定 call 你！

炮兄太誇獎喇!! 只要咬文版仲有人入黎吹下水，小貓願盡犬馬之勞！

希望大家比多啲意見，嘉菲一定盡力而為！！

引用:

原帖由 Bravo 於 2006-9-2 09:35 發表
貓版早晨~~~~

大巴好　

引用:

原帖由 潮爆阿嬸 於 2006-9-3 12:30 發表

嘉菲早.....可唔可以講d女仔鐘意玩o既o野o黎聽o下.....thx.....

又係喎！！真係忽略左呢方面o既野.......sorry~~~

但係可會唔可以講下女士會想玩啲咩呢，呢樣嘉菲冇乜頭緒，所以識唔到女朋友仔囉.........

引用:

原帖由 潮爆阿嬸 於 2006-9-3 12:54 發表


酒店o既甜品好食啦....美容方面啦.....重有冇買o野平o既地方....

好!! 旦嘉菲搵多啲呢方面o既資料，同阿嬸報告下！！

澳門食野真係唔使擔心，平均水準都好好.......

買野就當然比香港平，美容就要去搵下資料喇，總知會盡力同阿嬸同其他女版友搵多啲女士方面o既野同大家分享啦!!

曾經見到聽到好多對澳門o既意見，奇怪當中只會有接受同抗拒兩種，從未有兩樣之間！好想將自己感受同朋友分享一下~~~

接受派會享受澳門優柔o既生活節奏同閒逸生活氣氛，"別具風格" o既風土人情......而抗拒o既可能未接受得唔到 "賓至如歸" o既侍候，的士短缺等等!!! 嘉菲總覺得去到一個地方作客，其實係咪可以放低猜忌同挑剔o既心情，用心去感受一下當地o既值得欣賞o既地方........!!

澳門有難得o既安分同熱情，可能唔顯眼，但只要有時間放低有色眼鏡同mp3耳機，隨時可以感受到一浸濃濃o既人情味，而唔係冷冰冰o既僵化表情同名利鬥爭!?? 可曾考慮過澳門人已經努力去接受外來人，反而外來o既反而.............!!!

每一個地方都有發展過程，先行o既不過o係機緣，相信亦曾經比更早一步o既冷笑過，要去比自己成長地方 "慢" o既表現優勝，何不去欣賞一下 "慢" o既平靜!!

多謝巴士撐場 講到澳門點可以o係巴士面前講句 "懶有型" 呢???

引用:

原帖由 潮爆阿嬸 於 2006-9-6 15:58 發表


澳門裡面有好多來自於不同地方o既人.....亦有好多香港人係澳門讀書跟住係到工作及居住......所以好又親切感....好好人....
有時大家感覺唔好o既人...大多數係一d內地來做小姐個d人啦... ...

多謝 "潮爆阿嬸" o既 post，見到你感受到 "親切感" 令嘉菲都有暖意!!  

其實同樣融入新環境，適應新生活都唔係容易o既事，無分界限尊悲.........出賣本錢，執廢紙汽水鑵求存一啲都唔可恥，起碼係一種生命力o既表現，只係當佢地選擇唔多o既時候揀左一種令人睇唔起o既生活方式..........!!????

其實離鄉背井o既生活一啲都唔好受，當然其中會有另類思想o既例子，只係世界之大又有邊個地方可以完全無令你睇唔過眼o既人與事呢???!

希望有時間去啦!!
澳門國際音樂節 - 德國科隆WDR交響樂團

星期日晚收到一個電話，傳黎一把熟悉o既聲音..................

約左o係美心享利晚飯，西灣湖...旅遊塔....西灣大橋o既夜色仍然都係咁迷人，加上美味o既食物，一個愉快o既晚上~~

時間尚早，就想到海邊飲杯野，無限舒適o既環境，話題滔滔不絕，生活近況，工作，朋友.......可能係星期日，客人比較少，更加感覺到寧靜寫意!

估唔到會o係一個突如其來o既機會，對你講左７年以黎都冇講o既野，好有一種如釋重負o既感覺！而且更加明白，始終都係你最了解我！係唔可能掩飾同假扮o既?!!

" 過去左由得佢過去啦，以後記得珍惜身邊o既人喇！" 你就好似講緊故事一樣，都係咁溫柔窩心！

" 當時為左個職位，犧牲左o既真係好唔值得！....................多謝你，同埋對唔住!! "   大家苦笑左一下，碰左一下樽，就好似當年咁飲杯~~ 下個月中，希望可以再同你飲過！

希望你可以好快適應呢度o既生活，工作順利啦！

引用:

原帖由 祖雲達斯 於 2006-9-11 23:10 發表

香港有維也納愛樂交響樂團
門票一早已經賣X哂，但係廣場出面有直播



http://www.lcsd.gov.hk/CE/Cultu ...

呢方面始終都係香港優勝一啲，希望澳門都可以多啲著名樂團黎表演啦！

引用:

原帖由 johncage 於 2006-9-11 23:21 發表
遲d又開多間星際酒店，邊度？

路氹城囉
　
估計08年度完工啦!!

引用:

原帖由 jimmyboy2102 於 2006-9-12 00:53 發表



在澳門市中心娛樂及旅遊區.

http://www.galaxyentertainment.com/tc/properties/starworld/

呢間o係新口岸，永利隔離!

但係可能有啲建築問題，而家仲未知解唔解決到???