週日深夜本來為補選在跑馬地票站做採訪嘅方健儀，反被記者追訪起初都有啲愕然，不過都好有禮貌笑笑口點頭默認今年結婚。而據本刊收料，方健儀鐵定與男友阿恆於 10月 10日註冊結婚。
無綫新聞自去年初大改革，《六點半新聞》由靚女主播周嘉儀擔正，「一姐」方健儀即被調到 11點《晚間新聞》，晚間新聞收視由平均 14點升至 18點。
外形硬朗的方健儀因報道風格剛中帶柔深受歡迎，本刊更發現，她私底下好熱情，唔單只日日做「柴可夫」接無綫新聞部同事肥佬男友放工，情到濃時更當住一班同事面前偷掃男友大髀。
據知身為首席主播、月入約 5萬的方健儀，冇嫌棄人工 2萬多、家住東涌公屋的電車男友， 2人更打算今年 10月 10日拉埋天窗，工作認真又唔似港女咁貪慕虛榮，唔怪得咁多觀眾捧場啦！
33歲方健儀 07年加入無綫新聞部，兩年內晉升為首席記者，去年更擔任 11點《晚間新聞》主播，連出鏡費月薪達 5萬元。
工作撻着
據知方健儀與任工程的恆仔（紅圈），常編同一更出外景，所以日久生情，呢類幕後男溝主播喺行內好平常。
黐住坐
平時方健儀出鏡戴隱形眼鏡，不過一放工即時戴番眼鏡唞吓。上週四晚，二人到葵芳宵夜，亦坐埋一齊冇避忌。
主動摸髀
方健儀同恆仔拍拖係同事間公開秘密，當晚方健儀主動摸男友大髀，男友即刻捉住佢隻手，相當溫馨。
摸頸黐頭
散席時，方健儀不忘跟男友頭黐頭，仲替對方按摩肩頸，驚死男友辛苦，非常溫柔。
返公屋
恆仔加入無綫新聞部廿多年，唔靚仔但勝在敦厚純品。上週五凌晨 1點半，恆仔放工後坐公司巴士到旺角，再獨自轉通宵機場巴士返回東涌公屋逸東邨。
女尊男卑
方健儀 99年中大新聞系畢業後，再到英國伯明翰大學修讀國際關係碩士，更曾於聯合國公共資訊部實習，高學歷高收入，以為擇偶條件一定超高，點知男友竟然係無綫新聞部負責工程工作的小職員、年約 40的「恆仔」工作以外多留在家中玩音響及電腦，知情者說：「佢做工程廿幾年啦。同事都叫佢做 Richard Billy（讀歪音，笑他為人率直），佢哋都係對得多日久生情咪拍拖囉，好多女主播都同同事拍拖 o架啦。佢哋感情好好，仲打算今年結婚！」記者連日追訪，亦發現恆仔半夜放工後愛行影音店睇 Blu-ray碟和報攤，有時由女友載出市區後，自行乘巴士回東涌公屋，生活「電車」。
直認快嫁
上週四（ 13日）方健儀報完《晚間新聞》後，即車埋男友，再到葵芳一大牌檔會合同事醫肚。其間二人表現唔算親密，但表面斯文的方健儀，原來內裏好熱情，竟主動於枱底狂掃男友大髀，方健儀採取主動，男友恆仔亦非常受落，主動拖女友隻手，有晒默契，非常甜蜜。 16日凌晨，方健儀於跑馬地票站報道立法會補選。本刊記者問她是否即將出嫁，表現驚訝的方健儀笑住點頭，但就話：「唔好意思，公司有指引，我唔方便回應。」
記者亦到過深水埗找經營汽車零件生意的方爸爸，非常健談的方爸爸不介意未來女婿其貌不揚、職級及收入又跟女兒差一截：「阿恆幾好仔，我一年都見佢幾次，個女鍾意就得，收入唔夠多唔緊要，可能佢遲啲會升職呢！」父母咁開通，方健儀可以安心做人妻啦。
樸實主播
方健儀小康之家出身，有一姊一妹。父親於深水埗開設汽車零件鋪，方健儀現居於馬鞍山居屋，她出入均以父親持有、價值 10萬的舊款萬事得代步，以佢嘅收入嚟講，真係非常慳家。
----------------------------
係真既話要恭喜定Akina
