[疑難] 6年時間令我有點迷失

不如咁講, 你一廂情願想同佢做朋友唔上床, 但佢又會點諗呢? 你作為一個水泡6年, 當佢有需要你就會出現提供佢想要既野, 亦可能係因為咁, 所以你同佢先會Keep到6年, 而如果你唔再咁樣做, 你對佢黎講既存在價值可能就會無左, 由於需要, 可能佢會搵另一個sp, 然後, 你就可以o係佢生命中消失, 呢個會唔會係你想有既結果?

我成日都覺得, 當一開始決定係以sp作為2人既關係, 就要清楚自己既角色, 由sp轉為情侶再有好結果既情況未必一定唔會出現, 但機會有幾多? 你都知係你自己迷戀佢, 當你地再見面, 佢有要求, 你拒絕佢見到佢失望既表情, 問清楚自己, 你會唔會心軟? 會唔會因為咁令自己回到sp既時期? 如果唔肯定既話, 而又唔想再咁樣落去既話, 真係要決絕d好, 要記住, 對自己一定要比對任何人都要好先得架, 因為, 會覺得你最重要既, 除左你自己, 唔會有第二個, 慢慢諗清楚啦!