十分實在的分析！

今日看信報的一個全版利嘉閣樓盤廣告，其中 1/6 版載有其董事總經理寫的 "分析"文章，標題為「外圍因素何懼之有？」。

各位見到內容，再和樓主朋友的精闢見解比較，大家便會有 "會心的微笑"了！

成日話供應量少，但唔知點解，從來冇人提及另外一個重要指標：樓宇空置率。

如果單係話新供應量少，便說樓價會有支持。那麼，同時出現樓宇空置率高時，又代表甚麼意思？

如果單係話新供應量少，但忽略左入市意慾下降，以及銀行貸款審批收緊因素時，樓價會否有動力上升？

好多時 d 所謂物業代理行既董事高層，時常出黎吹水唔收口，唱好唔會面紅。佢地當中又有幾多個真係懂經濟？

拿，各位，今日匯豐銀行王冬勝話1個月銀行同業拆息升至3.5至3.6厘，拆息高企，按揭業務已無利可圖，該行將會考慮調高按揭息率。

大家留意一下 d 報章報道，睇下所謂既專家，又會出咩口術去 dull 住。睇怕又係齊齊學野既時候了。