2007年xocat足彩基金市場起步。短時間之內先後出現過25只牌子，當中兩只已經除牌，兩只同屬一人主理（就係我！），其餘21位經理o係過去兩個幾月唔同程度咁參予基金運作，截至今日為止累績盈餘正數o既只得一只，其餘成績非常強差人意！當然其中有積極參予運作o既經理人數唔算多。原因有好多：冇時間、忙、懶、好煩、溝女（or仔）唔得閑、冇運唔想賭、冇銀冇買、輸到冇晒癮、輸o左好瘀、覺得戇居、甚至連賭都戒埋o既都有！當然，缺乏網上公開賭波（or投資）經驗唔慣o既大有人在。

而家距離歐聯決賽日（好多經理以當天作全球球季完結日計）仲有兩個月幾月，係時候開條 thread 畀各界人仕入o黎吹水，研究本季得失，同埋對來季一d策略性投注（or投資）上o既建議或者心得。

本人近呢幾個月公、私事上忙到漚，但我仍會抽d時間唔定時咁大膽同客觀評論一下各只基金o既表現。希望大家唔好見怪，多多包涵！

引用:

原帖由 chanpowing 於 2007-3-23 22:42 發表
CAT叔


輩份高

年紀大咋

多謝晒咁多位老友記（不點名啦）挺身而出兼對號入坐發言。