新電視
之前小弟曾絰經post過一篇06球迷之苦，文內講及香港各大電視臺喺播映足球節目有乜好同唔好既地方，小弟現將在「06球迷之苦」一文中將有關當時稱為新電視無線收費電視節錄如下
『 「新電視」前稱exTV(銀河衛視)，由電視廣播有限公司(無綫電視)全資擁有的附屬公司銀河衛星廣播經營，2002年12月獲香港收費電視經營牌照。根據法例，除非得到香港特別行政會議批准，否則免費電視台不得同時經營收費電視。政府雖批准銀衛經營收費電視，但設立多項經營限制(俗稱「防火牆」)，如無綫不可擁有銀衛多於49%,銀衛須競投無綫制作的節目頻道(獨家)等。
新電視多左個25同26台，用來直播映荷甲，法甲及蘇超賽事，之後失驚無神又話直播英冠賽事放喺998台播放，本來多左個選擇對球迷來講係件好事，可惜既係只有法甲英冠有聯賽精華睇，其他聯賽精華例如荷甲，蘇超通通都無得睇，無論對純睇波的球迷甚至係想收看聯賽精華以觀察球隊狀態的賭徒而言，都係失望的。
人地NOW 衰衰地每週都有個巴甲聯賽精華睇下吖，而家連一個咁小既錄影節目都做唔到，真係令人心淡！
仲有既就係嗰個播英冠既998台D services 又唔見得特別好，舉個例: 首先喺直播英冠賽事中揾陳炳安做粵語旁述，此君的水準如何的差，相信閣下都心中有數，其次係喺賽前報導陣容中，有邊d傷兵停賽，係咪full team 又唔交代，半場休息時又唔講雙方上半場d 射門角球等數據，直至到下半場開波先至出番聲講野，中間休息時間個旁述員係直情1粒聲都唔出，問你死未？咁既services 仲夠膽死擺喺收費電視台播，新電視真係厚顏無恥到極點！
再以英冠賽事做例子，英冠中有22隊，球隊數量之多令到賽期十分頻繁，理應直播次數增加才是，但可惜的是，唔係個個禮拜都有直播，鍾意就播一場，唔鍾意就唔播，節目質素已經唔掂，喺量方面亦唔得特別多，完全係貨不對辦，好似喺28/1嗰場屈福特對克魯呢場賽事，係成個禮拜唯一一場英冠賽事竟然都無得播，「新電視」擺明呃「稱」！
仲有既就係個網上節目表中寫左好多節目絕大部份係錄影既，但完全無講到個首播時段，呢點亦都係要抵鬧！就算直播蘇超、荷甲及法甲都唔係場場有粵語旁述，對球迷帶來好大不便！…………………..』
前稱「新電視」的無線收費電視可以利用now 的解碼器收睇(當然要另外比錢)，咁就唔駛另裝解碼器同remote慳番唔少位。但就內容方面仍然係依然故我，節目質素並無改善，去季的節目令人不滿的地方至今仍然存在，舉個例聯賽精華只有法甲英冠有得睇，其他聯賽精華例如荷甲，蘇超通通都無得睇，仲有既就係GOAL TV 1 and 2 既頻道係英超四大球會曼聯、阿仙奴、利物浦及車路士的官方電視頻道，呢四間球會既任何熱身賽、球員轉會的新聞發佈會及新加盟球員的記者招待會都有直播，可惜既係以上呢d涉及球隊的第一手消息全部都無o係GOAL TV 1 及2 既頻道有得睇，記得當年碧咸加盟皇馬o個陣，單是碧咸o係同皇馬簽約之前做既體測都有o係皇馬官方電視臺度作直播比較之下，呢兩個頻道所謂的英超官方節目真係收皮。
之前講過利物浦對凱沙羅頓o係有線有得睇，但竟然o係無線收費電視內GOAL TV 2的利物浦電視節目係無得睇，
仲有車路士o係季前有一場熱身賽對美國大都會明星o係 GOAL TV2 內同樣係冇得睇，呢d所謂叫車路士的官方電視節目，食屎啦！
仲有既就係o係直播蘇超法甲方面，唔係場場有粵語旁述不特止，仲有既就係個直播節目一開始就即刻中場開波，之前完全冇交待到兩隊近況、出場陣容、有乜傷兵停賽，呢d咁既資料要比球迷知架馬？唉呢d咁基本既野都做唔掂，同有線比真係差得遠！
個英冠雖然有得直播但場波一吹雞完場就即刻節目完結，連慢鏡都冇得睇，個節目一完就cut 左佢, 我都唔知有d乜野咁urgent 場波一完場就即刻cut左場波，原來咪又係照常地喺998台播無線收費電視的節目的資訊，有乜咁巴閉咁緊要先呢d咁既節目有乜法子唔令人心淡吖
