骨場三小時之旅

由於最近沉迷激情K壓，好耐無去揼骨，所以都無出報告。

琴晚同D同事係旺角散，心諗咁耐無揼骨，就醫醫條骨蟲啦。本來想去荃灣凱撒，但係懶搭車，又想早D返屋企，於是留守旺角。首選新興閣，但係諗係上次去好似熟人，費事又擔驚受怕，結果目的地係龍濤閣。

好耐無去，一上到去，見到更衣室同沖涼房都換左新裝，舒服好多，大喜。沖完涼，大班俾張號碼紙，見到搵過幾次既骨女有返，就MARK佢啦，大班話等要20-25分鐘。心諗食少少野睇陣電視時間都過左啦，仲諗住今次真係好彩，點知......

等下等下，等左45分鐘，都無跡像入房，都明白星期五晚例多人，等多陣都無計。再過幾分鐘，終於帶我入房，入到房，骨女報鐘，個NUMBER都唔係我MARK個個，心諗等左咁耐，求其啦，揼完先出去咋形。基本動作寛衣解帶，囡囡仲一開始就除埋我條褲添。

跟住，大班敲門，話搞錯左囡囡。心諗咁咪叫條囡出去囉，結果大班叫我著返晒衫出返去等。心諗有無搞錯，問佢仲要等幾耐，佢話再等五分鐘。

咁咪成個傻仔咁出番出坐囉，又等左十分鐘，遲我半個鐘入黎個批人都入晒房，我都仲坐係度，咪叫個侍仔問我仲要等幾耐。個時睇得出D大班正籍換更，個剷平頭既男大班接完更，一輪指手劃腳，又幾條友入左房，侍仔問佢我幾時得，佢一副闊佬懶理。

過多一個字，係佢英明帶領下，一個侍仔帶我入房。點知，一入再個條伸手不見五指既走郎，佢又叫番我返轉頭話未得。我即時黑面。難得既係，個大班咁既情況，仍一副好怪責我既眼光啤我。

結果我又再番係大廳，有個女大班走黎SAY SORRY，我就起勢咁話有無搞錯，等作個鐘都算，仲要我咁遊街法。

又有兩個客入左房，跟住終於到我，女大班猛SAY SORRY，話今次係真，我無奈地又再行入房。經過個男大班身邊，佢眼尾都無望過我，更何況一句對唔住都無，佢既道行認真厲害。

入到房見到條女，照例寒暄幾句。PART 1 雖唔係大師級，但俾好多女黎趕，已算好唔錯。PART 2非常正，手法亦較少見，怒火亦因此大減。

搞掂，沖埋涼，更衣室侍仔態度積極，條氣又順番多少。臨埋單前，又有條男大班出黎做下D門面功夫，問下意見。你唔問由自可，一問就把鬼火，我嘰哩咕嚕咁講返正話既遭遇。個大班見我無打算停口咁，就將我找數時用個張COUPON未番我，話下次黎再用多次，跟住就掃左我走。

出到門口望望集錶，嘩，咁就用左三個幾鐘。