其實係龍記討論區都做過咁上下回憶,都有兄弟支持,舊龍其實都有唔少討論空間,希望大家係呢度可以回憶一下啦

首先比大家睇既呢....不如就武功先啦,今次就講少林4大神功之一
--《金鐘罩》

《金鐘罩》係龍記入便係防禦之王,至於佢既內功性質同能力大家都好清楚啦,小弟就講下舊龍到底有幾多人練《金鐘罩》呢門功夫呢,原來真係唔少,好可能係龍記入便最多人用都唔奇
以下都係小弟既記憶,有錯就麻煩各位兄弟執正啦

排列次序係由關數高低決定

金鐘鱷--柴灣四鱷之一,自稱係練金鐘罩,不過比仲係小流氓時候既小虎踢幾腳就收皮,叻極有限,不過佢係最早用金鐘罩個個,而且個時未有關數設定,估計只得一關

神彈金剛(第2關)--金羅漢7大金剛排第2,亦即當年既神彈太郎,學自金羅漢,敗係小龍既大手印之下

四眼明(第5關)--四小將智囊,學自黑龍寫番香港既秘笈,係泰國編再出場,可惜係當時5關功力根本唔入流,比偽君子龍貫天所殺

霹靂金剛(第6關)--金羅漢個仔,同老豆一樣咁衰,有6關功力加蔡李佛拳,係金剛山腳苦戰之下不敵老妖敗陣

琴佬(第7關)--日本東照宮4老之一,狂憎徒弟(其實係比錢學功夫),為人正直,因為不值狂憎所為而決裂,最後比假扮狂憎既邪神所殺

阿柴(第8關)--金羅漢師弟,一心為師父報仇而要殺金羅漢,羅漢神指威力得至苦和尚真傳更勝金羅漢,可惜人蠢及實戰經驗不足,被金羅漢破罩門而死

金羅漢(第9關)--奸險陰毒,殺死師父至苦之後創立金剛教,敗係邪神手上,被封為羅剎教4大護法之首,被小虎用辟邪寶劍破係肛門既罩門..戰死


至苦(第10關)--金剛山創立人,大戰時期由少林寺走到日本,被金羅漢所害,將武功教比阿柴後死去

狂憎(第10關)--原為僧人,偶然之下得到秘笈,練到十關,因少時常被欺負而變得心術不正,視武功為生財工具,為小虎服功而出山,不過太貪心同龍虎群英反目,更強姦靈芝,後被邪神收服,羅剎教之戰死在小虎腳下

慈雲聖僧(第11關)--被囚係月堡而預上黑龍,將全身功力傳比黑龍後死去

金燊(第12關)--同黑龍一樣敗係天帝手上而被天帝逼出十二關功力,同黑龍打成平手,後慘死係天帝手上

石黑龍(第14關)--相信都唔使多介紹,14關除左可以飛之外仲可以細胞重組同運氣成棍,功能多多,不過實在太誇張

其實應該唔止咁少,不過小弟係記得咁多,大家唔好介意呀

[ 本帖最後由 ruger 於 2007-3-7 22:12 編輯 ]

引用:

原帖由 KING546 於 2007-3-8 15:45 發表
我都知應該係唔同, 但記憶中好似都係類似請神上身般的.
好似翻江蛟咁,都有請好似關義哥上身的.

首先多謝冰河兄加呢個topic入精華
小弟都唔記得左獨眼龍係學左金鐘罩

其實後期千歲鬼龍用既鬼打邪功開頭係由五味法師所創,後尾唔知點解卓不凡個大師兄阿大休又識....
不過同千歲鬼龍用既鬼打邪功就差好多班啦,至於佢點解會咁多人識,就冇人知啦

既然出左通天兩個角色,今次就講下活閻王先啦~
活閻王當年係通天3王之一,武功有離火玄冰訣
,招式就係閻王十令同佢把大弓
佢應2朗神分附狙擊坐輕氣球脫出調堡監獄既小虎佢地,佢亦係地獄三凶既師父同埋教二朗神輕功
活閻王本來係教中身處高位,但因為同易一飛既爸爸交手,被打傷頭部,攪到傻下傻下咁
成日亂殺人,比老天尊放埋一邊唔用
活閻王出場之後戰績驚人,一箭就射穿2個輕氣球更係犀利非常,圍攻廣法堂又打死佢地唔少高手,後尾被派去
看守白俊,比前往營救白俊既小虎打死
講番佢既閻王十令,每一招都非常特別,各有特式,同小虎單打獨鬥個場更係非常精彩,另外閻王既輕功亦係一絕
小虎最後只係以霹靂狂龍慘勝
王小虎vs活閻王收錄係舊著613-616期

不如大家講下想知舊著邊d角色既事,我盡量係度打出黎

引用:

原帖由 isxman 於 2007-3-22 08:50 發表

正確期數真係唔記得la~~~~
麵成20多年前的事,
那時我還是一個純情的中學生~~~
還未出來工作~~~
亦未完成進化過程,成為一匹"狼"~~~
一頭色狼

韋陀係死係第260期《韋陀歸天》,點死呢就同上便位兄弟講既一樣,比金如來震斷雙手,失血死既,當年韋陀真係幾受歡迎,老黃除左要兜佢去左醉拳之外,仲要出多個又係用鷹爪既金牛,不過金牛仲死得慘得多,有機會係呢度講埋

[ 本帖最後由 ruger 於 2007-3-22 21:22 編輯 ]

至於白骨丞相比人斬個段,就係早期講左比仇家斬既,唔關鐵冰事
易筋經就等我睇睇d資料先,因為佢係龍記入便唔係太多人用,應該唔夠十個

首先同各位兄弟講聲sorry先,最近真係好忙......咁遲先再回呢個topic
今次一次過出多幾編比大家睇
首先係卓不凡,通天工部總監,文殊天尊得力助手
卓不凡原本係大嶼山跟都靈上人學野,後黎出去九龍搵食,偶然撞到文殊,文殊同佢個妹卓美姬拍拖,於是跟左文殊返去通天教啦
最初文殊有心想卓不凡頂白骨個位,亦因為呢件事令白骨叛變,之後盟主之戰文殊輸比蚩尤,文殊失勢.....升卓不凡呢件事就不了了之啦
卓不凡係通天教一直係中堅份子,雖然武功唔係高,但係係幾次大地震都企得穩
最後仲踢走陳傲雲,不過就死係自己一手提拔既弟弟卓星腳下。
講戲份卓不凡只算係一線尾二線頭既腳色,不過當時主編好興用佢黎帶出其他腳色...好似佢d師兄弟啦....師叔都勝都逸,叔公逍遙老祖等等仲有通天老三聖同通天聖祖同六月初四組織都係由卓不凡一手帶出
武功方面卓不凡開始係用一種叫金剛不死神功,後期就無相神功同降龍腿

引用:

原帖由 ploi 於 2007-5-1 13:14 發表


唔係喎，印象中好似好多人練架喎...
邪神、老邪、光頭星、青紅蘿蔔(好似有架)、獨眼龍、石黑龍.....
之後唔多記得喇~~

易筋經其實主要係白蓮羅剎時期較為多人用,分別有金如來同佢4個徒弟啦
白就,邪神老邪神等等
而於黑龍只係用過一段短時間(因為佢好快就識第8關啦)青紅元老就主要用番烈火派同星宿島既功夫為主,唯一會用到尾就只有光頭星一個
另外,易筋經係舊著有兩種,第一種係金如來班人用既北派易筋經學自至德和尚
另一種就係黑龍同邪神佢地用既南派易筋經係由慈航聖僧傅比西城石,再傳比老邪神等等,舊著都講過南易筋經係比北易筋經強同難練ga
其實小虎,小龍,獨眼龍玄難都識,只不過係佢地唔用,我話易筋經唔夠金鐘罩大路就係咁解啦
金鐘罩比易筋經難練亦係事實易筋經有黑級既一共有---
慈航,西城石,邪神,老邪神同光頭星,白級就有至德,藍級就有黑龍,金如來,白就等等
金鐘罩有12關就得黑龍同金燊
新著雖然講到九陽同易筋好似55波咁,但係舊著易筋絕對唔及九陽,當年邪神用到黑級先嬴到7陽既小虎,之後險勝8陽既明鏡同日聖使
不過要同老邪合力先打死得聖上8成功力兼且有傷在身既東方不弱,係聖殿同老仙合力都打唔低聖上(當時聖上仲未識大霹靂)係沖繩仲輸番比小虎添

引用:

原帖由 KING546 於 2007-3-22 01:53 發表

THANKS! RUGER兄!!!
請問RUGER兄大慨由幾多期開始睇舊著龍虎門的?

大約600期左右啦,不過當時屋企有哂全套係度,用左幾個月先睇得哂
其實小弟今年先25歲,睇左10幾年ja

引用:

原帖由 亞佳佳 於 2007-5-2 05:42 發表


金牛係死係日本死既,比天妖由個高崔踢落街,死無葬身之地....

我好鍾意金牛,不過佢好廢,記憶中未打低過人

印象中有兩個,一個係玄難徒弟杖魔,死係金鷹奪手下
另一個係白鷲重傷之下比金牛撞入火海燒死