由11月底開始, 每星期上廠都發現左鄰右舍有廠關門, 到現在大約5成廠已關門. 每次路經村委, 勞動局等地方都有民工聚集, 其他廠也有很多供應商上門收錢, 很多300-1000人的廠倒閉了, 我廠的村委因要付工資給工人經已破產. 12月初已開始派人在工業區看守, 以防有廠走人留下爛攤子. 機械設備原料不可搬運出廠, 現在天天都見廠長返工, 8至5都在廠, 平時一個月只見3幾天.

供應商很多已不給月結30天, 8成原料要付現金, 快遞也要每次付現金. 連桶庄水都要付現金. 廠區內的飯堂往日大排長龍, 而家12時20分己無人排飯.

很多五金模具廠已結束, 因為10月打後一個月都無2套模開, 他們都找地方把設備安放好, 來年再作打算.

工人大約有2類, 後生的因為無加班, 扣食宿后一個月只得約800元, 很多已要求早退回家, 所以在各車站已開始小春運. 30幾歲的比較知道情況, 現在死守工廠, 怕來年不能回廠上班, 不知能否找到工作.

其他廠家都開始分批放工人回家, 工人問春節后幾時上班, 回答是等通知. 有人事部在工人間發消息, 如果現在不收錢去, 怕年底公司無法出工資, 所以大部份情願收錢回家.

現在上落廠都很害怕治安問題, 自己付錢找車直接上落比較安全.

現在只是剛開始.
近日有關社保方面有擠提, 因為廣東省內很多工人回鄉打算不回廣東工作, 提前申請取回社保, 這也是一個大問題.

春節后都不知會如何!
聽廠長說, 各地村委, 治安辦, 勞動站都不放假, 主要是找人看緊各工廠企業, 唔比d廠在放假期間無物工人時打廠內設備同貨料搬走.
而且廣東省方面要求銀行hold住企業的的大銀碼進出, 要保證有錢出人工比d工人.
呢d未算恐怖, 最恐怖係政策上唔比d廠關門, 一定要老細搞好d工人薪金補償金, 呢d先係玩死人, 1000人廠, 平均每個工人連人工同補償要一萬, 已經要1千萬上去埋單, 你d廠唔搞好呢d野, 即刻扣押老細, 會計, 係香港人都要扣押幾件.
如果名位兄弟係長駐廠的要小心, 有風吹草動唔好等, 即刻走, 身邊要有幾個司機的電話, 即時走反香港, 你唔會知道係老細幾時唔玩, 大陸d人找唔到老細就鎖反幾個香港人做籌碼.
識有個中港貨車, 佢上去某廠拉貨, 去到先知有工潮, 佢on 9 9 比人鎖係廠內, 要佢找工廠個老細, 最後要自己放下5萬大圓先有得走.
總之打工的你, 見唔對路, 一定耍走.