其實尾段果part,張君寶 vs 陳友諒&飛將戰器...
到咗"真武"境界的張君寶一定唔會咁就俾魔童KO,
但受創就在所難免,爭在傷得重唔重同有冇手尾跟啫.

合撤兒突然要求俞蓮舟一齊封朮赤穴道,
睇嚟有機會係幫朮赤谷上血神力...

今期白鹿向劉伯溫下跪個畫面都幾震撼...

而且下期預告話有武當派強援去會一會飛將戰器,
一係就係徐達,或者係武當派掌門張三丰...
斷估張君寶冇咁易就俾飛將戰器收皮

引用:

原帖由 不平凡人 於 2009-7-21 20:08 發表
問題係...之前話有好野益張君寶..原來出飛將同佢打...點知打左幾下就玩完...
e+又到話有野益飛將............咁君寶點???
我其實諗住睇佢2個打返2~3期...............................=.="

諗諗吓其實會唔會出張無忌...
既然張翠山都可以由男變女,咁張無忌都可以由父子/母子關係變為姊弟 or 兄妹...

出場的竟然係中年版張君寶...
我覺得年青版張君寶已經好勁,
至少當日同巔峰狀態的韓山童打都遊刃有餘...
哩個中年版真係唔知勁成點...
張松溪出場,型呀
張松溪 vs 十三同拉琪,
表面上係以一敵二,但實際上係以一敵四...
雖然張松溪的武功境界係最接近真武,
但上兩期出場都見距有兩聲咳,應該都係不能久戰果一類角色,
所以以一敵四打輸都雖敗猶榮

去書展見到有《洪武外傳--少年國師》小說,
主角係劉伯溫,有冇師兄買咗？
插圖好似係司徒劍橋的手筆...有冇師兄指點迷津？
睇咗頭兩章,都ok ge...
預計星期四會睇哂...掛

邪童俾常遇春重創,睇到好興奮 .
哩兩期的合撒兒 vs 徐達打得好精彩

今期內容真係好好睇&感動
帖木兒捨己救拉琪,其情操連天女都感動埋...
到最後鐵木真&赤老溫接走帖木兒果幕好煽情吓
不過鐵木真&赤老溫用蒼狼殲霸拳轟擊妲己果幕好有power
合撒兒的心計真係用得好絕吓 ,簡直痴線㗎...
徐達哩鑊真係俾距玩死

朱棣咁細個就識日月雙瞳...
原來《明神武典》可以遺傳 ...唔會掛

見到莫聲谷咁樣...真係幾心 up...
完全冇還手之力,輸得肉酸之餘又令人心寒 ...
就算救得返都 ...
希望下期莫聲谷有個解脫啦

睇個故事進度...
可能就快完...真係有Ｄ唔捨得

宋帝昺出咗棺喎...咁即係《洪武》就快完？？
咁陳友諒又去咗邊？？

張翠山收狂蜂女皮果招都好堅吓
但係俞岱巖兩公婆對王保保 & 飛將戰器新主--拉琪,
我諗都幾牙煙吓...

上期&今期一齊去睇,
真係幾有共鳴,
上期十三唔捨得拉琪死果幕,
睇落真係好touch ...
今期拖雷最後果場戲,
喺海邊望住夕陽煲煙,仲嘆氣:"十三翼...打生打死為乜??"
個境真係好滄涼...
最感動的係拖雷原來仲想延續距同朮赤的兄弟情喺距的2個仔身上,
睇果一刻真係好到肉,好鬼感動

今期通通兩父子係咪扮《第8銅人》入面的"不殺"??

韓林兒懷疑有二五仔...我覺得個二五仔係胡大海...