TONY1你好,
小弟陰毛位置發現小粒, 而龜頭就有好似warts兄相中既黑點,
之前睇左個所謂皮膚科既只係比左d皮膚炎藥同抗生素我, 食完成個禮拜藥都無好轉.......
希望你可以pm我 dr. ho 詳細地址！萬分感激....

引用:

原帖由 Tony1 於 2007-4-25 01:22 發表
ding
皮膚科醫生多數開皮膚炎藥同抗生素，你看那個醫生？

睇普通診所個d, 今日經過再睇清楚發覺真係只有皮膚科文憑.....

未有收到dr.ho地址...希望tony兄可以盡快pm....我已經六神無主....
另：請pm埋開診時間, 再次感謝....

首先非常感謝tony1兄提供的資料, dr. ho 話係「珍珠疣」,用左冷凍法, 同比左d約我搽, 兩個星期後再覆疹....

另外想講一下,自從小弟發現中左野後,情緒真係好低落,好彩係互聯網比我搵到呢個topic﹝仲係從舊topic搵到過黎﹞
係眾多既回覆中,看到很多朋友的互相支持, 實在非常安慰！
但同時也看見有幾位人兄留了一些令人難堪的說話......
我想說,沒錯,我明白這種病是我疚由自取的,但我宜家唯一可以做既盡快去尋求正確的治療....
如果能以一死以謝天下, 我是死不足惜的, 要明白我不為自己也必須為家人而活下去,
人生自古誰無死？但這一刻我相信應該去面對先至係負責任既做法......
去玩岩唔岩我唔想係道德層面去爭拗,但係個過程中自問無對其他人做成傷害,今日我亦得到左報應.
你地可以隨時企係道德高地去指責其他人,但呢個世界有冇可能個個都可以做到聖人咁？
面對疾病既威脅,應該係醫學上研究解決既方法比較實際同適當.....

最後要係呢度多謝dr. ho 既悉心治療, 佢友善細心既態度, 實在係一位不可多得既好醫生！
亦多謝呢度d兄弟既互相支持, 希望大家繼續努力！千祈唔好放棄！
祝大家都能早日康復！

[ 本帖最後由 ding 於 2007-4-26 22:09 編輯 ]

引用:

原帖由 nokipias 於 2007-4-28 13:07 發表
今日出左報告了, 乜菌都冇, 純前列腺炎, 雖然都係有排攪, 但知道唔關性病事個心都舒服少少...
諗番起之前亂諗野0個段日子真係好慘...
都係0個句, 早d 知道有dr. ho 呢個醫生就好喇.... 唔洗比人呃同埋可以慳 ...

唔知發生咩事真係好驚好恐怖.......
祝你早日醫反好佢！
學tony兄所講, 我地能夠做既唔多.......只可以將一切交比可信賴既醫生.......

引用:

原帖由 kk79 於 2007-4-27 14:09 發表
慘啦.. 不知最近是不吃的抗生素+消炎藥太多, 不旦背部生了很多粒粒(沒膿的).. 而且, 很久沒返發的 志倉 都回來了.. 唉.. 所以大便又有血了.. 唉..

有冇話比醫生知咁既情況.......不過我岩岩食左一陣抗生素都發覺有唔舒服.....

先向大家講聲抱歉！很久沒有上來這版留,
但好感謝同欣慰幾位師兄努力無令呢個thread沉底,
不停為旁惶的朋友指點正路

客氣既說話唔多講, 相信大家應該都唔記得我係邊個, (page55)
之前既真珠疣暫時無再痕, 但我都唔敢講係咪真係好反,
呢段時間都有係呢幾個風月版望下搭下咀, 不過就無再去玩.....
﹝老實講, 睇到其他人玩得咁開心, 真實內心好癢﹞

可惜, 平靜既日子過得唔耐, 由於呢段時間睇得相關資料多,
發現在係腳部既一個多年既患處同「椰菜花」一模一樣,
且而生得越黎越大, 正想去搵dr. ho既時候........
就咁啱碰到佢放長假....... ﹝個護士話佢29日下午返﹞
而家個心情好籮籮攣, 但無奈都要等到下個星期

且而因為長期唔覺係疣, 所以無特別防範, ﹝仲試過整穿, 有血水流出﹞
好驚有機會間接傳到其他地方, 尤其口鼻腔之中,
加上最近身體欠佳, 心情實在好差......
﹝又怕之前會傳左比屋企人唔知道.....﹞

打左咁多字, 可能有兄弟睇唔起我無事不登三寶殿,
但係日常生活中實在無處可以傾訴......﹝連屋企人都未敢講比佢地知﹞
係呢到寫出來希望會舒服d, 希望大家多多包涵, 謝謝！

[ 本帖最後由 ding 於 2007-10-25 20:11 編輯 ]

兄弟既心情我都好明白, 其實我都不時有生起過厭世既念頭......
我屋企家境並唔好, 都係靠份工搵食, 手停口停,
每次睇醫生都同樣有金錢上既壓力,
但無奈上有高堂, 如果就咁一聲唔出走左, 恐怕佢地會接受唔到,
所以唯有日過一日, 見步行步........﹝雖然我都唔知自己有能力行到去邊﹞

好多謝tony兄無怪我仲安慰我, 腳個度我反而無咁驚, 我最驚係傳左去鼻口入面,
因為睇資料個d地方好難醫同好難復完, 而且醫到個d地方必定暴光,
到時候全世界都知到, 就真係唔知點樣再過日子........................
﹝尤其呢段時間經常鼻塞同鼻水倒流, 牙肉腫爛同流牙血......唉.....總知成個人都唔知點咁.....﹞

另外想請問一聲, 有冇兄弟知道 dr. ho 可以提前幾耐預約......同埋佢個間診所有冇耳鼻喉科？

[ 本帖最後由 ding 於 2007-10-26 19:50 編輯 ]

謝謝咁多位！
同意tony兄所講, 大陸d黃綠通常只睇錢無人性, 分分鐘仲衰過唔睇....
所以如果實在無辨法睇私家既應該去政府處求疹！
根本政府想推卸「醫療」呢個責任好耐, 從轉做醫管局開始已經係咁,
想信大方向都應該係咁, 問題只係會以咩形式去cap水,
至於保密, 私穩條例「理論上」應該包左........
﹝只係香港社會普遍乃然帶住有色眼鏡同鴕鳥既思維去睇「性」呢樣野,
　更加無人會去正視我地呢d情況, 有兄弟講開耶菜花預防疫苗,
　遲d post d其他地方既link比大家睇下人地政府既做法.....﹞


多謝kwok兄,
但患處已經生到指甲位, 唔知要唔要剪走部份指甲.....
唉....只怪自己一路都懶懶閒, 得過且過......宜家後悔已經太遲......
今日去睇牙醫, 暫時口腔未有發現.....希望搵機會快d check埋鼻入面同喉嚨位....

如肥t兄所講, 可能我地d債未還完, 賺既都係要填返落去,
希望我地受苦既日子快d崖完........大家都要加油！

[ 本帖最後由 ding 於 2007-10-28 10:08 編輯 ]

引用:

原帖由 小肥t 於 2007-10-28 01:11 發表

我想講係由你睇左社會衛生科起，你就可能要捱貴好多/ 甚至唔受保醫療保險，同埋你搵熟人買仲pk，分分鐘攪到所有人都知你中招
當然，上述純屬個人意見，堅持政府好d、不同意見唔需要回帖，你如果覺得自己0岩，咁 ...

係度先向肥t兄道歉先, 可能我表達得比較差, 又打到鬼咁多字,
令大家中間有少少誤會左, 實在對唔住
首先我絶對「冇」覺得政府好d, 尤其覺得油記唱人個名既「特別服務」更係奇差.....
﹝如果唔係我自己又點會選擇左睇私家呢？﹞
好同意肥t兄所講, 如果睇過性病, 保險係差好多,
個經紀衰d既仲會用歧視既眼光望你......愛滋更係無得保的！
﹝我睇親都係用自己荷包d錢, 無用保險........﹞
我諗我同tony兄所針對的是「大陸的黃綠」,
大家上開去都知d城中村或市鎮仔中甚多街招貼左係電燈柱.....個d見到真係怕怕.....


所以我想大家都絕對認同係香港既私人專科診所求醫會係最好最好既選擇！！
﹝我自從問左tony兄dr. ho既資料後, 到而家都一直係睇佢.........﹞

[ 本帖最後由 ding 於 2007-10-28 09:31 編輯 ]

貼上一d係網上search到既一d資料, 純粹比大家睇下
先聲名只係轉貼, 絕不構成任何建議及推廌, 詳情請向你地既醫生查詢！！

生果網既介紹
升島既報道
第二個地方既報章報道﹝好似係大馬﹞
(pdf)香港立法會文件﹝頁10﹞
(pdf)澳洲政府文件﹝中文﹞←←【唔該強政勵治既香港政府學下野】
台灣醫院訊息

係網上search仲有好多好多其他報道, 亦同時有好多爭議
﹝如：對男性有冇用呢？受過感染仲打唔打得呢？﹞
生果網既報道2﹝講男性﹞

綜合d資料暫時睇黎都係以9至26歲女性為主要對象,
希望快d發明到根治既藥, 等所有兄弟都快d好番！
至於阿sa賣的那個廣告小弟反而留意唔到,
如有兄弟搵到請貼上黎分享下, 謝謝！
﹝再重申多次！請咨詢醫生同有關專對人仕意見！絕對唔好自己亂黎！﹞

[ 本帖最後由 ding 於 2007-10-28 10:48 編輯 ]

引用:

原帖由 Tony1 於 2007-10-28 20:55 發表
各位不要放棄呀.
今日出旺角,原來DR.HO下面都有另一醫療集團,而這醫療集團有另一個皮膚科醫生.

無錯呀！各位都要加油！
樓下個位似係上次係都市報寫文講疣個位醫生.......

唉....呢兩日唔知係咪天氣變定身體差既關係, 個患處一直又脹又痛.......但要到星期尾先有時間去搵dr. ho......
同埋做左冷凍唔知仲著唔著到鞋, 到時真係唔知點返工.......唉.........

如肥t兄所講, 睡眠真係好重要, 唔講呢d,
長期唔夠訓都會令身體好多其他地方都有問題, 希望大家都放鬆心情去面對﹝包括埋我.....唉.....﹞

唉......一錯再錯.....上星期發現問題後又搵唔到dr. ho.....自己笠笠亂之時用左滴露同沐浴露洗腳.....
唔知係咪因為咁, 呢幾日成隻腳都好「鞋」........唔知係咪洗傷左d皮......唔知會唔會因為咁惹開晒.......

引用:

原帖由 小肥t 於 2007-10-30 23:17 發表

大哥，嚟緊既聚會唔會嚟?

好多謝肥t兄邀請....但呢排真係好亂, 冇晒心情.......﹝我自己朋友d約都推晒....﹞
先向各位兄弟講聲唔好意思......將來有機會再同大家聚........

[ 本帖最後由 ding 於 2007-10-31 21:07 編輯 ]

引用:

原帖由 啊魚 於 2007-11-1 19:57 發表
其實冇乜分別, 但我本人覺得鐳射講求個 dr 手勢好唔好,  手勢唔好未必可以完全kill 晒d病毒, 所以返發%會高一點點, 冷凍好處我諗冇乜疤痕啩

疤痕反而無乜所謂, 宜家一心淨係希望可以快d好番........

不過唔知 Dr. HO 個度有冇鐳射？
同埋用鐳射會唔會貴過冷凍好多？

希望大家都可快D好番晒！！

引用:

原帖由 啊魚 於 2007-11-1 19:59 發表
各位兄弟
你地情況點呀?
希望大家都快d好返啦

呢排都希望盡量唔再去諗個D埋.....
谷埋一排又癮起......但打飛機多又怕影響到身體......
想問下大家有冇乜好方法去解決個心魔？

終於做完反黎.........身心都好痛..........真係好痛........
學兄弟話齋.....真係怕怕......
結婚生仔個D更加唔敢諗......

我個傷口唔知係咪太大......過左兩日到宜家仲有D血水流出黎.......唉.......

引用:

原帖由 minghin 於 2007-11-4 22:09 發表

會嫁...我一般都要搽藥膏10日才好,
我都試過,如果傷口太大,搽咗都唔好.要返去轉藥

返工時真係都唔知點......宜家仲滲緊血水都唔知點算......
宜家都唔知做laser係咪一個錯誤既快定......完全唔知點算呀.....

[ 本帖最後由 ding 於 2007-11-4 23:12 編輯 ]

引用:

原帖由 小肥t 於 2007-11-6 00:03 發表

做冷凍仲慘，記得用消炎膏+食抗生素

謝謝, 一直有食同查藥膏.....
dr. ho話傷口結唔到焦.....同埋我身體比較弱所以復原得比較慢......

不過真係要再次多謝dr. ho, 同埋個位四眼護士小姐, 佢地真係好nice對病人好關懷！
係度再次感謝佢地！


另外剛見到報紙有關hpv預防疫苗既報到, 希望幫到大家身邊心愛既人
[中年婦女也受惠 4合1子宮頸癌疫苗 (Yahoo!明報)]

引用:

原帖由 Tony1 於 2007-11-7 23:10 發表
DING
dr.ho四眼護士病好了？
有沒有看那本健康周刊？（因診所裡有）

上去有見到佢呀, 你冇講都唔知原來佢之前病左......﹝佢態度依然超好呀！﹞
個度好多雜誌堆埋晒, 無留意到你講個本.....
﹝個日間診所好多人, 好亂, 幾乎無位坐.....﹞
btw, 藥房個位護士都好似幾好樣.....

呢兩日終於見到小小焦, 消左d腫, 希望快d可以埋口啦........

可惜今日又見到d唔係咁好既消息：
[ 稱27歲以上適用 藥劑師轟醫生誤導 子宮頸癌疫苗爆激戰 ]

所以大家有咩事真係要去搵d專業既醫護人仕，有保障之餘自己亦可以安心！

引用:

原帖由 minghin 於 2007-11-22 21:12 發表

Tony1 & 小肥t
雖然我無参加版聚..但我係一直支持你哋嘅.
最近都好忙.日日都唔夠訓.
E家都係小心自我檢查,翻發次數都俾以前少咗D.
希望越來越少就OK啦,
唔期望一訓醒就好翻晒 ...

X2
諗番起初個種唔知點算, 我都好感恩可以搵到呢度......
希望大家都互相支持, 令病魔早日離開！
呢排番工加上早晚洗傷口, 攪到個人成日覺得好累,
而且都一段時間仲係進展唔大, 睇黎都要再去搵dr. ho望下.....


snghk
從年頭開始斷斷續續咁睇醫生到宜家都大半年無上過去,
一時間從玩開到無得玩真係好唔慣, 要控制住個心魔係好辛苦,
但一日未好番, 再辛苦都忍下, 至少都清左個病先再諗,
身體要緊, 大家都要加油！！

呢排又唔夠訓....身體又弱左好多, 出現d一直唔多好既小毛病....自己又開始胡思亂想....恐怕會碰上更可怕既......
自從有病以黎多留意左d醫藥新聞, 見到d癌病既醫療不停開發,
雖然唔知我等唔等到佢地成功, 但都希望有朝一日呢個世界無晒絕症！
講反自己.....一邊腳既焦終於甩晒.....但個位置有小小凸起同埋膚色唔同色....唔知會唔會.....
但另一邊塊焦仲係度......個幾兩個月都唔甩.......

[ 本帖最後由 ding 於 2007-12-15 18:11 編輯 ]

恭喜發財！！
祝各位兄弟
龍馬精神！身壯力健！

N年前係度, 估唔到宜家又返黎, 唉............

引用:

原帖由 dary_1981 於 2012-2-25 23:22 發表
驗完無事，第一時間問佢有無得捐錢，社工話俾我知有個透明箱，我當然即刻捐返d錢入去!人地有輔導先再幫你驗，感覺真係幾好！一直都無諗過自己都有需要d自願機構幫手既一曰，所以我以後都會多做善事！

師兄加油, 我連驗既勇氣都無.......

係街度見過佢地籌款, 但都係填表月供, 唔收現錢, 一直都無參與.......