我個仔上星期出世,好得意又好好湊!!
問題係,我個女(11歲,太太同前夫生的),...
我擔心佢以為我地唔再錫佢....

點算??

引用:

原帖由 貓宇川 於 2008-3-14 10:22 發表
首先恭喜你地母子平安,添丁發財
咁女女有冇憎恨細佬既反應 ?
定係一樣好錫細佬?同埋都會想幫手湊下細佬架喎
叫佢學下嘛,同埋比個渠道比女女同細佬多接觸,多溝通
11歲應該都會識諗,不過都要多d重視個女,
唔好咩都淨係諗住個細既先
希望你地一家都相處得開開心心啦 !  

憎恨細佬又未有,但見我地湊細佬佢好似唔多高興!!
11歲應該都會識諗,個細佬得幾日人仔唔通我去照顧你叫個細佬自己照顧自己咩??
但佢真係唔識諗,...初初仲發脾氣喊!!
我慢慢同佢講,希望佢會明白!!
我個女以前被太太過分照顧/保護,11歲人仲要人幫佢沖涼,陪佢訓覺,幫佢穿鞋...
有時諗一下子要佢改變咁多野都唔係咁易,..多D溝通,慢慢黎囉!!
其實我都冇因為佢唔係我生而唔錫佢,我都好重視個女
只係擔心佢自己諗埋一邊...
個BB仔反而唔擔心,...佢好好湊,..幾日人仔已經識同你玩!!
去到邊都人人贊!!
Anyway,多謝你!!

引用:

原帖由 KidHung 於 2008-3-24 13:19 發表
補充返Ｄ野！

既然仔仔同女女都係同一個阿媽生，真係冇野好擔心！因為同一個阿媽生，真係好親的，都係流一樣的血！

得罪講一句，令人擔心的反而係你，因為始終個女唔係你親生，而個仔先係你親生的，如果你唔會偏心就一定係假！如果你一直偏心的話，只怕將來你個女面對的問題會更多，例如仔仔學行時跌倒有損傷，又或者姐姐帶細佬去街街，細佬唔小心有損傷，你都可能會罵個女的，即使係你個仔既錯！

點都好啦，溝通多Ｄ，俾佢知道你都錫佢，咁就得架啦！
總之．．．細路仔既問題，佢地自己會解決，有咩事都好，如果真係要插手去解決的，由你太太去解決吧！始終佢先係２個小朋友的親生媽媽，２個小朋友的習性，佢最清楚，亦唔會偏心！

再說，個女知唔知你唔係佢親生爸爸先？！如果知道的話，都幾可憐，因為細佬的親生父母都在身邊，而自己只有媽媽係親生的！所以如果佢知道的話，你更加要錫佢多Ｄ，俾佢一種大家都係一家人的感覺！  

多謝你提點!! 其實我都擔心自己會有偏心，但我會時時提醒自己!!
個女當然知道我唔係佢親生爸爸喇!! 佢親生爸爸都健在，只不過唔理佢啫...!