今期真係好多文戲，飛天番去被第三發現，你估第三殺唔殺佢呢?? 第三又會唔會漸漸改變，最後背叛金帝呢??
殷乘風又出番黎喇，唐倒四點去折磨佢我又唔係好關心，我想知講唐倒四同整個故事發展有咩關係呢??
講起殷乘風，我又諗起周白宇，好似又擺埋左一邊…
仲有o個九十九孤軍…
下期元顏決都複出囉……..

引用:

原帖由 急電 於 2007-10-9 23:35 發表
今期都係文戲多，冇咩特別....相信第三係飛天後面出現都係要交待返阿箭死左既事，應該唔知飛天同地藏已經同四大名捕達成協議。

下期比較想知既係究竟編劇又諗到d咩變態野比唐倒四去折磨殷乘風....我就估唔到了...因為唐瀟雨同唐明皇之前都已經夠恐怖....另外，唔知果個胡族美女又會扮演咩角色呢？.....

胡族美女會唔會係十一翼呢??

引用:

原帖由 nicknicky 於 2007-10-12 10:29 發表

四大的劇情好多時都估佢唔到，如果她是其中一隻翼又超勁，話唔定最後係殷乘風+唐倒四合作打番個胡族女仔

十一翼未出場既，相信唔會o係度等，另有任務...
所以我估胡族女仔係十一翼，十一翼樣樣特技都有，就係冇易容...
會唔會呢??

引用:

原帖由 阿左 於 2007-10-13 15:35 發表

我覺得佢可能會係殷乘風條新女

殷乘風條新女都可以係十一翼架!!

引用:

原帖由 急電 於 2007-10-14 19:13 發表


如果係就大鑊了...因為四大家主既女人都冇一個有好下場......

可能有例外呢!!

今期，唐倒四係想要一條脊骨黎醫唐恨晚，於是搵左殷乘風!! 但點解一定要係殷乘風呢?? 殷乘風一直覺得俾人跟，點解其他人好似冷血又完全唔覺呢?? 胡族美女係有名，叫二月紫氤(氤氳 - 解作煙氣、煙雲瀰漫的樣子) ，相信唔係真名，亦相信佢會有D戲份。
飛天番去被第三發現，但原來飛天只係虛驚一場，第三根本冇發現佢兩個出賣既事。
四大名捕中計，元顏決同十一翼既老三，影子，現身!! 元顏決一拳震開九成拳勁既鐵手，睇黎已經恢復狀態，真係快，但對住四大名捕亦未必有勝算….大戰一觸即發。

引用:

原帖由 龍戈兒 於 2007-10-17 18:37 發表

諸葛先生一行人平安無事,只不過沒了馬匹代步.

但期間有兩日冇講喎!!
元顏決又跟到黎,可能出左事呢?

今期，唐倒四要殷乘風條脊骨，只因唐恨晚要出番口氣，醫病即冇機會喇!! 合理!!
二月紫氤同殷乘風都係會有機會發展，女既紅都面哂。殷乘風應該會冇事喎…因為途中竟然遇見周白宇!!
四大名捕出手打元顏決，元顏決三招已經擊退四人，唔只已經傷癒，仲話勁左!! 但如果元顏決咁容易可以打底四大名捕，點解要搵咁多人去殺無情呢??

下期，天地無用…

引用:

原帖由 急電 於 2007-10-23 21:21 發表
上期預告話﹕「罪魁當前，四大名捕聯手誅兇，殺出....一個意外。」但睇完今期，我唔係好覺所謂既意外係指咩喎....係指元顏決意外咁強？又或是要提早兌現同飛天、地藏既協議？定係意外發現元顏決變得更強更惡更毒更狠更霸道呢？  

意外地乜都冇發生??

引用:

原帖由 急電 於 2007-10-23 21:34 發表

我都認為殷乘風多數無事，但我估同遇到周白宇無關...因為周生完全唔察覺暈左果個係殷乘風來，繼續去緊找諸葛先生報仇....但殷乘風應該有機會帶埋二月紫氤脫險....然後發展感情，不過唐倒四條線冇咁快完，我估唐恨晚夾埋個大夫昆唐倒四走...然後自殺死鬼左....跟住唐倒四又要再報仇......

唔知下期天地霸拳無用武之地係咪因為比冷血既自然道尅制住呢？....

好想知周白宇找到諸葛先生之後會點，而帶來既後遺症唔知又有幾悲壯呢？...  

我估周白宇係見到扮睇唔到喎!! 始終有受傷既殷乘風o係唐倒四手上,...睇定先囉!! 周白宇唔會見死不救,尤其佢咁憎恨唐門既人!!

天地無用,...我估係元顏決冇心同佢地打,...元顏決既出現唔係為殺佢地...至於冷血,...我相信自然道連唐十五都制唔住,..更何況元顏決?

最後,周白宇係唔係真係搵到諸葛先生都好難講,話唔定未搵到佢自己已經死左囉!!

引用:

原帖由 急電 於 2007-10-23 23:28 發表

周白宇見到扮見唔到都有可能，但我都係覺得殷乘風同二月紫氤做到亡命鴛鴦既可能性大d....而且二月紫氤既真正身份仲未明....我覺得如果真係周白宇出手，又浪費左呢條線咁wor.....話時話，周白宇好似未見過唐倒四，佢唔知唐倒四既身份都唔奇wor...

我都覺得元顏決唔會係度同四大名捕決勝負，而且諸葛先生等四人可能已經係佢手上都未定，佢應該都係想同四大名捕唔知又做d咩交易似d....但我諗下期話天地霸拳無左威力，應該都有d原因，會唔會係元顏決仲未完全康復呢？

P.S. 我想看第三跟元顏決打一場......唔知各位兄弟覺得有冇機會呢？

急電兄真係心水清,...周白宇真係好似未見過唐倒四!!

睇元顏決個樣就唔多似未完全康復喇,..我覺得似另有所圖囉!!

第三對元顏決,...我覺得機會不大,...我覺第三會對金帝!!

引用:

原帖由 唐不阿奴 於 2007-10-25 20:34 發表


我咁諗，係因為得苦難掌先可以令佢流失哂d真氣.....其他武功講霸道真係唔夠佢黎.....除非第三出手!!!

呢個時候第三又冇乜可能出手!! 所以係諸葛先生都有可能架!!

引用:

原帖由 阿左 於 2007-10-25 21:31 發表

預告都有講殷乘風要脫難,關鍵係條十丈黃綾到~

自救??

引用:

原帖由 阿左 於 2007-10-26 04:28 發表

我覺得係周白宇見到殷乘風,不過又唔出面救佢,
只係淡淡幾句就走,之後衝動既殷乘風會突破極限同唐倒四打過...

但依家既殷乘風點打得過唐倒四呢??

今期，天地無用，正確D黎講，係唔需要用，元顏決一早有數千伏兵o係道。奇就奇在四大名捕竟然完全feel唔到!! 四大名捕同地藏對數千士兵，眾人退入洞穴，鐵手一個殺數十個士兵，開始冇力。冷血同地藏接力，士兵死二百人，地藏亦開始不支。另一方面，周白宇認得唐倒四雙手既係殷乘風條布。結果係周白宇同唐倒四打，估計係五五波，周白宇會唔會戰死呢??
下期……一血抗千軍!!! 咁勁??

[ 本帖最後由 小小力 於 2007-10-30 15:51 編輯 ]

引用:

原帖由 skywalker1942 於 2007-10-24 18:37 發表
周白宇係未見過唐倒四,但有可能認得殷乘風條布(係唐倒四雙手),條布咁特別.

中呀!!

引用:

原帖由 急電 於 2007-10-30 23:00 發表


估計下期可能係地藏用土遁地術帶無情、鐵手同追命著草，冷血殿後，鐵手難堪既一拳可能就係打碎山洞頂，等元顏決追佢地唔到，而冷血就被擒。

周白宇大戰唐倒四，應該打成平手居多，因為兩個都係傻既....:lo ...

用土遁地術帶無情走都唔係問題既，但帶埋張輪椅就......難D囉!!

引用:

原帖由 急電 於 2007-10-31 22:55 發表

我覺得就咁睇今期，佢地似乎咩事都冇發生過wor....

我都係咁話!!

引用:

原帖由 急電 於 2007-10-31 22:56 發表

哈...又係wor.....可能無情既椅雲座要拆左件先走得甩....

或者係摺凳呢!!

今期，唔知點解無端端會有條後路叫一日橋既走左出黎，乜四大名捕唔係被困死路架咩?? 咁，冷血殿後，其他人過橋後，鐵手毀橋斷後路。地藏回頭幫冷血，二對一打元顏決!!
周白宇重傷未癒，完成唔夠唐倒四打，最後身中重招….會唔會死呢??
下期，刀劍對霸拳，地藏戰死……

點解地藏唔用土遁地術帶冷血走呢???

引用:

原帖由 急電 於 2007-11-6 23:46 發表


同意，冷血一定唔會死，所以被生擒既可能性應該係最大。

咁正路??會唔會有人救佢呢??

引用:

原帖由 急電 於 2007-11-6 23:50 發表

為左安排周白宇找諸葛先生算帳，相信佢唔會死既...我估唐倒四應該念在大家都係傷心人，所以留左「腿」，無踢死周白宇，但殷乘風就救唔到的了....

我估殷乘風同周白宇合力擊倒唐倒四!!

今期，又唔知點解周白宇被唐倒四打左落河，係條河度突破左佢自己武功既最高境界 - 達到冰河極境，頭髮突然長左，樣都變左咁(好似聖鬥士個教皇咁)，仲可以做出五月飛霜既幻覺。…咁，唐倒四當然唔夠打喇!!
另一方面，地藏冷血二對一打元顏決，期間影子放鷹通知第三追擊其餘三捕。戰鬥中，元顏決竟然被冷血用暗魂所傷，最後地藏用土遁術令元顏決失去重心，地藏冷血一齊擊中元顏決要害，….但相信元顏決都係冇事既。
下期，冰河極境。

引用:

原帖由 急電 於 2007-11-13 21:27 發表

如果周白宇救得返殷乘風，唔知殷乘風會唔會同二月紫氤隱居呢？

隱居??我估唔會囉!!周白宇會唔會對元顏決呢??