引用:

原帖由 skyED 於 2008-1-3 11:32 發表
今期追命一腳好似踢散左飲恨魔經，但總覺得第三冇咁易收皮喎

可能只係踢散左第三個面具!!

今期，仲有七十二日，魚姬同金帝之約就完，就可以重獲自由，得回在金帝手中既情人 -真中。可惜魚姬打唔過周白宇而戰死!! 死前問左周白宇：人世間最遙遠的距離!! 周白宇答唔到!! 戰後，眾人被救上岸，諸葛先生穴道未解，周白宇打暈殷乘風，同同亦問左諸葛先生同一個問題：人世間最遙遠的距離是什麼??
周白宇：「人世間最遙遠的距離，就是我面照面的在你眼前，你也永遠不會明白此刻的我究竟有多麼痛恨你! 」
到底人世間最遙遠的距離是什麼??
或者，正如諸葛先生所講，每人心中都有把唔同既尺!!
下期「怎麼辦? 怎樣死? 怎可能? 」第三戰死??

引用:

原帖由 急電 於 2008-1-9 01:41 發表


希望唔好係周白宇同諸葛先生打打下殷乘風衝出來，跟住周白宇錯殺好友，咁就越搞越大鑊。

但我相信殷乘風同二月紫氤仲有發展，所以殷乘風應該唔會死住!!

引用:

原帖由 國慶仔 於 2008-1-9 03:07 發表
今期話十一翼唔係個個都自願,咁餘下未出現果隻翼(我估胡服美女)可能係忠都唔定
一開始想痴埋布條仔搵著數,但日子耐左鐘意埋佢,之後同布條仔講秘密,布條仔真係唔放佢走仲幫佢對付阿骨打恢復自由

其實到目前為止，唔忠於「金」�鼣ㄔu係得魚姬一個。飛天，阿箭，地藏只係唔忠於金帝。

引用:

原帖由 急電 於 2008-1-10 01:17 發表


睇完今期，我又覺得二月紫氤唔似係十一翼，如果唔係無理由魚姬見到佢會冇反應，反而我覺得佢有機會係金帝或者元顏決既私生女。

有道理

今期，追命既絕招根本上殺唔到第三，第三仲話飲恨魔經十成功力連僅有既弱點都消失，真係比元顏決唐十五等更無敵。鐵手十成功力全力一擊都係冇用，一招被打到重傷失去戰鬥力。第三下一個目標係無情。(今期第三回憶佢妻子見到佢個醜樣，但之前唔係亞箭殺佢妻子既時候話佢妻子從來未見過佢個醜樣咩??)
講得第三太勁喇!! 睇佢點收科!!
周白宇被諸葛先生既說話套著，中計兼中苦難掌!!
下期，「周白宇的為難，冷淩棄的死因」.... 又講番冷血喎!!

無情到底有咩辦法同第三同歸於盡呢?? 唔通係炸左個山壓死第三!?

逃回森林的冷血跌落水去,水中倒影出現狼頭....冷血只係傻左姐,起碼仲識講野!!

周白宇不殺諸葛先生,反將矛頭轉向西夏公主...但諸葛先生又傷左囉,布條仔醒番都唔夠打喇,...唯一變數應該係二月紫氤喇!!

元顏決既計劃到底係咩呢??引宋兵打金帝??引開守關宋兵進攻中原?? 元顏決擔心魚姬可以壞大件,..唔通同諸葛先生有關??佢點解又唔殺諸葛先生呢?? 影子一聲令下魚姬就會逃跑,元顏決擔心魚姬會做D咩呢??魚姬逃跑左就冇問題,...咁應該同諸葛先生冇關,...但又話魚姬因為「七十二日」而絕對唔會併命!! 佢想諸葛先生逃跑?,到底佢想點??屈諸葛先生??

引用:

原帖由 急電 於 2008-1-23 23:22 發表
我記得無情既巧勁係可以借用其他人既內力去「借勁生威」，發揮出比借來既內力更強大既威力，所以佢就問鐵手同追命仲有幾多內力，佢想一次過借晒黎攻第三，但由於無情既肉體承受唔到咁勁既內力，所以出完招後都會死。

但咁有用咩??第三係「打」唔死架喎!! 無論幾多人都打唔死架喎!!

引用:

原帖由 急電 於 2008-1-24 01:59 發表


打唔死都要博一博掛，如果唔係都唔使問鐵手同追命仲有幾多內力la，除非佢係叫佢地拼盡分散第三既注意力，然後無情連人帶車(倚雲座)衝埋第三度撞到車�狺H亡la

講完笑，講返認真先，下期叫第三勝利， ...

我見有一格畫個天同峭壁有D碎石仔跌落黎,所以估係用地形,炸山壓死第三囉!! 至於問鐵手同追命仲有幾多內力,我估無情唔夠力爆石掛....

引用:

原帖由 chunchunchun 於 2008-1-24 01:27 發表
睇完今期, 我覺得第三戰元顏決的機會好大, 但當然唔係咁快會打啦 ~
因為咁強既第三, 我諗唔倒理由佢地三個可以打得嬴佢囉,
但係又諗唔倒, 佢地三個捕快點可以全身而退 ??

如果無情困得住第三,鐵手同追命就可以全身而退喇!!

原來「塞外篇」已經接近尾聲囉喎!! 下個故事又係咩呢??

今期，鐵手同追命同時將內力注入無情體內，令無情三發明器同出，打出究極一擊，第三飲恨魔經十成功力亦被擊倒重創。無情仲有可能有番內力....(唉 !!追命真係)。三捕得到臨死既飛天指示去尋找諸葛先生，但當三捕離去，飛天竟然再站起來，原來飛天一直在扮死避免同第三硬併。站起來既飛天仲驚第三唔死，補多一招後離去。睇黎飛天既造反係另有目的，但飛天應該...估唔到補多一招...第三都未死!!
三捕趕到河邊，人去留空，此時，元顏決亦趕到。原來十一翼既影子亦一直跟隨諸葛先生一伙人，影子講出諸葛先生大戰周白宇，諸葛先生戰勝，之後宋軍趕到救走一伙人番宋，這亦係元顏決既策略，因為....被諸葛先生帶走既西夏公主係假( 咁，相信假西夏公主就係最後既十一翼，而二月紫氤應該係真既西夏公主!!)
三捕知道真相要突圍通知諸葛先生，鐵手同洗出足球小將內立花兄弟既絕招(不過鐵手用手!!)將追命彈上半空，到底追命能唔能夠突圍呢?
另一方面，金帝同兒子及使者亦趕到第三戰死現場，金帝同兒子講第三連狗都不如，
番救都冇用就死左就算喇!!估唔到...第三再一次站起來!!
下期「不求生，只想死! 不能退，只有衝!」

[ 本帖最後由 小小力 於 2008-1-29 19:04 編輯 ]

引用:

原帖由 劍守 於 2008-1-30 08:50 發表
胭脂公主
胭脂可以拆成2個月+旨+因=二月紫氤
原來如此!!

引用:

原帖由 急電 於 2008-1-29 23:58 發表



今日一氣呵成睇晒兩期，感覺真係好正...特別係d計謀又出返來，真係估唔到..特別係飛天呢個奸鬼，原來佢先係元顏決既真正�楨部A唔怪得會有博父既索魂引啦﹗至於睇完今期，我諗唔少兄弟都會同意最後一個 ...

飛天係唔係元顏決既�楨釧O?? 我又覺得未必喎!!

引用:

原帖由 急電 於 2008-1-30 23:55 發表
根據影子既描述，話諸多先生無端端反敗為勝，咁又假定周白宇同殷乘風知道二月紫氤係西夏公主，咁周白宇好有可能都係同諸葛先生做緊戲，然後設個局裝返果個假既西夏公主喎，咁即係話周白宇應該顛唔晒....

同意!!! 周白宇可能同諸葛先生做緊戲!!

引用:

原帖由 國慶仔 於 2008-1-31 19:56 發表
估唔到會第三戰金帝.....
不過就算戰,結果都係金帝win,第三傷得咁重

或者係唐冰冰戰第三呢!!

今期，大家都估錯，唐冰冰連受重傷既第三都打唔死，要金帝出手！！天地帝皇刀殺唔殺到第三呢？
追命突圍失敗，被飛天截回！！更壞既消息係胭脂公主原來一早 已經死左，就係鐵手以為係小珍既人頭！咁二月紫氤又係咩人呢？？ 定係元顏決都被二月紫氤（胭脂公主）騙到呢？
下期「 享受你的絕望!」，元顏決形勢大好反而絕望，唔通胭脂公主真係未死？

引用:

原帖由 國慶仔 於 2008-2-16 23:36 發表


咁就代表元顏決有信心三捕有能力殺敗第三,但第三武功同元顏決不相伯仲,元顏決覺得三捕殺到第三,相信都殺到自己
相反如果第三win左,三捕瓜柴,呢個應該係元顏決唔想的結果
佢心願係想親手殺三捕

我估元顏決冇重視三捕或者第三邊個戰死,最重要係雙方都盡力,而是但一方戰死!!
三捕盡力戰死,..冇人阻佢對付中原大計,佢自己可以殺死重傷既第三,之後就冇人阻佢殺金帝喇!! 反之亦然!! 第三戰死佢可以自己殺三捕,再殺金帝!!

最怕係雙方都冇事囉!!

引用:

原帖由 國慶仔 於 2008-2-19 19:15 發表

咁元顏決點解要捉黎捉去?當初金帝放諸葛生返歸,同而家結果一樣,影響唔到架,咁做咩仲捉黎捉去,貪好玩咩?

放得太容易,驚諸葛先生唔信囉!!

今期，第三雖然有尋死既決心，但天地帝皇刀根本殺唔到第三!!
正如唐冰冰所講，呢個金帝同佢細佬差好遠!! 最後一刻，活髏竟然出手打金帝救走第三，帶住第三既活髏因為天生神力，輕鬆逃脫。第三又唔死，係唔係要安排佢殺飛天呢??
三捕方面，元顏決繼續意氣風發，影子迫於形勢，歸順元顏決!!
正當元顏決準備要殺三捕既時候，諸葛先生同周白宇出現，
元顏決既計劃正式失敗!! 大戰即將爆發，相信飛天同影子呢D「騎牆」派應該唔會幫元顏決，佢要一個打五個，身邊仲得番小草，應該兇多吉少喇!!
....我在想，在元顏決最危險既時候，唐十五會唔會出黎救番佢呢?
期待天地天地霸拳最後兩式...
下期『緊握拳頭．誓不低頭』... 殷乘風同二月紫氤，孤男寡女，共處一室喎!

引用:

原帖由 國慶仔 於 2008-2-19 22:04 發表

就咁簡單?我覺得元顏決通風報信引宋軍救諸葛sir,太巧合仲易令諸葛sir懷疑喎

邊境有宋軍救援都唔係好覺姐....

引用:

原帖由 chunchunchun 於 2008-2-21 01:13 發表
我覺得元顏決會死了, 但係...靠佢地雙個又冇可能打得死元顏決呀 ~
唔通金帝會幫埋手 ?

我估金帝會睇住元顏決死都唔幫手!!