引用:

原帖由 急電 於 2008-4-2 00:33 發表

我估下期完顏決應該都會戰死，而且會用埋最後一式「唯我獨尊」。

我估暫時完顏決唔會出埋「唯我獨尊」住.....因為我估佢唔死..!!

引用:

原帖由 阿左 於 2008-4-3 15:32 發表

我覺得死既應該會係公主...

呢個都係，但應該冇咁快!!

今期，贏得遺憾，因為元顏決冇機會使出天地霸拳第十式已經擊倒諸葛先生，再冇人可以迫佢使出第十式，或者係佢已經冇機會….
死得安樂，因為元顏決雖然會死，但死前仍有能力殺哂現場所有人….
編者預告元顏決會死!!
冷血被第三打暈，邊個黎救佢呢?? 會唔會係殷乘風呢??
下期，『千日水寨，孤軍一脈』…..  金帝黎接元顏決最後一式天地霸拳，接得住嗎? 元顏決又使得出嗎?
唐瀟雨隻身去到搵唐十五同九十九孤軍?? 為乜?? 佢一個都可以勝得了唐十五??        
金帝都到囉!!唐冰冰又去左邊呢??

今期，睇唔睇都冇乜分別。
金帝話黎接元顏決最後一式天地霸拳，元顏決但都冇出最後一式，係出唔到，定儲力一擊呢??
小草終於知道自己有咩用!!但到底有咩用呢??唔通係同元顏決收屍??
用好多編幅俾唐十五吹佢既九十九孤軍幾勁幾勁…. 之後，唐瀟雨隻身去到囉!!
咁，同上期完書既時候咪差唔多囉!!
九十九孤軍，個個有冇唐倒四咁勁呢?? 如果有，早應該用喇!!如果冇，又有幾勁呢?? 一味靠人多，不如九百九十九孤軍喇!!...
下期，『非接不可的硬仗』….. 唐十五對唐瀟雨??

可能未見到四大名捕已經死哂喇!!
不過,唔緊要喇!!
四捕依家都變哂行行企企!!
遲D可能出「火雲邪神外傳」呢!!... 呀!! 應該係「唐十五外傳」!!

今期,小草脅持太子要金帝換元顏決,...但金帝睇得出小草冇料到到,拒絕小草要求,太子亦借勢擺脫小草,可惜唐冰冰及時趕到,再脅持太子要金帝換元顏決,...呢次金帝唔敢大意!!但...原來唐冰冰唔係想救元顏決,....好可能元顏決會死於唐冰冰手上!!
唐瀟雨根本未到,一切只係唐十五既直覺加幻想....
唐十五功力未恢復,但都選擇面對唐瀟雨....有咩祕密呢??
下期，『元顏決的哀歌,唐十五的後著』....元顏決繼續死唔斷氣....

[ 本帖最後由 小小力 於 2008-4-23 01:53 編輯 ]

引用:

原帖由 劍守 於 2008-4-23 10:57 發表
唐冰冰點解要救小草 ?? 佢冇必要咁做!!

唐冰冰目的唔係救小草喎!!

引用:

原帖由 不平凡人 於 2008-4-23 09:41 發表
睇完.....心諗: 唔係又唔駛死下話??

唔會掛,...咁都唔死我諗好多人cut書喎!!

引用:

原帖由 劍守 於 2008-4-28 10:44 發表

我係話唐冰冰幫小草擋金帝果招!!

想多個人幫手!!?

今期，D畫大到呢！唐十五同豔兒大頭一頁，追命冷血大頭又一頁，唐冰冰追命加唐妞大頭又一頁，金帝加唐冰冰大頭又兩頁，唐冰冰全身加金帝大頭又一頁！！仲有冇九兩菜？
唐冰冰真係救走左元顏決！
雖然話只係想佢死得有尊嚴，但到呢度總覺得元顏決唔洗死．．． 唉！
據唐十五所講，九十九孤軍，應該得三個較勁！！我相信其餘既 唐瀟雨一招可以殺十個！！
唐十五的後著，就係叫較勁呢三個全力殺自己，點解呢？
唔通扮死？
另一方面活髏冇殺冷血，救埋佢仲話要結拜．．．第三又未死，會唔會反過黎幫諸葛先生呢？
下期『決戰無名湖』，相信都係講多過做。

今期，冷血同意結拜，但為左同第三爭做大佬打起黎，兩個得番半條人命，活髏驚其中一個有咩閃失，於是提議兩個進行一個比賽，十日內睇下邊個殺到金帝。 兩個得番半條人命都殺到金帝？活髏係唔係 想叫佢地自殺？
諸葛先生冇哂辦法，打算自行請罪，但我相信又係天無絕人之路！
唐瀟雨到千日水寨會唐十五，離魂爪對一掌禪，唐十五明顯下風，九十九孤軍最強三個 ﹣三劍、糊塗、救命現身！
下期『三劍、糊塗、救命』
三劍，殺人從來唔需要出第三劍！
糊塗，被糊塗殺既人都死得糊裡糊塗！
救命，只愛救人不愛殺人，醫術高，殺人本事更高！！
又睇下勁唔勁得過唐倒四？

今期，打打打打打，唐十五對唐瀟雨，唐瀟雨稍稍佔優。
九十九孤得三個有名，其他連名都冇，你話有幾勁??
三劍係用劍，糊塗係用暗器.....
咁又一期!!
下期『暗器無形! 智慧無雙?』
繼續唔多精彩既搏鬥，元顏決繼續死唔斷氣!!

今期,解釋點解耶律小草能入選九兵衛,因為元顏決欣賞佢老爹,承諾照顧佢個女!!
元顏決死唔斷氣,求唐冰冰給他痛快一死!!
睇到呢度,我覺得元顏決唔會死!! 要死,仲講咁多做乜!!?
唐十五對唐瀟雨,繼續打打打打打!!
唐十五今次用無形暗器,但早已經講過,唐十五既暗器對內功高手係冇乜殺傷力!!
咁,破唔破暗器又有咩大關係呢??
咁,又一期喇!!
下期「破暗器」,三劍，糊塗，救命,講左幾期都未出手,真係講就天下無敵....

[ 本帖最後由 小小力 於 2008-5-22 21:52 編輯 ]

引用:

原帖由 oqq2 於 2008-5-29 17:39 發表
最尾係咁講唐敗同基佬
唔係要佢死丫嘛

唐瀟雨,一個從前唔夠唐十五打既人,之死!!
依家呢個唔會!!

我係咁諗!!

今期，唐十五戰敗，三劍、糊塗v救命出手。
劍姬出場，真係一條草打敗周白宇，照咁睇，應該仲高過元顏決！
最後，劍姬原來識諸葛先生，仲可能有一手喎！
下期，「第二個冷血」

引用:

原帖由 龍戈兒 於 2008-9-4 09:08 發表 連這裡一向死忠的小小力兄都不見人影,我看四大就早日完結別再死撐了...(笑)

我都仲又買同睇四大(D咩有三萬書既王風雷傳就真係cut左喇!)，不過有一段時間唔係香港冇上黎!話時話，最近講冷血失心瘋真係拖得太太太太太太過長喇!!好多人cut書都可以理解!!  

[ 本帖最後由 小小力 於 2008-9-4 15:13 編輯 ]

引用:

原帖由 nicknicky 於 2008-9-2 22:39 發表 這裡好似已經好少人討論四大，唔知大家係咪同我一樣覺得近幾期超悶呢?! 暫時來說我都是選擇cut書，等到佢出唐十五打中原我先再追........

這裡一向都好少人討論四大，好多時都得我一個人自己講!!但依家連其他討論區都冇人講四大(龍虎門都有人鬧下，四大連提都唔提!!)睇怕唔係等到佢出唐十五，而係要等到無線套「四大」上先可能好D!

[ 本帖最後由 小小力 於 2008-9-4 15:11 編輯 ]

引用:

原帖由 阿左 於 2008-9-4 15:14 發表 唔怕,有我陪你

多謝!! 

引用:

原帖由 nicknicky 於 2008-9-11 18:04 發表 當日布條仔與追命被5兵衛圍一役真的可與今期成對比，如今追命一心覺得是布條仔擄走公主，布條仔又唔會放心俾追命搵到公主，昔日的好友下期將會打過你死我活。個人認為殷乘風的戲份到這裡都差不多會完，會因為救多追 ...

布條仔變左第二個人咁，不如消失吧喇!!另外，最後出場既少女又係咩人呢??又同公主有關喎!!

布條仔...............唉！！死左好過！！

引用:

原帖由 oqq2 於 2008-10-8 15:02 發表 元顏決去搵唐十五出埋最後果招先死?

出埋俾我地睇，等我地死心？依家咁既狀態，唉！！算吧喇！

引用:

原帖由 國慶仔 於 2008-10-22 07:54 發表 天宮逆經係咩武功?唐刃講到好似好陰損咁

可能係小朋友先可以練,練左影響發育!!

今期完顏決死得真樣衰/折墮,唐十五對霸十式小小興趣都冇！

天宮逆經真係俾太監練，而且能夠令一個武功平平既人做到門主，聽落唔簡單！

獵頭王......D人又越黎越勁!
四大名捕聯手唐十五都唔夠打,但差d留唔住獵頭王一個手下,....
獵頭王係唔係單手可以打死唐十五!!

唐冰冰退場,好可惜!!