你首先要搞清楚一樣野先 , 你D究竟頭髮係"斷"定係"甩" , 因為兩者係有好大分別 , 而補救方法亦都好唔一樣 .

如果咁不幸係甩頭髮的話 , 我建議你最好o係未光頭之前去睇專科醫生 , 因為好大可能係因為髮囊受損 .

如果你D頭髮祇係斷 , 咁都係正常 , 因為一星期內電兩次髮 , 唔係太多人o既髮質可以頂得順 , 而唔駛點用錢o既補救方法係盡量每日食一隻雞蛋 , 用一D專係俾受損髮質用o既洗頭水黎洗頭 , 如果過一排都冇乜點改善o既話 , 可以o係洗完頭沖乾淨後再用一至兩隻蛋白搽透o係頭髮度等五至十分鐘 , 之後再沖乾淨 . (記住係搽頭髮 , 盡量唔好搽埋頭皮 , 如果唔係你個頭可能會散發出陣陣腥味) , 因為每條頭髮入面o既主要成份就係蛋白質 .
每朝梳頭前 , 最好噴一D免沖水o既護髮產品o係D頭髮度先梳頭 , 最後係呢段時間盡量剪頭髮o既次數剪密少少 , 盡可能用最快o既時間將D傷晒o既頭髮剪晒去 .

引用:

原帖由 missk0513 於 2007-3-21 23:01 發表


我覺得我自己係"甩"....
我想問我可以睇咩醫生?
去果d生髮中心又得唔得??

其實你可以去睇一D皮膚科o既醫生 , 等佢地幫你睇睇係咪真係甩頭髮 , 如果係o既話 , 相信佢地會有方法幫你 .
我就唔太建議你去o個D生髮中心喇 , 分分鐘駛你幾萬銀都未必搞得掂架 .