引用:

原帖由 nykyky 於 2006-10-7 03:39 AM 發表



龍虎豹創刊號，係唔係講處女膜果期呀。

第二期係講  G點

第一期賣五蚊，果期仲係出左加印第二版，一放學即刻扑落去買。

引用:

原帖由 markLee 於 2006-8-29 11:19 AM 發表


其實因為 Sam Hui 係七十年代已廣為人知及紅極一時, 所以並沒有算入八十年代才走紅的一羣Artists, e.g. Anita Mui, Alain Tam(忘不了你, 幻影..), Lesile Cheung (Monica, 為你鍾情,....etc)..

譚校長當年好紅（約1984-1985），幻影、愛在深秋，好正，不過並非隻隻歌都好。d人話佢命好，講真，歌藝真的麻麻，但總好過汪明荃，幾個月前在電視聽了阿汪唱《香夭》，聽完我幾乎都香埋夭折！佢真係唔好再唱大戲！我屋企隻狗亂吠都好聽過佢！

四大癲王的蔡瘋華，倩影真係又好正，連我阿媽都鍾意。可惜真係一句說話比人雪藏，其實有無咁既必要？咁嚴格將人雪藏？花了十幾廿年的青春。就算得罪張國榮，張有無要求無線做到咁絕？

梅艷芳我真係唔鍾意佢的壞女孩形象，但佢做戲我反而好鍾意下，有幾首歌也非佢唱不可，要佢至夠味。
根據佢死後的報道，話其實佢搵了咁多錢，可能用在自己身上的不多（唱歌時的置裝費不計，講個人洗費、享受）
計落條數又似，她的男友，幾個都無個係紅，想都係要倒貼；
惹上買兇殺人官非，擺平都要一兩千萬；
佢阿媽都係要佢黎搵銀，班徒弟又係想「靠」佢個名氣，總之都係辛苦黎（唱歌跳舞要用力水，錢不易賺！最後果幾場演唱會，簡直係收買人命！），瘟疫去。