你地有無留意, 環境好差過陣,
香港有人挨餓, 澳門環境都一樣唔好,
但是無人挨餓, 如果澳門有人挨餓,
果個是連行都唔想行的人.

生活複雜, 人就變得複雜, 股災少事啦,  無錢在澳門唔會死架.
贏果陣的快樂, 又無人知呢, 輸左就整單野比親人, 正一無腦.
在澳門土生土長的人好少去賭, (以前啊, 而家就多左新生代, 唔願做,
又要有錢).

香港就好奇怪, 中學未畢業都去炒股, 贏左父母都讚美他,
明明是好食懶飛,唔願做, 點解呢.

澳門的父母就重奇怪, 仔大女大, 唔做野, 攤在家, 老豆阿媽可以
養到你60歲, 你唔好在外面搞事就得. 是未好強呢.

我就覺得, 唔是生活指數問題, 是價值觀的問題,
股市升, 再推高的, 同賭無分別, 貪勝不知輸.
港交所的主席, 就是以前馬會的人. 基本上做條數同澳門計賭果條數都是一樣架.
香港的pool 就大好多.

所以香港的賭牌有兩個, 大莊港交所. 少本經營就是馬會. 銀行金融公司是拓碼.
澳門就重得意, 的GDP都唔知點計的, 因為我都唔知澳門有什麼好野生產, (唔通是做餅)
個GDP 好可能是拓碼仔拓出來的.

點解無錢要死呢, 老婆仔女無要你做李嘉誠. (不過最少要有LV+PS3, haha )

[ 本帖最後由 MacauMan 於 2008-3-24 10:19 編輯 ]