地王地鐵出口扶手電梯遇背包扒手

經常聽到人話深圳好多扒手偷野,終於親身經歷到:

星期六中午大約一點半同條女出地王地鐵去書城,我揹背包同條女傾緊計,搭扶手電梯上左大半就到地面,突然感覺有野拉我背包!

我自然反應好快鬆開左肩帶及轉身睇下個背包,見到有隻手縮開,而我背包前格(裝雜物)拉鍊打開左,我當時即刻第一時間拉番埋拉鍊,然後向上望,見到一個著黑色衫o既大陸高瘦男人扮無野鈄啤住我,我就明白係佢想撻我野,即刻扯哂火!

我話: 偷東西! 然後兩隻手一齊推向果條友心口膊頭,條友可能無諗住我會郁手,擋吾到失一失位,我諗住睇佢咩反應再郁手啦,點知電梯到地面,我要側身上地面,跟住我條女話我個背包後格(裝住notebook電腦)拉鍊都打開左,咁我拉番先啦,拉完再睇果條友閃左囉!

Check番個袋無野吾見,條友應該先開後格(我完全無感覺!),部電腦咁重偷吾到,再開前格時俾我發現,而且我個包裡面除電腦外全部濕碎野,
都無錢既!

案件重演完畢,係度我呼籲各位揹背包拖住條女既c hing,搭扶手電梯同女傾緊計既時候要留意背後有鬼(扒手)!


P.S. 小弟昂藏六尺有D件頭年青力壯,奉勸遇事諗清楚勿立亂郁手,我地始終係斯文人。