牛奶蛇,
你仲記唔記得廣福道郵局 ? 門口好似有個巴士站 ?! 唔知你有無相呢?
你講浸死人個潭係咪叫做"摩攞潭" ?好似話年年都浸死一個人。

元洲仔以前住左好多水上人,  後來大火, 我當時好細, 屋企人同好多大埔墟人
仲辦過脤災工作。我仲記得火車會經過某段路, 有火車到要落閘停車。
而家廣福村同宏福苑其實係吐露港一部份, 當時仲有帶子等海產, 端午節仲
有爬龍舟.....

細犘兄,

"德發"仍然有做。相片右下角其中一間叫做"楊聲記",唔知你記唔記得? 我細個
時屋企人賣菜, 個檔口就響富善街內。另外相中下部份條"廣福橋", 我以前番學
每日都會經過, 橋尾有個紅樹林。另外 "德發" 後面係另一個街市, 平記雲吞麵,
洪記, 鴻珍醬源等就響其中, 你去過"陳穌記"飲奶荼未?

細摩兄,

我以前讀"大埔舊墟公立", 30幾年前嘅事囖.

你所講嘅臨時街市都臨時左差不多20年, 前身就響"德發"後面, 普益街街市內。