第一次中招(新版開始)

各位好,我睇左你地呢幾年既事,覺得你地好團結
我都講下我發生既事,我4年前開始出來玩,一直都無諗過會有咩事發生,因為每次都有用套,直到07年頭中左一次非淋,之後就開始識驚!我都同自己講過唔好再出來玩,但最後都係受唔住引誘,之後每一個月都有出來玩一次,到左07年8月既時候發現下面生左一粒肉粒,佢慢慢變大,我去左油麻地睇醫生,醫生話唔係疣,只係叫我觀察住,再覆診既時候再係附近生多兩粒,醫生見我咁擔心就叫我排期做切片,10月去做左切片,你知唔知我做切片時有幾驚呀,因為係局部麻醉,而且仲要連左兩針,等左三個星期有報告,證實係普通肉粒,但我唔放心所以去左睇Dr Ho, Dr Ho睇完再用理藥水做試驗之後就話係普通肉芽,唔係疣
我覺得好似重獲新生,其實呢段時間內我講左俾女朋友知道呢件事,佢無離開我,反而好窩心咁講左一句"又唔係絕症,去睇醫生醫返好就得"知唔知我聽到既時候真係攬住佢喊,佢自己都有去做檢查,當然咩事都無
我有時望住我哥哥個BB,我覺得個BB好得意,我都會諗如果我仲好似以前咁出來玩而出左事,就無可能生到BB,我同自己講過要好好做人,但呢排同女朋友關係唔好,再加上大家都忙,一個月先見兩次,所早排我又受唔住引誘又去左上骨樓,但無同骨女做,佢只係用手幫我打出來,但我就有接觸到骨女個下體,而且接觸到佢下體既分秘物,其實骨女好想我做全套,套都幫我帶埋,但我堅持唔做,骨女無我辦法
返到屋企我先發現我手指生左倒剌,我依家就擔心緊會唔會感染到性病,同埋覺得好對唔住女朋友,我真係覺得自己好蠢,明明拉返隻腳出來,依家又叉返入去
其實上次懷疑生疣之後已經影響到我成個人,令我有小小唔舒服就疑神疑鬼,同埋我覺得自己好污糟,我搵過社區組織既社工,佢話我再係咁諗就應該睇心理醫生

其實依家我係咪應該唔好諗咁多,三個月之後就做齊各種性病測驗呢?
但疣既潛伏期長達8個月,我都唔知幾時先可以再肯定自己咩事都無?
假設個骨女係生疣或者泡疹,咁我隻手指因為生倒剌,再接觸到佢下體既分秘物,我係咪有機會受感染,還是一定要我下體接觸到佢下體分秘物先會受感染?
當然可能個骨女咩事都無,係我心多!

各位大哥,俾心機,唔好學我咁受唔住引誘再出去玩!

[ 本帖最後由 case 於 2008-1-26 12:46 編輯 ]