燒街衣問題

天空..........

超高級用戶組

Rank: 5 Rank: 5

帖子: 765
積分: 1106
金錢: 99
性別: 男
註冊時間: 2001-11-23

1^# 大中小發表於 2007-8-20 19:28 顯示全部帖子

[隱藏廣告]

燒街衣問題

我見好多人都會問，燒街衣係咪幾多點先燒得，細路仔係咪唔去得，要燒乜野等等...................

係咪亥時開始唔燒得？

其實都唔關係，因為以前有套戲叫害時出世，咁亥同害同音，加上亥時正是鬼魂開始活躍的時間，所以有傳亥時之後唔好燒街衣。
但係以我所知就正正唔係，亥時（九時後）開始燒，陰人開始活躍，正好方便佢地收。當然，就算其他時間亦無不可。等於人亦一樣，之不過人夜晚就累要睡覺，鬼就日頭冇咁活躍咁解。

帶小朋友去燒街衣是否唔好？

小朋友帶陰，比較易招惹，不過平時都係咁易招惹。即係等於，明知醫院多人病，咁你就唔好去喇，咁解。
不過身體唔好，病緊或近來運滯就真係唔好了，因為最易撞邪的，唔係小朋友，係呢些人。

該準備甚麼

衣紙，冬瓜，芽菜，豆腐，豆卜，生果，雞鴨等，也可撒點零錢，給些小朋友去買點零嘴及玩具的意思。

如何開始？

請記得，盡可能先用火柴點蠟燭（蠟燭點燃後可插在泥土上或生果上，橙或蘋果），再用蠟燭上的火點香，衣紙及寶，為甚麼呢？因為用火機其實對先人等是不敬的，原因就真係唔記得，但我都會叫人唔好用火機點。另外上香上燭記得雙手上，唔好單手。單手係不敬架。

燒時候該說些話嗎？說甚麼？

其實無乜野好講，大致上係叫佢地收野，不過千萬唔好求任何野，包括保平安，中六合彩咁（當然，拜先人就例外啦，不過家下講緊燒街衣喎。）

火熄了就走，唔好望番轉頭。

本帖歡迎灌水，代答及討論等，但如不懂就不要胡亂教人鬼怪事情，以免害人就唔好喇

相關搜索目錄: 玩具

TOP

‹‹ 上一主題 | 下一主題 ››

重要聲明：本討論區是以即時上載留言的方式運作，本網站對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，用戶不應信賴內容，並應自行判斷內容之真實性。於有關情形下，用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限，故不能完全監察所有留言，若讀者發現有留言出現問題，請聯絡我們。本討論區有權刪除任何留言及拒絕任何人士上載留言，同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。