香港汽車會.....

車行初哥賣車人

超高級用戶組

Rank: 5 Rank: 5

帖子: 586
積分: 2655
金錢: 746
註冊時間: 2002-7-30

1^# 大中小發表於 2007-7-5 03:12 顯示全部帖子

[隱藏廣告]

其實[駁]過陣既車一定睇得到，好少聽到有行家走漏過眼(或者衰左唔敢講出黎)，入廠大做就難睇好多，但係廠做可以查返記錄就知，通常上架衹係比個客安心，通常個客話去佢自己車房上架睇，我都會拒絕，因為車房多數都話你架車有問題，背後就會同客講：[你要搵車，我幫你嘛，車行信唔過，不過你要比時間我幫你搵，呢架你唔好要啦！]
所以先會比AA做，因為比較中立(因為我地都唔信佢地既車房)，再講呀！好多車房睇車重差過我地，我試過比架Jazz車房收斷，我先見之明，話明覺得個波箱唔多尋常，佢重話呢隻波箱係咁，話我生人唔生膽，心諗Jazz駛幾錢，幾雞野驚都未驚過，況且你收斷，要驚都唔係我驚啦，我衹係好心提下你，不過我緊係無咁串同佢講啦，點知過左個幾月打黎話我好比架冧波箱既車佢，依家要搵波箱，我諗你地都估到我點答佢啦！
跟住我重話：你搵乜春波箱呀，架車重有保養架嘛！真係吹脹，正路佢應該會打比廠問零件，一報車都應該知重有保養啦！

通常睇舊車程序：
圍個圈望下，睇下行車證，坐上司機位入下波、開下冷氣再打開頭冚睇下、開尾箱睇下、扭下搪軑就已經乜都睇晒，全程五分鐘內

TOP

‹‹ 上一主題 | 下一主題 ››

重要聲明：本討論區是以即時上載留言的方式運作，本網站對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，用戶不應信賴內容，並應自行判斷內容之真實性。於有關情形下，用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限，故不能完全監察所有留言，若讀者發現有留言出現問題，請聯絡我們。本討論區有權刪除任何留言及拒絕任何人士上載留言，同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。