我有一個多年同居女友, 幾年前識到另一個女仔, 佢知我有女朋友,
後來大家都發生關系而且係一齊, 當時日子一時好開心一時好難過,
我同女友分開左, 諗住做個清楚解決, 點知分開一段時間後, 舊女友屋企有事加上有病.......
良心好難過, 新女友都建議我去關心前女友, 基於良心同責任, 同前女友復合,
新女友好無奈咁同我分開............

同新女友分開左半年左右先知道新女友正在辦離婚!!! (原來同我一齊果陣只係分居),
大家再次保持聯絡, 但再無發生關系, 大家都好坦白講出知道愛對方,
可惜時間上偏偏錯到不得了.......好無奈。

到最近一年, 前新女友已經同另一個男人同居, 我依然同前舊女友同局,
大家保持聯絡而且有見面, 不過無發生關系, 只係見面食飯傾計........
手都唔會拖........ 我會坦白講好掛住佢, 佢有乜事都一樣 update 比我知,
心態上跟以前一齊時無乜分別, 不過真係變到好拍拉圖式戀愛。

人生就係咁多無奈, 對住而家女友, 好多人話我心靈出軌, 但事實上我又無做咩錯事,
當中開心唔好開心無人會明白。 有人會話唔抵可憐, 自討苦吃......
但事實上好多事要發生, 無人可以制止, 只能發生後睇下點去處理,
我同前新女友講起, 大家都有一個共識同體會,
原來兩個人真正既愛, 裡面唔會有愁恨, 佢無嬲過我當時有前女友,
無嬲過我同前女友分開後又再復合, 我亦無介意過佢呃過我,
我而家亦無能力去介意佢同另一個男人同居........

分開左咁多年, 我依然愛佢, 但係愛真係唔係大晒, 好多事情都改變唔到,
我只知道發生過就發生過, 我愛佢亦可以坦白話佢知就夠。

到而家我都唔明白乜野人應該愛上或者不應愛上,
就對如乜野人應該意外死或者唔應該意外死。

引用:

原帖由 R-ng 於 2007-9-18 17:46 發表
To: toyman & fatboy33

你所講既野我好有同感, 你話
"到而家我都唔明白乜野人應該愛上或者不應愛上,
就對如乜野人應該意外死或者唔應該意外死。 "

我相信你唔係唔明白 你意思係好難判斷愛 ...

好多謝你既回應!!! 我真係好想講句愛係無對錯....不過怕太留於表面,
講到好空泛咁就無意思, 我亦好認同有 d 弟兄講, 承擔得起就放膽去愛,
今次呢個 topic 都可算 07 代表作之一, 比人睇到性版弟兄唔係只有狼狗表面,
仲有好多都有良心一面, 起碼大部份都好色而無膽,
有膽者之後又有內疚.........................

怕痕怕痛又想追求新鮮剌激.......我相信大部份男人都一樣。

引用:

原帖由 成熟溫柔男士 於 2007-9-19 01:03 發表

Toyman 兄 o既遭遇可見兄台很理智亦很重感情! 真係難能可貴!        

多謝~ 當時唔係難能可貴, 可能算係為世所迫..........
好多野迫到埋身, 表面上既選擇其實內裡邊有得揀..........唉~~~