引用:

原帖由 Rubber 於 2007-12-7 13:58 發表


喺一場鬧劇, 如果唔鬧 就枉廢主持人嘅苦心... ..

嘈當然係唔啱, 但係而家係討論緊老董值唔值.

同意到不得了, 香港有言論自由, 中大呢班有理想既熱血青年, 絕對有權响其他學子既畢業禮度嘈, 依家講係反董建華有關事件喎! 有咩重要得過表達不滿?

反而最唔啱就係事後學生會講咗一句, 要對其他受影響畢業禮人仕致歉.

喂, 去得掃場, 就預咗係鬧劇架喇, 改變唔到事實都想搞到大家唔開心. 掃場就係去掃興.  預咗會搞到其他學子既畢業, 重致咩歉? 預咗都要做, 如果真係有歉意就會用唔同既方式去表達喇.  學埋d政棍講虛偽說話.  點做熱血青年?

當日其他畢業學子一生大日子, 同埋佢地既父母親人既感受? 關人乜事? 算佢地唔好彩.

引用:

原帖由 收買佬 於 2007-12-12 12:37 發表



最令人齒冷的係帶隊勇闖的議員呀﹐社會運動家呀﹐都係影完相
做完show 就走晒﹐再無出聲了﹐留番班不平則鳴的大學生
硬食社會各階層的責罵。

果位尊貴既議員巴閉到不得了, d學生好霖佢, 一日到黑講埋d假大空理想, 依家上咗位做尊貴既議員, 做過d咩?  身就著住件切格瓦拉T-shirt, 口就叫打共產主義, 好笑到不得了. 80分貝噪音? 范太好野.

中大學生會會長、幹事、前外務副會長? 高等學府既學生代言人喎,  睇下先.

1.因為覺得淪為變賣學術, 所以示威其中一個目的是刺激社會大眾
2.因為輿論錯誤焦點, 所以示威目的達唔到.
3.“有人批評，要提出異議，也得顧及出席者的感受，不應揀選在典禮上去幹。這一點，值得討論。” 但係點解完全無討論? 無下文?
4.因為覺得校方揚棄創校先賢理念去中文化, 所以迫不得已示威.
5.抗議行動無搞砸咗整個典禮
6.中大金玉其外，敗絮其中。

嗱, 有理想既熱血青年咁样講就啱喇, 抗議行動並無搞砸咗整個典禮, 完全唔使歉. 雖然希望透過輿論去刺激社會, 但係達唔到目的係輿論既錯, 有理想既熱血青年依然無錯. 唔需要檢討. 寫埋一d上文下理唔通既文章, 係中大金玉其外，敗絮其中, 去中文化既錯.

有理想既熱血青年, 真好野.