950太少喇, 1,600喇, 回服97水平嘛。 跟住, 釘板, 石屎, 舖喉, 拉線, 裝門窗, 一同上。

打橫o黎就得架喇, 合約, 樓價, 社會問題完全唔洗考慮。

總之打倒pk商家佬, 打倒官商勾結, 打倒資本主義, 打倒共產主義。

講時講, 地盤工作真係好辛苦, 個市好翻d, 人工係應該提高。坐低傾下偈, 講下數, 四四六六拆掂去, 咪開心囉。 去到尾, 公道自在人心。

幾多對眼望住, 如果打橫o黎就得, 釘板, 石屎, 舖喉, 拉線, 裝門窗, 連清潔阿嬸都照板煮碗, 唔好講商家, 商會, d大判, 二判, 判頭仔, 點做?  唔使做喇。

講數係應該, 但係, 如果為左自己道氣, 自己執著, 就唔顧全大局, 點帶人, 做咩大哥? 咩叫搵食? 求財定求氣?

明明要求人工提高係合理。但係, 走去問下有幾人覺得依家咁做係o岩?

最乞人憎就係, 搞到一鑊粥之後, 就話係政府錯, 社會錯, 唔入共產黨屣晒。

引用:

原帖由 Geisha 於 2007-8-19 12:28 發表
啲人成日質疑班地盤工人『係咪打橫嚟就得』, 用腦諗諗啦, 要班工人齊齊唔開工, 無糧出嚟爭取加薪, 係咪咁容易團結到班工人, 商界越提高工人工資, 就會有越多的工人妥協, 如果工資真係合理, 會唔會有咁多人甘願冒無錢養妻活兒之險, 團結一致罷工?

所以唔係話打橫嚟就得, 因為在越合理的條件下, 越少人會罷工, 越少人罷工, 罷工的影響就越低。

講得真精彩, d邏輯無得頂, 最精彩個句 “用腦諗諗啦”.

咩叫合理? 今日950? 後日1,600? 下星期時薪500?

咩叫打橫嚟? 我要求咁就咁, 理你死, 達唔到我要求, 就唔妥協。其他人照板煮碗點樣挾你喉嚨與我無關. 後面引伸問題與我無關。 之前定下合約、合同與我無關. 法治社會與我無關。

咩叫講數? 個地球圍住一個人轉架?

人工要求提高係應該、係合理。 問題係件事應該點處理, 大家點傾。

依家一鑊粥, 要搬政府上台, 處理得唔好就係班庸官錯。D大哥, 政客完全無責任。

件事唔係指係影響商家。係有無良商家, 但係有好多判頭仔做到狗咁, 都係為左養家活口。

團結? 有無睇過戰狼300? 每個人都會保護身邊o既人, 等o既係一聲號令,  共同進退。

團結最基本元素係團體內部目標同埋利益衝突得到協調性o既一致。

唔係完全性, 係協調性。 一個團體一定有d激進, 保守, 怕事, 固執, 或者有難處o既成員, 仲有利益衝突。 罷工係手段同姿態, 適當o既時候係要用。但係d大哥同埋政客有無處理好呢d問題, 就要出來楂旗。

地盤工作流程, 扎鐵之後, 要上電線水管位, 跟住再釘板, 落石屎, 之後再釘外層板, 扎鐵先再有工開. 本身已經唔係日日都有工開, 但係老婆仔女日日都要食飯。

手段同姿態唔係話用就用, 依家有人打人, 有人復工.  呢d大哥同埋政客唔好話佢地無責任, 唔好話佢地無諗過佢目前局面會發生。

仲有, 響電視我都睇到有d政客比扎鐵示威人士, 淋水推撞, 係唔開心, 但係咁就走咗去, 話退出, 就點講都講唔通。 點帶人, 叫人以後點信你。

依家連班泛民, 自由政客都出o黎, 唯恐天下不亂, 真折墮。

引用:

原帖由 熊魔鬼 於 2007-9-1 11:19 發表


... ...
王議員率領既工會盡顯窩囊無能既一面,
工聯會果塊乜野為工人爭取福 ...

窩囊無能?  廢? 又真係幾廢。

首先, 工人之中有幾個最大聲, 講到話要加人工, 就自以為是, 諗住其他工友都目標一至, 不惜一切達到目的為止. 要為民請命。

跟住工聯會, 又要做工人政黨阿頭, 但係又無法協調工人團結一至. 點代表工人?

然後, 職工盟都未掌握到重點同理處理方法就加把勁推d工人去死. 真係威到盡。

仲有, 其他斑所謂代表香港自由民主o既政黨响立法會前得啖笑搬鐵做show? 咩叫肉酸? 嘔心?

如果真係要做好件事, 最基本首要就係團結, 有料到o既就好好利用傳媒, 民意, 政府。 單憑罷工同大聲唔係好o既施壓手段, 尤其是响香港。 最後見好就要識得收。

搞到依家咁o既場面, 真係幾廢。

咁樣講喇, 如果係一般政治show, 示威, 抬棺材, 保育, 皇后碼頭, 遊下行, 咪當係搞下function, 發洩下, 留個美好回憶, 然後曲終人散。

但係如果真係要做野, 為工人爭取, 手底有幾多功夫, 有幾多料, 即刻現形。 無一朝一夕。

引用:

原帖由 albtkl2006 於 2007-9-5 21:08 發表

不過有消息指有部份承建商怕罷工延誤工程而被罰款，已向扎鐵工人加薪到９５０元兼８小時工作，相信這情況會越來越多出現！

私底下做, 呢d野一定有. 問題係兩個團體可以達成共識, 依家低調左, 好事, 希望好快埋尾.

工聯會真係好有問題, 當事情最需要代表o既一刻, 幾唔老厲都好, 控制唔到場面都好, 工友意願幾混亂都好, 走左去係講唔通, 做得代表有無諗過就要為工友生計背付一定責任.  另外, 唔好講今次有無盡力爭取, 究竟工聯會已往係點樣代表工人而贏得尊重同理江湖地位?

至於個阿人哥, 真係唔爭氣到不得了, 可以令人信服影響局面就係有權, 可以得到大家支持就係有勢. 英雄可以做時勢, 依家時勢來臨, 個阿人哥都仲係做唔到英雄.  基本上只係同長毛一樣, 帶人遊街示威. 阿人哥, 如果大聲就做到野, 街市阿嬋都幾大聲, 搵佢幫手.

[ 本帖最後由 Rainybreeze 於 2007-9-13 08:37 編輯 ]