點解要concrete suggestion?

大版主明言只attack而無concrete suggestion, 即ban. 我唔明點解要concrete suggestion至可以批評, even係激烈措詞既批評.

當你批評邊個套戲拍得唔好前, 你有無需要話俾導演聽套戲要點拍先好?

當你批評醫生d藥食極都唔好前, 你有無需要建議醫生邊隻葯好d?

當你批評摩連奴教到車路士咁既樣前, 你有無需要教返佢點教波?

批評本身並無包含建議既責任. 點解? 因為我地係end users, 我地只能講出自己既感受. 等於餐廳經理問我d野0岩唔0岩食, 我只可以話好食定唔好食. 我話唔好食, 個經理斷估唔會寸返我話: 唔好食你自己煮啦! 你教我地大厨點煮好食d呀笨! 你d無建設性既食客以後唔好黎幫趁! Ban你!

點樣煮到合客人口味唔係我既專業, 亦唔係我既責任!同樣地, 我地只係一個會員, 一個蟻民, 無可能作出每一樣批評都要諗好一個方案點解決, 有方案係bonus, 無方案, 我大膽講句, 係應份. 點做得好d係管理層聽取左批評之後既責任, 唔應該推俾會員. 更唔應該成為批評既條件.

當然, 個forum係大版主所有, 大版主可以訂立任何規矩, even規定每個post要以”大版主萬歲萬歲萬萬歲”作為起首語都重得. 合則來, 不合則去. 但呢一個concrete suggestion before attack既requirement, 創宇宙之先河, 恕小弟不敢苟同.