我睇左呢度好多日, 覺得大家寫番以前D野都好正, 攪到我要週圍搵番�邁�.
我覺得舊著最無厘頭是大魔神那輯, 太神怪.

雖然人物出得好急, 其實我幾鍾意而家呢個鋪排, 所有人物出哂先, 然後慢慢打死哂佢. 唔好好似以前, 或者而家天下咁, 明明冇橋行, 突然間又爆左咁乜幫乜派, D功夫好勁, 以前唔諗住統一江湖, 但係突然間好想.

我最近睇番舊著龍虎門, 覺得故仔唔係真係好正, 最吸引的而係有好多好新奇的角色與武功, 主角們何時會有奇遇提升武功, 以對付不斷現的敵人, 現在沒了這些驚喜了.

我發覺你們真的好愛龍虎門, 真係成本龍虎門汁都撈埋, 俾D意見又有根有據, 你我想起兒時認一個龍虎門專家,當時只出到3百多期, 但你只要講其中一期的數字, 他就可以講出那期的名稱及內容, 你地得唔得呀?

有時真係好懷念舊著得閒冇事就整期小虎歸天, 黑龍歸天之類, 明知冇事都會擔心一下, 有冇人記得舊著以前成日脫期, 等得好心急的日子.

係呀!果陣永冇話準時架!點都遲兩三日, 試過一期話過年前早三日出, 結果都係要平時出版的日子才出(唔記得是星期四定六). 佢果陣期期週記都話唔會脫期咁滯.

之後可能放左手俾D徒弟, 所以先冇左呢個問題.

我諗而家龍虎門同以前真係冇得比. 起碼冇左新鮮感.

當時石黑龍練金鐘罩, 大家會估他是不是三皇中最勁的.

白蓮聖上出場時, 也有等很多期才知他的樣貌.

大家會猜九陽五絕第一絕是否九陽神腿.

小虎殘廢, 大家都很擔心, 但後來練成陰世天蠶腿, 並首次隻揪打贏火雲邪神.

現在已不能以這些情節吸引觀眾.

呢個就係太早出哂D角色的問題囉! 以前係D人越出越勁, 而家出都咁勁, 再出番星宿老仙果D, 冇理由講到佢地咁不濟, 忍受下啦!

佢係夠膽就失驚無神整死蚩尤, 睇下大家有乜反應, 之後先講死左呢個係替身, 因為蚩尤要閉關練功以對付通天教, 於是找來這個替身, 誰知這人功夫不高, 心術不正, 死左都唔抵可憐.

唔知玉郎可唔以要一個死得特別D, 或者反高潮D啦?

例如, 老妖唔係同人搏鬥政死, 而係生癌, 佢最後揀了死在戰場, 更要死在非一般的高手手上, 但由於已預了會死, 所以竟然打敗了高他幾級的高手, 最後在醫院死去.

我記得, 我呢個諗法都係有少少源自棍妖, 不過我覺得棍妖的恐真係反高潮得過份, 都冇用盡自己的武功就死了, 起碼用最強的一招攻向聖上, 但無功而回, 以顯聖上的威力. 不過這些純粹個人意見, 那些編劇們應繼續自己的方向.

他真的很聰明, 和龍虎門的編劇一樣聰明, 我要搵魔鬼黨, 就直接搵魔鬼黨啦! 駛乜搵藍浪呢?

不過聖上到等增加勢力為了對付誰才是最重要的.

所以我十分不明老妖點解會死?因為羅剎教自己咁多野攪(救老邪神), 冇理由分散勢力去香港對付老妖.
白蓮教又唔會攪佢以免和龍虎門對戰.

唯一可能係佢唔知點解收到流風, 話老邪在泰國被百般折磨, 出於往日主僕之義, 隻身闖通天教, 明知一定會死, 但總算報恩, 結果被白骨丞相玩弄, 他的爪法高老妖幾關, 所以提出如可接自己一百招並能跨越通天教門楣, 便讓他見老邪,老妖在一百招之後幾近完全殘廢, 但憑著意志, 單靠尾指和無名指這兩隻手指爬向門楣(讓門楣後的老邪, 黑龍, 甚至老天尊深受感動), 誰知爬到門楣下卻給二郎神踢死, 從此龍虎門與通天教正式結怨.

其實龍虎三皇有冇諗過自己條命幾衰, 成日累死人, 其他角色未識佢地之前, 縱橫江湖幾十年都沒有事, 識左之後就要死.

我決定俾多十年自己, 睇下龍虎門會唔會打得勁過IQ博士,(小雲係可以打爆個地球,打得勁過龍珠)

相信當有人將九陽神功和九陰真經結合, 應該去到呢一步.
然後易筋經又會同洗髓經結合(這兩個版本仲要係達摩的天竺版)
跟住就有金剛版金鐘罩(礸石又叫金剛石)

再有D新派武功出現, 如激光劍氣、核子拳之類

另外, 我又想睇下龍虎門crossover異形及�咻敺啎h, 九陽大霹靂打唔打得低異形皇后, 金鐘罩頂唔頂到�咻敺啎hD激光同異形D口水.

其實我反而對呢家人點內��, 及發展點有D興趣, 最好係老天尊假死一排, 等通天教唔係好掂之時, 大家才明白老天尊的心意, 當中其中一兩仔臨死時才浪子回頭.

引用:

原帖由 Popeye123 於 2006-11-27 02:56 PM 發表
總結整個的事件:
- 無厘頭打電話去date阿老妖
- 無厘頭老妖因為一個面具失控
- 無厘頭老妖打輸比醉魔
- 無厘頭藍浪唔切老妖個頭
- 無厘頭金鐘勁保住老妖心脈然後可以治癒老妖
我相信厘個係一個局,但是欺騙對 ...

我覺得老妖性格同好多火爆老人家一樣, 為一個面具失控是人之常情, 但最勁係藍浪點會估到棍妖個面具有咁大威力.
本人相信藍浪絕對食左三家茶禮, 他其實是火雲邪神派到白蓮教, 挑撥白蓮教與龍虎門的恩怨, 手下留情, 只為讓老妖殺多幾個白蓮教中人. 如果係咁就好了! 因為龍虎門D歹角全部蠢到爆, 沒有一個有枭雄應有的媒略.

聖上那條假死橋, 讓人完全明白麼叫昏君; 老邪神攻打白蓮的表現也像一個老人痴呆; 白骨又沒有能奈.

不過都��, 如果歹角又聰明, 武功又好, 龍虎門點夠佢地��! 呢方面正好表現到香港人比其他地方的人較有小聰明, 都算反映現實.

大家真係要清楚明白, 東方無敵真係一個練功過度, 無仔生, 心理有少少變態, 自作聰明的昏君!!!佢以為擺左藍浪�鄔O個位, 個個都唔服佢, 自然唔怕佢奪位囉!

[ 本帖最後由 gregoryliu 於 2006-11-28 06:54 PM 編輯 ]

引用:

原帖由 火雲邪神西城勇 於 2006-12-7 06:14 PM 發表
咁可能黑龍去救四龍lo,如果唔係無人去救佢

黑龍又係憑佢果D小聰明都係岩, 不過最好就�壎狀P宿派的毒, 遲些因為得福, 百毒不侵, 武功大進啦!

睇怕玉郎就黎學瑞新, 出多幾本書, 分幾條線講龍虎門, 得閒又crossover一下.

開始對龍虎門有D期望, 老黃可能想學瑞新咁, 成個江湖砌好先, 之後再慢慢發展.
有時講下泰國, 大家幫石武夫; 得閒又講下日本, 大家幫谷次郎; 韓國又可以幫明鏡,幫參幫.
有時又鬼打鬼.
直情可以分幾本書去講, 三皇一本; 小鷹一本; 風雷一本.
間唔中又crossover.

引用:

原帖由 脫穎而出 於 2006-12-15 03:49 PM 發表
我都唔明得王小龍同王小虎加過飛妖憑咩同通天教要黑龍? 如果係洪東, 王小龍加個強化左既風雷會好好多!

我覺得OK喎! 龍虎門�堶推雩茪T皇最大嘛!小虎同小龍代表龍虎門要黑龍, 再加個冷靜老練的飛妖, 加埋地應該去談判, 並非搶人, 呢個配搭OK.

當然, 我覺得班編劇主要因為小虎同飛妖好耐冇打戲, 始終要出一出.

所以談判一定會有D小衝突.好有機會佢地累到飛妖重傷, 要搵廣法堂幫忙, 再連累人家滅門. 小虎又有奇遇讓功夫更上一層樓.

我好想知點解通天老祖要創三種不同的武功出來?

引用:

原帖由 喜歡足球 於 2006-12-21 03:22 PM 發表


冇問題啊！達摩都創四大神功啦！

我都有諗過.不過達摩四大神功有高低之分��!

我好記得以前有一期叫"移花接木 智破吸星" 不過唔記得內容咯!

其實天下咁多絕世武功, 點解聖上對九陰真經特別有感覺?

靜係九陽五絕都掂啦!

我覺得王小龍將會係一條三皇決裂的伏線, 佢本身亦正亦邪, 仲學埋九陰真經, 當佢練成九章之時, 相信亦是變邪之時.

其實武絕對可以神化D, 刃牙D主角咪一樣唔驚子彈, 同樣破壞力好驚人添, 如果刃牙可以同龍虎門玩crossover, 火雲邪神可能夠範馬勇次郎打, 金羅漢亦唔夠花山薰打.

我覺得而家龍虎門走美國英雄漫畫風格, 唔會立亂死人, 甚至死左都會復活, 或者唔係真死, 有D角色可能武功被廢, 轉個頭又武功更上一層樓出番黎, 長做長有, 有時甚至乎拆做幾本書.