http://hk.news.yahoo.com/article/100428/4/hqi7.html

如果係真，咁佢就真係．．．雖然死咗，我咁講唔多好，但係真係好脆弱．．．．
我都認跑數工作壓力係大，我都係要跑數，如果你唔夠數，上家捽數捽得大力，係好惡頂∼∼但係因為跑數跑唔夠而去自殺，真係跨張咗啲∼∼
但係我都認為有啲人係絕對唔受得壓力，一受壓就越受越縮，越謝∼∼佢可能係呢類人，加上個教師有精神問題，佢應該係呢類人，但係佢應該知道自己唔係受得壓的人，就要趁早抽身啦∼搵過份工啦∼一係學曉做SSS，即係soft skin snake，放下自在囉∼∼自己盡咗力，搵盡方法都唔夠數，咪唯有認衰囉，認自己未夠火喉做呢份工囉∼∼一係等你炒，一係我炒你∼∼工作啫，唔洗出埋條命仔咁執著吖∼∼

引用:

原帖由 毛球 於 2010-4-30 13:18 發表
報紙標題「辭工在家12年 分擔太太壓力」本末倒置, 要分擔太太壓力應該係自己孭起頭家, 唔係辭工在家..., 呢個男人好意思講, 奇怪傳媒照單收貨. h:" />

咪係∼∼真係個男人古古怪怪∼∼個老婆搵錢多過自己都唔係乜嘢原因做全職老公吖∼∼而且香港現今當世，女人搵錢多過男人，好正常吖∼∼所有白領同中層管理都係女人為主，老闆都唔鐘意請男人做∼∼我成日話男人一係飛上技頭把炮就攞Guts出嚟做老闆，博一鑊；一係去做藍領，做苦力跟車，你想好似女人咁由低做起，在香港男人唔易行呢條路，早三十年都仲可以，我去過上市公司IT果間服裝公司見工，個寫字樓超大∼∼但係最徫為奇觀的係佢寫字樓，我真係見唔到男人，我估全寫字樓只有老細係男人，最多比多幾條仔佢係我見唔到∼∼無他社會大吹勢∼∼一般百姓家的男人搵錢唔夠女人嚟，在香港係好正常∼∼但係整個社會嚟講，男人好多去做企業家，所以整個香港社會嚟睇，男人都應該搵錢多過女人∼∼