創業or打工？！

已前有個朋友想創業∼∼但係佢話，連自己老細都未搞掂∼∼所以未係時候去闖去創業∼到佢可以服侍到佢老細，佢先叫成熟，才是時機去創業∼∼
其實唔係咁囉∼∼呢個世界有些人只適合打工，有些人只適合做老細∼∼兩種人的個性某個程度不可兼容∼當然只適合打工的人不一定創業失敗，因為呢個世界仲有運氣呢樣嘢∼∼幾唔掂於做老細都好，有運氣，做老細都一樣冇問題∼∼但係天生老細個性的人創業也是要講運氣的∼∼
其實你叫你老闆出去打返工，佢哋多數都會打唔掂工∼∼打工係一套技巧，做老細又係一套技巧∼∼做開老細，多數唔合打工∼∼你睇吓農場餐店的老細就知∼我面試見人，見好多過往老闆級，有廠幾十至百幾人，一個經濟大浪冚過嚟，又要出去打返工∼∼但係見工的技巧勁差∼∼
所以計我話，等佢服侍掂佢老細時，只係代表佢打工技巧一流，創業嘛∼∼再重新學過喇∼∼
我有個朋友依家係老細，有廠在國內∼∼唔係乜嘢大企業，我同佢以前在同一間公司打工，但係同啲同事關係好差，但係頂頭上司又好鐘意佢∼∼最後佢被公司請佢離開，兩年後左右走去創業，加上屋企幫到佢，依家佢日日平治代步~
我又有個前上司，佢亦係我頭先講個朋友的上司，佢在公司位高權重，打工打到已經入咗董事會，大老闆好睇重佢，係佢愛將∼但係因為傳聞穿公司柜桶，被公司炒咗∼∼之後即刻開咗間公司創業，我聽朋友講過佢的創業計劃，聽完我只覺得佢個計劃好普通，基本上唔係計劃，只係人做我做，我看不到在市場上，呢個計劃有生存空間，結果我冇想錯，佢衰哂∼∼依家聽聞佢開咗間舖做生意仔，不過唔知掂唔掂∼
我的結論係，打工醒不一定創業醒；創業醒做老闆叻打工不一定醒∼但係創業呢條路唔易走：風險，甚至人生風險；銀彈；頭腦；運氣；如影隨形的壓力（打工都有壓力，但你頂唔順你會理得佢死，但老細唔得，幾頂唔順都要頂，因為衰咗就全間公司包括自己事業冚旗）；大上大落；創業失敗，好難打工，因為冇乜公司會請
創業真係要想清楚自己係咪材料，就算你真係唔適合打工，適合創業，也不代表你可以創業∼∼