北韓如以核武回應美日韓，可能正中美國佬下懷∼美國周不時都把戰爭推向其他國家打∼盡避免在本土或附近打∼
而且美國佬亦趁機睇你中國反應以及搞亂你中國∼
而且估計你北韓未夠把炮可以射支核彈頭去美國，就算你有技術，美國佬都有星戰防禦，早幾日都有話美國佬已發展出激光軍備∼鈘核彈頂多射到太平洋上空未入美國海域∼
支核彈最多射去韓國及日本∼
但係我認為今日核武在軍事角度睇只是一件凶人工具，唔會真係用∼北韓都應該知道佢用核武的後果，一定遭到核還擊∼北韓將永久消失∼而且北韓用核武，最大得益者係美國∼最大輸家係北韓，次之為南韓日本及中國∼作為亞洲的最有實權的大國，你亞洲唔掂∼歐洲佬美國佬最拍爛手掌∼而中國都唔會比你北韓佬用核武∼所以我估北韓唔會真係用核武∼
基於以上估計，美國佬係想迫中國表態∼如果中國失去北韓呢個昔日盟友，今日朋友∼中國將會被完全圍∼附近一個朋友都唔會有∼最遠關係好少少的只有非洲∼俄國唔係可信的友國，反過面∼南韓日本係美國盟友∼印度係世仇，印度成日想攻打中國報當年麥克馬洪防線的國恥∼南沙又有邊境問題，成日同馬來西亞印尼等不和∼美國佬一路好怕中國，所以不斷想圍你中國，今日又想借天安號事件，再想除去中國唯一鄰國盟友∼用心歹毒∼
雖然北韓呢個友邦唔係好嘢，但係在地理上都有佢戰略作用∼起馬中國向東的部份海防線多個朋友頂著∼
突發奇想∼中國其實可以出訪拉丁美洲國家，反圍美國∼例如墨西哥，委內瑞拉，古巴∼阿根廷∼太平洋上的新畿內亞都可治一治美國，尤其古巴係共產國，同中國應該有計傾∼而且拉丁美洲好多國唔老例美國佬，尤其古巴同委國對美國佬也恨之入骨∼中國如果可以同佢地做成聯盟∼大力發展佢哋國的經濟實力，變相加強佢哋軍事實力∼（中國不便學美國佬般受賣軍武比呢啲國，因為中國的人格一路不是如此，而且和平掘起路線不能變，最多把部份軍事技術抬下轉移），∼令美國佬面對強國鄰邦，反牽制美國，以其人之道還治其人之身∼

杖未必打∼美國佬經濟未有起色，打杖唔係佢杯茶∼而且仲要靠中國比飯佢食，在中國後花園開火，對美國絕無好處，而且走去打北韓，一個有核武國家，縱使佢用核武機會細，但都係少惹佢好∼

所以大概可以想到，美國佬想借（製造？）天安號事件，增加對中國東岸的軍事影響力，以消弭中國海軍日增的實力，而對南韓及日本，也可以借天安號事件拉攏美國在自己後花園操兵，阻嚇中國的海軍震攝∼美國亦可進一步加強地理上圍攏你中國∼
不過中國再過二十年左右，只要按現在情況發展，中國不難成為全球第一強國，圍都冇用∼大把國家會靠中國開飯，主動成為中國朋友∼
我估中國下一步，再過十年，會向拉丁美洲伸出友誼之手，反制美國，依家伸手會被美方視為一種威脅，十年後就算明威脅你美國，你都咬我食∼