航母一問

國際好關注中國係咪會建航母∼而好多國家都自稱航母唔易搞∼
其實我唔多明，航母最關鍵的技術係戰機升降，因為要越洋攻打，戰機沒有足夠續航能力，越洋後都未必有足夠油去攻擊，仲要計埋回航∼所以要有航母∼但係航母最難搞係戰機升降，因為戰機係要有條長跑道助跑∼所以條跑道要夠長，仲要降落準確∼否則後果嚴重，因為會撞機，順手炸沉埋航母∼
在這個問題上，美國用勾把降落的機鎖實，拉實架機，減少降落所需跑道長度∼
而英國就用垂直升降的戰機去解決呢個問題∼但係垂直升機造價貴∼

唔明白？點解呢個問題，唔考慮用水上飛機的構思呢？呢種做法有乜問題呢？
其實我個構思係，改做戰機，做可以在水上或陸地升降兩用∼航母就用吊臂把機放入或放出海面∼，就在海面升降∼咁咪搞掂囉？
有可能有暴風雨唔方便升降∼但係台風唔會好大∼航母咪避開台風，在較平靜水面升降囉∼一樣可以解決續航能力∼
如果你驚會在水面較易被攻擊，一來普通航母條跑道都係露天，一樣會易被攻擊∼再者；可以設計成艦底預留一條水道，給戰機起飛！或設計成雙船體連身，雙船中間的水道用作起飛囉！咁設計∼條跑道仲多保障∼

冇理由冇人諗到呢條計架！冇人用呢個設計，一定有佢理由∼有冇人知呢？