冰島係全球發電最環保的國家，差不多零排放，不用核不用煤不用油不用木，不用風不用水流，不用太陽能∼
因為冰島地處斷層帶，有豐富地熱資源，大把滾水供應，在上面放個渦輪搞掂！要幾多有幾多∼
日本都有類似的地方，其實日本可以學冰島，用地熱發電，未必可以完全解決發電問題，但日本都算得天獨厚有豐富地熱資源，應該要善用，好過用地熱搞旅遊，用嚟煨雞蛋比旅客食，號黑玉子，食過∼絕對難食，起碼滾個溏心比人食吖∼

引用:

原帖由 Das Reich 於 2011-3-23 19:03 發表
Brother 無神論狂徒：多謝師兄 你的提酲，小弟竟然忘了還有地熱這回事。  不過，以小弟的僅有認知去看，絕大多數人口密集的城市/大城市，核能發電是暫時相對地較為少污染的方法，而其它的發電方法條件並非是每一城 ...

其實仲有好多方法，正在研究中的有在太空用太陽板收集能源，化成微波射落地面收集站，但個缺點係通過大氣，好多微波會散失，技術係有，但未成熟∼
仲有一項成熟得多，係培植海藻，海藻粗生得很，生出的海藻煶煉成脂質做燃料，暫時係以植物煶煉能源效率最高係佢，比甘蔗的效率更高，核心技術係冇問題，但仍有若干技術要研究∼
仲有係太陽能，呼聲好高，最勁的能量轉換率達二十幾個，即係有七成多太陽光未能換成電∼但如果研究下去，只要有四五成換成電∼咁就天下無敵了∼
仲有海洋下深海有種可燃冰，實際唔係冰，一離開大水壓地方會極速散發可燃氣體∼但個問題係開採超難，而且上到水散發的氣體係強勁的溫室氣體，所以未有一個完善的開採技術∼

其實核電同坐飛機差不多,好處一個近零污染,一個快而且出事率唔高,但係一出事就大大鑊~
呢次核事件都係沒完沒了~都唔知啲污染要幾多年先搞掂