昨天看了個節目，兩班人對辯貧窮是否遺傳∼
有反對的人中有幾個出身貧窮，但憑自己努力讀書，出頭，脫離了窮的行列∼

其實呢條題，冇乜好辯，因為事實勝於雄辯∼貧窮真的會傳承下一代∼有多少貧人的下一代可以脫貧，有錢人家的子女，你見過幾多會窮的呢？

節目中反方正確的一點是，重要是人的質素，有質素的話，貧窮也可以脫貧∼無錯∼但問題有多少人有呢個質素呢？有啲人生出能力不足，或天生唔係上進人，你好難叫呢班人變得有錢，你可以話呢啲係自作業，都冇錯∼但靠自身能力扭轉自己貧窮命運的人有多少呢？
無心向學的人，貧人只有去食屎啦∼含啦∼
有錢人，有大把錢，咪飛去外國搵啲野雞讀囉∼去到咪又係吃喝玩樂，返嚟揸著張沙紙，點都好過你班窮鬼∼去外國都費事？直頭買個學位囉∼
打本比仔女做生意囉∼但係實際業務咪波雞老豆囉∼
貧人睇書唔明？自己諗掂佢，有錢人咪去補囉∼私人補都仲得∼
有錢人可以有資源學乜都得∼窮人有心學都要睇你有冇資源呀∼

我好唔明點解啲人會話窮係唔會遺傳∼事實都好去拗∼
定係呢啲人想話比人知自己有幾勁幾勁呢？

引用:

原帖由 無神論狂徒 於 2011-8-15 02:17 PM 發表
昨天看了個節目，兩班人對辯貧窮是否遺傳∼
有反對的人中有幾個出身貧窮，但憑自己努力讀書，出頭，脫離了窮的行列∼

其實呢條題，冇乜好辯，因為事實勝於雄辯∼貧窮真的會傳承下一代∼有多少貧人的下一代可以脫 ...

我就真係唔明你有咩唔明, 多少60-70年代既父母養4~5~6~7個仔女住徙置區廉租屋, 仔女有想讀書卻冇得讀, 有讀唔成書, 學歷雖低但懂得把握機會一樣有成就, 亦有辛勤半工讀學有所成, 靠的是政府津貼, 眼下今日40-50歲之中產, 兒時好多只是住七層大廈, 當然當中繼續倒楣一樣唔少, 正是環境因素, 個人性格及際遇之結果. 反正成長越是艱苦, 長大後在社會競爭更有利.

反之, 家境富裕的孩子, 除非父母夠佢過世, 否則身家散盡沒有謀生能力可能要瞓街. 我身邊就有一個例子, 父母位居要職家住半山, 兒子自小就是家中寶貝, 卻中三也讀不完, 父母有錢付學費, 學校都不收了, 送到外國, 也弄得趕出校下場, 回來不知如何是好, 看樣子是難有前途了, 父母卻不至於如你所說可助他扶扶碌碌繼續過日子, 你話會點?

你只可以說有錢很多事都容易去做, 冇錢甚麼事都變得艱難, 但人始終係犯賤既, 你越冇(錢), 越想爭取, 你越有(錢), 越不懂珍惜, 所以結果好多時會相反絕非一面倒.

引用:

原帖由 毛球 於 2011-8-16 00:13 發表

... 人始終係犯賤0既, 你越冇(錢), 越想爭取, 你越有(錢), 越不懂珍惜....

引用:

原帖由 毛球 於 2011-8-16 00:13 發表

我就真係唔明你有咩唔明, 多少60-70年代既父母養4~5~6~7個仔女住徙置區廉租屋, 仔女有想讀書卻冇得讀, 有讀唔成書, 學歷雖低但懂得把握機會一樣有成就, 亦有辛勤半工讀學有所成, 靠的是政府津貼, 眼下今日40-50歲之 ...

你講梗啲係有質素,有心要脫貧的人~
問題係有質素的人有多少~
正因為有質素脫貧的人不多,所以窮才會遺傳
有錢人教癈柴出嚟,總會有呢個例子~
你可以話係果啲人自作業，但係整個社會去考慮，社會就是如此，有質素的人不多是社會的正常現狀，所以窮是會遺傳∼
印度以姓作為等級分別，賤民姓氏永遠是賤民，只能生活在貧民區，他們不單是環境迫成窮人，連社會也定性這批人是窮人，而這些賤民心態也被社會調教成一世做窮人∼點脫貧？（唔好笑，這是印度政府發展國家面對梗的一個嚴重問題，你有研究印度你會知道）
中國山區，很多村落∼連教師都冇，要上學要行一兩個山頭∼父母亦不意識到讀書的重要，如何脫貧？

或者唔洗多講，一個例子，兩個細路，大家資質一樣，生活在兩個家庭，家庭教育質素一樣，但分別是一家人有錢，一家人窮，你會賭邊個成就最大吖∼

由窮變富的例子一定有，傳媒錦上添花大力報導，所以要搵呢啲例子一定好多，但比起窮人遺傳下一代窮人的例子，一定多如恆河沙數，由窮變富的例子只屬九牛半毛∼

引用:

原帖由 無神論狂徒 於 2011-8-16 10:53 AM 發表

你講梗啲係有質素,有心要脫貧的人~
問題係有質素的人有多少~
正因為有質素脫貧的人不多,所以窮才會遺傳
有錢人教癈柴出嚟,總會有呢個例子~
你可以話係果啲人自作業，但係整個社會去考慮，社 ...

你越講越歪啦, 要以特定國家制度或環境幫拖, 不如直情講奴隸制咪可以下埋結論囉.

要講當然係以現代自由社會作基礎, 現實中個人質素同貧富都唔係只有兩個極端, 我所講既在貧窮中成長既下一代能改善生活條件根本唔難, 勤力d既又得, 醒目d既又得, 運氣好d既又得, 唔駛下下都要傳奇人物先算啩, 但如果在你眼中除了城中幾個富豪外其餘都算窮人我就冇野講, 優勝劣敗, 社會資源有限, 唔可以話你錯, 但並唔證明貧窮就係遺傳, 你想講係絕對, 個別例子絕無僅有, 我講係非絕對, 改變命運的比比皆是, 可能大家貧富既定義都不同.

引用:

原帖由 毛球 於 2011-8-17 00:13 發表

你越講越歪啦, 要以特定國家制度或環境幫拖, 不如直情講奴隸制咪可以下埋結論囉.

要講當然係以現代自由社會作基礎, 現實中個人質素同貧富都唔係只有兩個極端, 我所講既在貧窮中成長既下一代能改善生活條件根本唔 ...

我唔係想講貧窮係會絕對遺傳，只係由社會一個整體去睇，窮係多數會遺傳下一代∼
憑能力運氣等等脫貧的例子唔難搵，但係按比例睇唔會多∼

其實我和你睇法應該差不多∼
問題只是憑個人能力運氣脫貧的比例，你和我可能在這個比例上有出入∼你講到好似貧人一定會變有錢咁；我就認為窮人多數會窮下去，只有少量有質素的人可以脫貧∼

引用:

原帖由 無神論狂徒 於 2011-8-17 09:05 發表
其實我和你睇法應該差不多∼
問題只是憑個人能力運氣脫貧的比例，你和我可能在這個比例上有出入∼你講到好似貧人一定會變有錢咁；我就認為窮人多數會窮下去，只有少量有質素的人可以脫貧∼

听过呢句未？《龙生龙，凤生凤，老鼠生儿会打洞》。你我他唔系龙唔系凤，所以只遗传0左打洞的传统！