書名:當中國統治世界(When China Rules the World)

大半年前買呢本書作者馬丁．賈克，當時本書好出名∼係紅色
我睇啲又抖吓，所以睇得好慢∼因為係譯本，所以好辛苦睇得∼亦因為咁睇一輪唔想睇，最近又執起返睇∼

一路睇就一路都有種看法，就是一個西方學者，睇中國，有好深入的嘢未做到∼我唔係怪佢錯∼有啲嘢佢都係一個西方人，對中國了解有不足，可以了解∼

我以前有去美國啲論壇或youtube吹水∼我目的係一來想了解西方人，尤其美國人的想法∼因為傳媒報導美國人睇法好多都失實，例如好多美國人其實唔係好喜歡美國政府成日打壓中國，搞屎棍∼
我亦想把一個中國人的睇法，話比佢哋知，等佢有個橋樑知道中國的情況並非傳媒所講∼但係懶了，只玩過三個月左右∼而且要把一些深入話題，用英文寫，唔係我專長，我久唔久都要查字典∼再者我係想操練我英文去到鬼佬寫英文的水平∼

呢啲係題外話∼

本書其實好多錯誤的結論∼佢都係認為中國會統治世界成為世界霸者∼
而家係咁兒吹吓幾個問題：
用入侵嚟形容中共在一九五零年對西藏用兵，呢點係一個抹黑，或者係受達賴影響∼西藏，新疆，在中國版圖中，歷史久遠∼漢朝開始已有註兵河西走廊，去到清朝更係中國一部份∼不過作為一個漢人，都要多謝清朝，幫中國擴大版圖∼如果冇佢入主，中國依家未必可以對西藏及新疆名正言順有控制權∼
當年孫中山革命推翻清朝，西藏乘勢不接受中央控制∼咁中國出兵統一國家∼真係唔知有乜問題∼在道理上通∼唔通你蘇格蘭鐵腕軍事獨立，你英國會比佢獨立，冇可能唔出兵啦∼

仲有講到中國人歧視人種問題∼話香港人比人工外傭少，受到不好待遇，又有性侵犯，所以話香港人係有種族歧視∼呢點個作者冇深入睇香港∼而且用一兩個不好的例子就以偏蓋全∼呢個係結論出錯咗啦∼
再講，我屋企個印傭佢話，佢在香港搵三四年錢，返鄉下可以買地起屋∼等如你打一份工，儲幾年錢可以買地起屋喎∼咁叫虐待？仲有係個作者未有把外傭的僱佣合約考慮，個外庸逗果幾千銀人工係純利入袋，其他乜七都係僱主∼計吓數，香港一個人住，租個最平的一房單位，五千左右∼仲有食呢∼水電煤乜七濕九碎支出都係僱主，如果考慮埋呢啲錢，請個外傭，最平都要一萬銀以上∼必定要呀∼如果你比間房佢夠大，隨時皮幾嘢∼香港地有幾多草根住版間房，一個人搵七八千養全家∼做外傭好過做港人啦∼

又話中國歧視問題∼又係攞幾個身邊例子講吓就以偏蓋全∼又話有中國人罵藏人乜乜實實∼但係實情係在西藏，漢藏人大致生活都叫和平共處∼互相尊重∼去過西藏玩過十多日的都會體驗到∼大部份藏人其實唔想亂，生活穩定∼

而且本書亦沒有提農奴制∼中共點樣癈制還自由於藏人∼

要講仲有好多地方講

簡單說本書以偏蓋全，資料不夠深入，立論不正∼