http://www.rthk.org.hk/rthk/news/expressnews/20111118/news_20111118_55_798956.htm
由現時廿八加到三十三至三十五蚊∼
話說昨晚在老尖食完飯，去海天X涼茶舖飲杯羅漢果茶（就彌敦道一轉入去金馬倫道果間），見個老闆不在，得個中年女店員坐在舖尾，面向馬路，我站在舖前，個店員很努力扮看不到我，她這毅力如果用在工作上應該會更上層樓∼
不打梗，我大動作誇張地裝入舖內，佢初初都不願意”見”到我，但最後也屈服了，出來，我話要熱羅漢果茶，佢話冇熱（奇怪在之前佢哋會翻熱比我，呢次話冇），我就冇所謂，一於涷啦∼我係take away
一啖飲落去，係夏枯草水∼
呢啲店員，冇老闆在場，即刻同你間舖做忌∼幫老闆倒米∼to be honest，我有這個經歷，我應會有一段時間唔會幫襯佢∼
呢啲人點值廿八蚊呀大佬∼廿蚊都比多佢啦吓哇∼佢搵到廿蚊一個鐘，幾生修到啦∼依家仲話要加到三十五蚊？
計一計，一周做六日，日做八粒鐘，一個月搵七千二百幾∼邊值呀大佬∼呢啲員工，老老實實，我認為只值十幾蚊架咋∼仲要搵人睇實佢喎∼經濟好景，工搵人市道，佢呢啲頂盡六千銀一個月∼市道差，呢啲人返鄉下啦∼
我想講的重點係，有啲人根本質素惡劣，如因為最低工資立法，硬塞舊錢比佢∼根本冇諗過老闆，最後係員工做唔到佢應有的價值，即係炒∼如果唔炒，就老闆仆∼再加上經濟轉差，實在唔可以再加最低工資∼
廿八蚊∼已經好邊緣∼

引用:

原帖由 shark-654 於 2011-11-18 21:39 發表 你可以叫個老板炒左佢...請過第2個值28或35ge....但不可以因為佢唔值28而令所有人都冇28...其實而家行街...許多請parttime洗碗,清潔..樓面的都俾100元3個鐘la....個D老板實會請D值咁ge人工ge

唔會連帶其他人搵唔到，因為市場會調整，有能力者自然會搵到值佢人工的工作。但最低工資只會令無能者取得過高人工。