http://hk.news.yahoo.com/%E5%8C%97%E5%A4%A7%E6%83%B9%E7%81%AB%E6%95%99%E6%8E%88%E7%BD%B5%E6%B8%AF%E4%BA%BA%E6%98%AF%E7%8B%97-%E6%99%82%E4%BA%8B%E8%A9%95%E8%AB%96%E5%93%A1-%E4%B8%AD%E6%B8%AF%E7%9F%9B%E7%9B%BE%E6%B7%B1%E5%8C%96-%E4%BF%83%E6%94%BF%E7%AD%96%E4%BB%8B%E5%85%A5-211025026.html

呢單嘢，無厘頭，小事一件，搞到咁大∼其實唔係乜嘢政經大事，唔值得攞出嚟講，但係此事觸發兩地對立，情況可大可小。
國內同胞出香港玩，歡迎之致~有部份國內遊客在港表現的行藝術確令人目定口呆∼亦係眾多遊客中最出類拔萃的藝術家∼亦不守規矩∼其實有文化的國內同胞仍佔大多數，果小數國內藝術家所佔百份比，仍然比其國家遊客多好多倍∼確難怪港人有呢種反應。

食麵單嘢，我唔係親身睇到；如果真係食得太污糟，叫你收口唔好食，其實可以接受，作為果幾個國內遊客，對唔著一聲，收起嘢食，咪算囉；但如果個遊客食得企理，呢啲嘢，香港人都成日有，係就係犯法，但個人覺得冇所謂。聽聞個國內遊客在四眼仔好言相勸下，寸咀，唔知係咪真，如果係真，呢單嘢又係一個機率問題，一來個國內遊客唔好彩撞正個燥底男，而個遊客又係個唔知衰的人，事件最後一發不可收拾。其實香港人都會有啲唔認衰的人，件事一樣會鬧大。
Anyway，在車箱食嘢，係犯法，就算食得再乾淨，比人捉到都叫斷正，唯有認死狗。

在道理上果個國內遊客肯定錯，冇嘢好駁。個四眼仔在人情上，又真係燥爆。

事件其實應該平息。無厘頭走個所謂北大教授，作為一個教授思想古怪，歪理言論出位∼最大問題係以其怪論深化中港沖突。佢有乜歪理，唔洗我多講，呢度大把人睇得出。作為一個教授，會講出呢啲嘢，唉∼對北大好失望∼堂堂一個教授∼事件丟淡咗咪冇事囉∼仲要撩大件事。港人同國內人唔應該對立∼
最近民意指港人認同自己係中國人身份，比率大幅下降，你難怪∼我都唔想出去比人當作行為藝術家睇，但係我又唔會放棄我係中國人呢個身份。

孔慶似乎踩著屎，呢次香港人想用D & G抗議方式嚟砲製佢，又話在中聯辨放狗。佢講嘢唔經大腦，昨日想收返言論，唔認有講，想砌詞甩身，終見識過北大這號子人物。

和中國人見面，大家操不同方言，就要講普通話，如果唔識講就狗。咁如果唔識，都係狗，好多人都係狗。罵人是狗，大約意思是對方下賤，或是做人奴僕跟著主子做事的下賤行為。這和懂普通話冇關，不懂普通話是賤人？乜道理。就算懂普通話但不說，又如何，和狗何干？
再講，個四眼仔起初係講普通話，叫對方收口，但對方唔理會，話唔明白四眼仔講乜。串咀。
呢個教授，冇料到。

引用:

原帖由 毛球 於 2012-1-25 02:06 發表 其實冇睇到事件起始是怎樣. 好像是內地小孩子在列車上吃零食, 又食到跌了一地, 港人見了告訴他不可在列車上飲食, 內地媽媽說不知道, 然後沒再讓小孩吃了. 為何之後還要對罵下去, 更演變成群罵呢? 估計是雙方的語氣 ...

有朋自遠方來，稀客也！
個四眼仔確唔襟激，很燥底，縱然個國內遊客再野蠻，都唔使同佢對罵，去報官咪算囉。
我都認同呢點。提一提，國內網友發動初五港鐵食嘢活動，港網友亦聲言見一個舉報一個，為免誤中輔車，當日切忌在港鐵入閘區食任何嘢。水都唔好飲。

一個懷現象，各知名論壇都一面倒出現大量對立題目，本版沒有出瓊出現此現象，足反映呢度啲人氣不足，或是呢度啲人理性得多。
但中港對立情況似乎一發不可收拾。

引用:

原帖由 飛毛腿 於 2012-1-31 12:04 發表 大陸人在台灣－比罰款更具約束力的話    2012-01-31 01:02    旺報    【齊楚秦／福建廈門】    　一直覺得自己很有素質、很文明，沒想到卻發生了一件讓我臉紅到耳根的事。    　由於時間太趕，我買 ...

車廂多數唔食得嘢，呢啲係常識。但係唔識都唔重要，最重要係知自已錯乜，唔會大聲夾惡。佢人文質素都高。

引用:

原帖由 飛毛腿 於 2012-1-31 12:04 發表 大陸人在台灣－比罰款更具約束力的話    2012-01-31 01:02    旺報    【齊楚秦／福建廈門】    　一直覺得自己很有素質、很文明，沒想到卻發生了一件讓我臉紅到耳根的事。    　由於時間太趕，我買 ...

不過人性係賤格，就算唔係人生經驗，只係睇統計學手，人質素好自然係一個normal distribution。而事實上，有過人生經驗足的都知，人性係賤格的，唔係全部，但九成九係賤，人表現出好，係在各種環境配合下個性的善才會顯露出。但人性本質是要幾賤有幾賤。所以弗洛依德才會講本我是人性最污穢的部份，是潛意識鬼本源。以人性的本質係賤去睇，冇咗法治，肯定天下大亂。我絕不信人性本善。顯露出的善也只是人偽裝出來，是超我的面具造出來的效果。無論學術上或人生經驗上我都肯定人性係邪惡的。