[原創] 雲吞面處最好 ?

第一流：
麥奀記　－　呢間永遠不會給我失望
何洪記　－　去銅鑼灣太多誘惑，所以少去，但係冇失望過
富城　－　經常去，因為灣仔冇乜令我心動的食店，加上佢真係平靚正，所以我成日去。
正斗　－　佢係我自麥奀記後的首選，但太吊腳，少去
五龍　－　食過兩次，第一次差ｄ，第二次令佢排名上升第一位，都在灣仔，春園街果頭
香江歲月　－　老尖及佐敦交界，在柯士甸道和彌敦道交界，都算成日去食。

第二流：
都會廣場內一間好似叫廣悅，總之有個悅字，在美食廣場內，不過好久之前了
劉森記
好好　－　本來一流，但係近兩年差咗


第三流：
澳門過江龍，黃枝記　－　但係我食過兩次，只有雲吞及湯不錯，麵就惡劣，呢個價錢唔值，所以我永不再去食

浪得虛名：
好到底　－　食過幾次，冇甚驚喜，冇料到
表哥　－　只食過一次，未能肯定
仲有好多乜嘢雲吞隱世高手，多數係鱔稿的力量，冇料到居多。

講開食雲吞麵，可以去超市買包壽桃牌雲吞麵，要獨立包裝果款，一大包有五包，包包獨立包裝果隻，因為有辣油送，公仔雲吞。先湪雲吞，放碗底，用同一煲滾水湪麵，一下水狂獠鬆ｄ麵，一散即離火（要完全散先好，否則會麵身硬），唔要淥麵水，用麵蓋過雲吞，再下味粉及油包，最後另外下滾水。呢個組合都尚可止痕，緊係冇麥奀咁正啦∼∼但係都算食得過。