呢件事都令我諗左好耐， 我都諗過， 換轉係我, 我會點做。

我初頭都有同感，覺得佢父母好錯，因為好多野都係佢地自己一廂情願諗個女會點點點．．．但再細心ｄ再想，就並唔係咁是非黑白之分。

不過，我再細心諗過，我地係可以好信醫學／科學，但以下情況我地又會點做？

產前檢查驗出個細佬係：

１．嚴重地中海貧血
２．弱智／蒙古症
３．痙攣
４．殘疾（即可能手腳不齊全）

上邊４類生出黎既小朋友都會係出生後受到不同情度既苦痛及歧視，咁若果個父母生佢地出黎，係咪就係任性無知及罔顧後果？醫生若係呢ｄ情況都建議父母可考慮墮胎，咁會否變成一種優生主義，所有可能係身體或智力上有殘缺既小朋友，都唔應該黎到呢個世上’受苦’？

在我有限既醫學知識黎睇，上述４類既病，根本係’無藥醫’，小琳琳既病重話有４成機會可以醫番好，但呢４類又點？

上邊那位老師我唔知佢會點回應呢個提問。坦白講，我自己見到一ｄ年老既伯伯婆婆，拖住一ｄ都很年長既弱智人士，我都感到不安同情。但我真係唔敢講，呢ｄ父母係做錯，若果佢地係個ｂｂ出生前已經預知個ｂｂ係弱智，就唔應該生佢出黎！

同樣，係小琳琳呢個件事，當我以一個較闊既角度去睇，我都只會同情而不敢責難。若果有４成機會醫好都唔應該生，那麼有更多沒可能復原的ｂｂ就更不應來到呢個世界上’受苦’！係呢點上，我就唔敢認同。

[ 本帖最後由 假道學 於 2006-12-22 01:57 AM 編輯 ]

引用:

原帖由 xobni 於 2006-12-22 04:13 AM 發表


我諗上面提及的問題不在佢地的決定有冇錯, 而係佢地下決定時的態度.

我不知你所指上面提及的問題是甚麼, 我只是回應大部份人指責小琳琳父母既言論, 係指佢地係產前無聽醫生專業的建議, 而生了小琳琳出來受苦

你所指既係甚麼態度? 關於佢地信仰的問題? 我看過他們的網站, 並不覺得她們在特別渲染信仰神蹟奇事這部份, 不過呢點自己去判斷好了, 坦白講, 我就睇到一對好平凡父母親既掙扎:

http://www.speech.com.hk/kolamlam/index.htm

[ 本帖最後由 假道學 於 2006-12-22 05:54 AM 編輯 ]