引用:

原帖由 雄叔2007 於 2007-12-5 11:01 PM 發表



點垃圾法呢?
願聞其詳

垃圾唔係拎嚟聞架

基督教自家教義千瘡百孔,連要自圓其說都困難,就話自己教義勝過人家,通通都廢話！

一 、 創 造 勝 緣 起

全知全能嘅上帝將個世界造成咁,換咗我係上帝就冇面認咯.

二 、 上 帝 勝 釋 迦 ， 三 、 耶 穌 勝 釋 迦 ， 四 、 耶 穌 勝 菩 薩

點勝？連宇宙有冇創造神都要拗餐死,歷史上有冇耶穌,耶穌係人定係神,基督徒都要講到口水乾去求人信,轉個頭就咁巴閉勝過人地添？

五 、 救 恩 勝 苦 行 ， 六 、 復 活 勝 涅 槃

佛教都唔主將苦行丫,主將修行啫.
救恩係救你上天,上咗天都要六道輪迴.
復活只係幻化,湼槃係超出生死.

七 、 天 國 勝 淨 土 ， 八 、 原 罪 勝 無 明 ， 九 、 十 架 勝 輪 迴

話唔定天堂又類似禁果樹嘅機關等緊你.
原罪就係一個禁果,食又死冇食都要死咁簡單,白痴程度勝無明.
佛教都話輪迴係苦海,佢話十架勝輪迴 ,由得佢勝囉.

十 、 一 神 勝 多 神 ， 十 一 、 入 世 勝 出 世

如果搞霸權確係一神勝多神 ,不過佛教係無神,眾生平等.
打住宗教旗號搞挑起戰鬥紛爭,呢種入世基督教天下第一.

//一定唔會有 "機關"，佢度係永遠的樂土//

係囉,伊甸園一早唔會有 "機關"，咁咪係永遠樂土囉,呢個上帝搞屎棍咪搞成咁.

//一神勝三神係一個簡單的道理．有些牧師會用數學去比喻：一個人的力量大，定係將一個人的力量一開為三之後大？答案當然係一大個三分之一，呢個 logic 小學生都知．//

一個人的力量大，定係將三個人的力量加埋之後大,呢個 logic 小學生都知.

----------------------------------------------------------
其餘廢話不回應

廢事寫,俾啲六年前嘅貼文應酬下你.
-------------------------------------------------

首先講清楚神的性質,神係全善全知全能,冇理由造D會做壞事的人,咁一係就神唔係全知,唔知道個世界會搞成咁,一係就唔係全能,否則點會搞極都唔掂,一係就唔係全善,至會造隻魔鬼出黎,若果話人做錯事所以要自己負責,要受苦,咁神一早唔知有今日咩,若果話神俾人有自由,係人自己做錯,咁全能的神點會造D質素咁差的人,要造都造D有智慧又有自制力,總之唔會行差踏錯的上等人,除非神力有限唔係全能,有教徒話如果在郊外執到隻錶,肯定知道隻錶唔會係天然出現,隻錶係有設計,一定有個錶匠造佢出黎,同樣道理,魔鬼係唔會天然出現,一定係設計同造佢出黎那個自己有心魔,唔係全善或者唔係全知又或者唔係全能至會搞成咁,有麻鷹唔捉捉雞仔,有魔鬼唔去消滅(或者冇能力),由得佢害亞當夏娃,然後將人治罪,咁樣愛人法係佢至做得出。
唔係世人虧欠上帝, 理論上人被造係冇得選擇,但上帝將個世界同人造成咁,伊甸園裹居然有魔鬼自出自入,又有棵禁果樹裹應外合,始祖又冇智慧,眼睛又唔明亮,素質奇差,當然係上帝要負責,上帝至係罪魁禍首啦,上帝虧欠左自己,虧欠全人類,身為上帝既然全知,又點會唔知有今日,即係明知故犯,既係全能,一早唔將世界同人造得完善D,唔將伊甸園D保安做嚴密D,即係未盡全力,既係全善,又造隻魔鬼出來兼任佢橫行,明知會出事都整棵禁果樹黎裝人彈弓,到有事就詐唔知,仲不在現場添,事後現身發老脾,咁既家長唔止唔善,換左係現代社會就實俾人告佢疏忽照顧及虐待兒童,要坐監兼留案底,如果我係上帝就引疚自盡咯！     神愛世人係傳教士講，事實係唔係應該我地自己睇，要放眼睇晒全界，唔好淨係睇自己或者身邊的人，通常信徒都會話那些不幸的人係因為有罪又唔肯認主，所以至受苦，不過眼見唔止一般人會有不幸遭遇，連虔誠的信徒同埋傳教士都一樣會，冇乜分別，唔同就係信徒會話呢D叫考驗；如果神真係愛世人就唔會有個魔鬼太伊甸園自由出入，又任得佢引誘未見過世面的始祖，明知都唔理，事後大發雷霆，我諗邊個人都唔會咁樣對自己D仔女，你見到有壞人想害你D仔女會唔會袖手旁觀？事後至現身趕佢地走仲唔准返屋企，總之無情理可言，連人都不如。

不論是神學家或一般教徒,其護教理論皆基於一些預設,預設宇宙有創造神,預設創造神是耶和華而不是別神,預設耶和華是全知全能全善,所以不管怎說,不外重覆演譯以上預設,不能真正完滿解釋,因為基於以上預設,耶是創造神,有生殺之權,人類不得過問,耶之智慧超過人,人不得以有限之見解去猜度神,耶是全善,不論作甚麼都有他正義理由,人類認為不義的只是人沒智慧,不能知道神的作為.
矛盾的是教徒一面反覆演譯以上預設,一面企圖從人的角度去說服他人相信神,當在常理上說不通時,立即逃到那預設的護罩裡(其實是不當預設),當然,你要他撇除那些不當預設來討論是不可能,因為教徒會無言以對,但教徒要別人先接受那些預設則更荒謬,像教徒說的[從神的角度看會更公平],所謂神的角度又是甚麽角度呢,就是叫你放棄自己的思想,先承認那些預設就是了,而其曰公平者則更可笑,消除了觀察事物的多方觀點,在全沒比較下還有甚麽公平可言,這種公平是暴君的公平,這種邏輯也是強盜的邏輯,但,教徒會認為人要用自己的道德思維去衡量神是不可接受,強調人神地位懸殊,人沒有跟神討價還價的餘地,你質疑神的作為就等如要動搖他那信仰的預設,教徒當然死守陣地,不會離開預設神的全善超智及生殺大權,來跟你用人間道理作討論,不過,教徒也不懂反省,其實自己從來都以有限的思維及人間之愛與父子關係比喻等,去想象神如何愛自己。

龔天民講野係用來呃基督徒,唔係呃佛教徒,所以唔使高水準,其實龔氏所作對佛教無甚影響,一般社會大眾才不管這些甚麼地獄畜生之類問題,因他的言論以基督徒為對象,用意是教導信徒用語言給佛教製造為難,但宗教信仰就是這樣奇怪,就算如挪亞方舟不可能擠入世上各種動物七對這種簡單又現實問題,連小孩子都可以理解到,但基督教徒照信可也,創世記之荒謬絕倫,曾幾何時,被無數的科學家,宗教家,史學家及哲學家等破斥,教徒又有多少人會懂得反省,至於佛教的輪迴之說,一般無宗教立場但相信靈魂鬼神之說的人,下意識都傾向相信,但很少會深究,而有心研究的人亦會以正統理論為依歸,龔氏的目標可能是發動教徒去攔截那些邊緣人仕,但作用肯定少之又少,就算輪迴不可信,都唔等如聖經可信,個D唔信佛教的人都未必會信耶穌,龔氏連聖經創世等難題都搞唔掂,只顧盲攻佛教,係本未倒置,那些自作聰明的所謂難題,佛教早有圓滿解釋,但基督教的慣用手法就係用詭辯同誤導,只會用D不盡不實的資料搞小動作,絕唔敢將正統佛學理論拎出黎一齊比較,免得相形見拙,龔氏所為對佛教就是把火燒天,徒自費力！大把人連鬼都唔信,更何況係鬼到底有冇腳的問題呢,呢個比喻明唔明呀。筆者對龔氏的歪曲言論,就借用一句禪語--[隨他去]吧！

好啦,雄叔咁有誠意,我地一齊歸信上帝喇！

至尊主[基士拿],是 不 死 的永 恆 存 在 之主，全 能、全 知、超 乎 一 切，並 無 時 無 處 不 在。祂 是 無 窮 的，超 乎 人 的 理 解，但 是 藉 著 祂 的 自 我 啟 示 仍 能 為 人 所 知。祂 永 遠 配 得 全 體 受 造 之 物 的 崇 拜、敬 仰、及 服 事。

我地一齊歸信至尊主[基士拿]丫,哈利...基士拿...哈利...基士拿...哈利...哈利...基士拿...