[原創] 大陸駕駛証

下午一時國貿站落車，
步行往文錦渡車管所，
大約一時四十五分到，
好似早咗Ｄ，
但原來開咗門，
睇清楚Ｄ，
辦工時間係九至五，
無寫食飯時間！
入去攞表，
三張紙，
一張係申請表，
一張係驗身紙，
一張係食生菜紙。
有一小房是給申請人填表的，
有筆、有漿糊和有樣辨教人點填。
填好表就行出車管所外面馬路，
轉左行到車管所外牆邊，
就看見照相和影印服務，
講明來意，
照相三十個人仔，
影印一個人仔，
十數分鐘完事。
有四張相同一張回執和影印回鄉唔、身份証同香港車牌。
跟住就去驗身，
在車管所門口坐十四號或五號公車，
在春風萬佳落車，
流花醫院就在對面馬路再行前約五十公呎，
直上206號房，
最緊要知自己幾高 1XXcm。
同要貼張相上驗身紙，
攪掂就落樓交錢(二十四個人仔)再去詢問處蓋印。
出醫院後轉右不遠就有車站，
上返五號或十四號返車管所所在地北斗總站，
入房仔再檢查文件填好未，
相貼好未，
一切攪掂就去入表，
連同回鄉唔、身份証同香港車牌交上，
不用五分鐘手續完成。
會俾一張紙去建行交錢，
但佢地叫我去一號 counter攪，
一號 counter 就叫我俾多二十一個人仔，
佢地會幫我去建行交錢同三日後就會收到証。
咁方便快捷當然即俾，
填好速遞文件，
俾錢 : 四百八十人仔加二十一人仔，
總數五百零一個人仔。
完事時間 - 下午約三時。
行出去坐十四號公車，
原來途經國貿站金光華廣場，
在Soho Bar 對面有站往北斗總站。
http://shenzhen.8684.cn/so.php?k=pp&q=14