請恕我打斷一下：

我從畢業至今，在社會打滾了好幾年（應該都有六年了），我發現有良好既語文能力和溝通技巧是非常重要的，「賴野」賴得多，唔到自己唔學好，不過，幸而讀書時一直鐘情於中文科，英文也一直唔算很差，所以出來做事，未至經常撞板。

至於各位所講既「機會」，我有一番感想的，雖然我可能並非什麼「天才」，也許只是千千萬萬的「星塵」其中一員，但我首先唔會覺得自己係「small potato」，更唔會先「芒自菲薄」，「機會」有時係需要累積的，今日自己蝕底d唔緊要，多走一步，聽日或者都可以成為「機會」；雖然有人話我自細已是個「投機主義者」，但我深信一點，「把握機會」同「違背良心」只係一線之差，但求無愧於心就可以了。

請前輩教導！


前輩所講的是否源於james joyces那本叫《都柏林人》內，描述當時愛爾蘭人受英國殖民統治下的「困局」？

如講起香港問題，小弟試述其拙見：

所謂「仇商」、「仇富」，商家之中總有好的，余彭年、龔如心、田家炳經屬一例，但只能成為小數，甚至現時不少中小企都成為被仇視對象，何因？
以為「殺雞取卵」式剝削會無人知，唯利是圖當成金科玉律，百多年來的制度同觀念問題造成，可以說是跟《都柏林人》中的世界有點相似。

好了，再講「功能組別」存廢，即使搞大個議會，功能組別即使廢除又如何？直選特首又如何？

直選的特首不能有政黨背景，換言之，只是換湯不換藥，特首要過到每一個政策，同樣會響議會內被為政治本錢既政黨去「抽水」，一個既無執政黨、又無政黨法既特殊情況，只會讓這種絕無謹有的崎型政制發展下去，移民好了。


（小弟有時需到內地或國外工作，普通話還可以，不是港式普通話）

[ 本帖最後由 bobbystar2100 於 2010-5-24 17:27 編輯 ]

係，前輩提醒左我一樣野，就係有__ __觀念同無__ __觀念既問題。
但既然我們連政黨政治都別無選擇，那選什麼來幹什麼？
我已經預言，這種政治制度最終都會由人民自我決定倒退的。

其實社會的確係進步左好多，科技既發達更加取而代之成為人類生存的條件，以往大家要用人力辦的事，比如電視台寫劇本，以往都需要一個抄寫員用蠟紙抄寫一份複印，再先進一點既都係影印，但現在呢？一部電腦都可以搞掂，人力資源減省，就業緊張，如果話單純睇香港人對物質享受比以前大，我唸又未止於此，其實某程度都係人類社會要共同面對既問題。

我雖為80後，但稍為多讀有關香港發展既典故後，我會感受到，舊社會要面對既貧窮係今日社會難以想像既，或者正是好多人都唔想捱窮，所以舊時有人拼命賺錢，但道德教育呢？卻是欠奉，就算所謂「公民教育」都只是行禮如儀罷了，再者，當時英國人既殖民政策，讓社會滋生「過海就是神仙」呢種唯利是圖既觀念，足足操縱左香港整整三代人，配合中華民族劣根性「各家自掃門前雪，不管他人冷上霜」，當80年代大家有短暫既紙醉金迷，卻從來無共同打算將來，大家都怕「97」，直到90年代，大家無咁怕「97」，又自信地以為香港「炒」既觀念可以繼續，結果，一場金融風暴後變成今日既社會停滯不前。當社會人浮於事，大家既心情都唔好過，只好向其他方面埋首追逐，配合商人們為了谷底翻生各出奇謀，不惜一切代價推銷物質，大家漸漸變成追逐享受既奴隸。

其實香港既問題核心在於「制度」同「思想」，配套極不完善，思維落後，建制勢力同商人勢力當然有機可乘，走了英國人怡和置地鄧連如，一樣來個長實新鴻基曾鈺成，國家不是說要「港人治港」嗎？為什麼制度不但沒有比英治時代進步，甚至倒退？

[ 本帖最後由 bobbystar2100 於 2010-5-25 03:04 編輯 ]

前輩，不怕坦白告訴你，我有時頗為討厭「80後」呢個名，更討厭香港傳媒刻意對社會運動「分門別類」，其目的相當可誅。香港有為數唔少既人（如傳媒、某宗教右派、商人）為了一時之偏安替政治服務，拉一個打一個，刻意將「80後」加上「標鑯」，再者「邊緣化」「魔鬼化」，但可恨的就是，只要細心一點去想，喜歡「標鑯分類」既不就是香港人既本性嗎？所以說，香港的中國人甚至比一般中國人更喜歡內鬥，並不無道理。

引用:

原帖由 suewong 於 2010-5-25 21:23 發表


社會學所說的 "labelling effect"

我不害怕人家叫我港女，因為我是香港出生的女子，香港是我家。

很多人心目中的港女貪務虛榮，我同意有為數不少的香港女子，真是好逸惡勞，但我不是。所以心安 ...

labelling effect響香港特別嚴重，尤其近幾年香港主流社會特別鐘意將人「分門別類」。
我想能夠解釋的只有一個：香港人，太缺乏正常的康樂活動。

有人話，「孤島意識」都係對香港一個好大既困擾，我唸的確係衍生出好多人睇事情「有今日無聽日」既問題…

比如我識好多朋友做sales，番十二個鐘，羅萬零蚊一個月都係血汗錢，但「今朝有酒今朝醉」者為大多數，零售業係香港最大既行業之一，大多數讀唔夠書既年青一代，多從事這行十居八九，但行業係有顯注既年齡岐視問題的，我唸一個賣時裝、電器既sales同一個踢英超既足球員生涯差唔多，能夠賺錢、能夠晉升的亦只有這段黃金時間…

或者，佢地唔係無唸過四十歲既時候點算，而係因為時勢逼得佢地唸唔到咁多野…
番工辛苦，只好寄情物質，賺番黎既錢最後都係駛清光…
太多例子了，我只能無奈，亦無法阻止別人既生活方式。

回何前輩：苦瓜整黃豆排骨湯好，清熱氣甘甜。
豆鼓炒豬肉條、或排骨則又係一流，風味一絕，只可惜自己最近減肥，唔食得…

[ 本帖最後由 bobbystar2100 於 2010-5-25 23:19 編輯 ]

sue姐姐過獎了。叫我技安吧，老何前輩都是這樣叫的。

其實我還講漏一點，無錯，好多從事高時數、低工資的年輕朋友，其實都係不乏有見地、有理想、肯捱同努力出人頭地的。

我必須承認一點，怨天怨地，怪父母怪政府的人大把，公正地講，政府都唔係「包生仔」的，不少香港人追成今日賴三賴四既問題，都係因為之前二十多年太舒服了，一個新興地方既「突然暴發」，往往都會造就一大堆以為過好日子理所當然，環境稍有不佳就怨天怨地既人，香港就係咁樣，只係問題比較嚴重…

二來，始終都要講一下，政府的確在處理施政有問題，呢個就係本身體制有既漏洞，好景果陣，大家都唔去理，有難啦，大家就怪政府怎樣怎樣，但怪還怪，大家又從來唔會走出黎，推翻舊制改弦更章，唔係話我地參與度冷感，係應該講大多數香港人太自私了！就算唔自私也好，都是因為感覺無能為力才選擇沉默…

例子其實就似六十年代，大家都討厭黑腳「收片」，但大家都要忍，因為只為了飯碗，這種就是「臭蟲理論」其中一種，生活於爛臭之中，只會想到如何保住自己，但從來都無唸過「change」呢個字，可以話，今日香港搞成咁，某程度上，係我地縱容奸惡，活該。

[ 本帖最後由 bobbystar2100 於 2010-5-26 04:40 編輯 ]

引用:

有舊同事為了高升，出賣自己。

男同事說：Sue 姐，怪不得她。學生頑劣，講師全無尊嚴，個個都想唔教，但有糧出。

而且女同事自小住木屋，現在住居屋。如不做第 3 者 / 狐狸精，以她的學歷 / 資歷，d 50 / 60 後又不肯退下來，點會咁快唔使教書，買名牌，住私樓。

一口氣地再回sue姐姐。

「人的理想會被歲月磨蝕。」只能夠說，知識份子的風骨，並非每個人都做到，畢竟每個人生活背境不同，有人自出娘胎胸懷大志，有人苦讀詩書，但到白頭都未知人生目的何在…

記得讀書時曾翻叮過一部麗的經典長劇，改篇民間小說《三家巷》的「變色龍」中，有兩句對白好值得應用：「我唔怕d契弟，因為我最契弟。」這句就是反映現實，三十二年後的今日同樣適用於香港不少夢想一朝富貴既人身上。

無錯，「世事瞬息萬變，唯有息者生存」，唯利是圖的香港社會，要達到目的不惜出賣自己肉體靈魂多的是，我雖年紀不大但都見得不少，但饒悻的又有幾多？作為成年人既選擇，我無話可說，但老人的一句話相當值得深思的：「比個皇帝你做都係假」，世事虛則實之，實則虛之，往往到頭來「好夢一場空」，發達可以有「快線」，但控制不來，甚至多行不義，都可以係摧毀人生既「finish line」，出得黎行，預左要還，妳既舊同事自有佢既盤算，但在我看來，將自己人生投入賭局，得到什麼，失去什麼，貴乎自知，最後一句祝佢好運。

引用:

原帖由 suewong 於 2010-5-26 16:40 發表


我認同"知識份子的風骨，並非每個人都做到"。

我的著眼點，反而是：舊同事其實已超脫她的出身 (木屋變居屋)，只不過她選擇行 shortcut, 由中下 (居屋) 轉移 為 中中。選擇是她自己 ( 1 個成年人 ...

多謝sue姐姐同何前輩既過獎了。

就像今日空閒，陪一位失業有近半年既好朋友排屯門既招聘會…
只見在會場中打蛇餅碰運氣既十居八九都是未夠20 / 20出頭既年青人，人數幾近逼爆屯門大會堂，著實有點心寒。

不過，當我入內觀摩觀察，見到一些情況仲可以令大家更心寒，甚至無眼睇。
見到一個未足秤，化行裝串xx既細路女，竟然響一張足以令你有工開既「職位申請表」內「工作經驗」一欄，不加思索只寫上「m記」 / 賣包   二字…

我唔夠膽講是否不知所謂，因為我都曾年少輕狂過，但至少寫自己既個人資料，卻從來不敢造次…

sue姐姐何前輩有facebook嗎？有的話可pm我。

引用:

原帖由 36D 於 2010-5-28 09:04 發表


謝謝何前輩：

   晚輩只是在大陸工作多年，不平事見多了，已有點疲了。

深有同感，慨歎尤其國家一些獨有匪夷所思、卻充滿剝削的極權東西，如能比較之下，好些更甚於國民政府時期，變相成為「奴隸」而無人伸張正義者有之，當權者貪婪成性，勾結商人買官買優惠，做什麼都要講求「背景」，只有拉朋結黨，做生意才會有「特殊照顧」，我也親歷其境…

尤其最近，留意富士康的「奴隸血淚史」，廠內保安高層惡如黑社會，工人稍一不慎當即痛打一身，極盡羞辱，這些都不是透過傳媒所知的，而是神州大地普遍存在而時有所聞…

有時真想反問：我們不是社會主義國家嗎？「黨」不是靠「工人」「農民」起家，建立新中國嗎？
值得深思的是，六十一年後的今天，這兩個「黨」的重要靠山，今天竟成為被欺壓、甚至反被逼害、推向社會邊緣的對象…

引用:

原帖由 老何 於 2010-5-28 19:04 發表

不平則鳴。多少人為此而奮鬥终生；老何一長輩三代為民請命, 祖父金田抗爭, 父隨中山先生為革命奔走,
子少年即為共產黨員, 89六四後憂憤而終。離世前皈信基督。

自1851年農民金田抗爭至今159年, 農民備 ...

中華民族，受四千年既帝王將相思想餘毒影響甚深，實在難以於一世紀之內擺脫腐朽和封建農民思想。

歷史的長河之中，中國人最遺憾的地方，係我地從來都唔能夠抽離自身處境去睇是或非，簡單點黎講，大家都受「政見」「非黑即白」的影響太深，內鬥了半個世紀，被人入侵了半個世紀，我們其實好窮，乜野都無，我地現存既生存理念，追求既生存意識，以至政治體制，所謂「中國特色的社會主義」，都不過只是「洋為中用」罷了，馬、列主義不是老外的東西嗎？但無奈地，中國人要繼續依靠舊有果套，連食飯都有問題。

然而，係咪代表我地現在既「社會主義」行得通？
中國人就正正犯左一個好大既問題，就係將「食飯」問題比到乜野都大，但要達至「安心食飯」還有其他重要原素卻拋諸腦後，治標，永遠唔治本，這種思維太易受統治階級、特權利益者操縱了，呢個係國人必需反省之處。

引用:

原帖由 suewong 於 2010-5-29 23:13 發表


個人有 1 點看法,  技安所描述的, 我身處香港的大專學界, 也很普遍. 近年, 我開始會覺得, 這是人性, 如果沒有 1 個完備的制度, 共產黨 / 國民黨 , 甚麼黨 , 最終都會如此....

「象牙塔，表面光滑，皎潔無瑕，內裡卻只不過是另一種性質的「白色巨塔」而已…」
呢個係我對大學裡面所謂「學者」「教授」們既小意見。

引用:

原帖由 suewong 於 2010-5-30 17:41 發表


滿腹牢騷 -

在我的舊工作環境, 其實見證了殖民地社會的 upward mobility, 所有高層來自新界圍村 / 慈雲山 / 藍田. 但發財並沒有立品...

我相信現今的年輕人, 就算多勤奮 / 聰穎, 都很難有此機緣...

並非心高氣傲，但我只信一句，
「數風雲人物，還看今朝。」，無千秋萬代的絕對勝利，只怕火鳳燎原的革命之火。

我唔會指責一些無發財立品既上一代，佢地既自私係可以理解的。
不過我只相信，越係唯利是圖，越係為既得利益不擇手段，係會自食其果的。

無論人又好、商賈又好、以至政權，都係一樣。

引用:

原帖由 suewong 於 2010-5-29 23:31 發表


深層次的分析 - 中國人的文化基因/ 人的劣根性, 主宰了我們的命運 / 將來.

奧巴馬的團隊, 當中包括他的兢選對手, 但全個團隊, 和衷共濟. 香港的泛民, 四分五裂...

一字寄之曰：
高舉「社會民主主義」的社民連，看穿了，口號華麗的背後亦不過為了爭政治本錢而四出挑起火頭。
二十多年的「民主黨」，老氣橫秋，老人當道生人霸死地，支持又何干？！
公民黨，不倫不類，陰陽怪氣，投機倒把，量其不會有大成就。

引用:

原帖由 suewong 於 2010-5-31 22:48 發表


Ah Sue 年輕時的 信念....

如果只是 1 盤普通生意 (e.g. 旅館，衣服)，沒問題。但辦教育，真是需要 良心。

呵呵，「教商勾結」的事我都聽講過，而且都頗為醜陋…
大學如是，中小學更為普遍，你話「賄賂」嗎？識走「灰色地帶」既就唔係犯法！

我只求這十年八載努力賺錢，如果香港在這十年內轉差，我就會全家找景鴻幫手。

引用:

原帖由 老何 於 2010-6-1 17:56 發表
AH SUE, 技安所言各社會現象, 正是說來話長, 然則出路何在！？


技安話揾景鴻.........人在遠方, 心在嗎！

前輩，不過講笑而已，最近聽講移民岡比亞排隊過加拿大快好多又平，不過是廿幾個而已~

根在中國，家在香港，我唸唔會太多香港人能夠適應外地生活，
因為香港人係地球獨有既生物，簡單點，就係「麻q煩」既「尊貴」人種，
比如好多香港擁有既方便外國都無，甚至上網都仲係計流量收錢，行一個街口等如香港既十個左右，去探一個朋友可能要坐幾個鐘車，「孤島意識」無限放大之下，顯然對一些生活慣常被縱壞既港人來講，係身在褔中不知褔的。

sue姐姐十分幸運。

香港其實沒有「病」，所謂此一時彼一時，香港的興起原於「時勢做英雄」，然而，「亂世英雄」始終不能「造時勢」，從回歸起，註定香港終歸一天都會洗盡沿華，漸漸淡化為中國的其中一個城巿，形勢使然，政權亦樂見如此管治之便，這就是特區的局限，時也！命也！

我覺得打破「孤島意識」，反而才是香港人必須面對的現實問題，懂得放下「什麼都是自己好」，反而才是出路，所以我認為「條條fing」「移居大陸發展論」，並非全無道理。

不過，如果香港人還像「無線」般自說自話，替自己「擺明抄」日劇一事砌詞狡辯的態度，香港人應該過不了2047…

呵，sue姐姐，由於經常往來大陸，我發現自己眼界比以前不同了，著實，現時很多服務行業（例如娛樂事業）的重心轉移大陸，想得到前途就只有如此，適者生存。

都係果句，前路茫茫不能坐以待斃，要麼就坐言起行搞抗爭，要麼就另找出路，只講不做，怨左怨右，無飯食等餓死也。

[ 本帖最後由 bobbystar2100 於 2010-6-3 02:19 編輯 ]

引用:

原帖由 suewong 於 2010-6-3 21:25 發表


to be fair, 我不擔心 技安 / 水哥 你們 (不坐以待斃，適者生存)；我只擔心 其他 95% ---食慣嘆慣，只講不做，怨左怨右，終有 1 天，無飯食等餓死。

不是杞人憂天，李連英的侄子,是餓死的。

呵呵，sue姐姐多慮了，世界是有一套生存法則的，社會無大多數的95%，又怎能創造新一個「少部份的5%」？
其實現時環境都並非壞絕的，起碼現時職場上要求更多有實力有經驗的人，而非憑張爛沙紙可以濫竽充數的小朋友。

1.一 返工，開 SMS, facebook, 看娛樂 news，理所當然。
2.客戶加要求，話麻煩， 叫飯票( Director) 自己改。
3.沒興趣傍聽與高官開會，有興趣出外送文件。
4.流失量大，因為辛苦 (星期 6 要 OT, 9:00 am - 12:00 noon )。

技安的一點小意見：

1. 我都係咁，但始終都係一邊開EMAIL一邊睇，唔敢太放肆。
2. 有乜野最好都係自己做，因為危機感高，深怕自己做小左會出事…
3. 開會有邊個鐘意？不過我極唔鐘意，但都要做個樣，就二仔底死跟。
4. 好多人星期日都要番工啦，又點者？有錢就乜都做，無錢…睇情況啦，有時蝕底點都要。

引用:

原帖由 suewong 於 2010-6-5 18:20 發表


改圖 / re-run data (trainees 的工作), 客戶幾次更改後, 企硬拒絕改, 話煩, 寧願辭職....

飯票帶班 trainees 去開會, 純粹是希望擴闊他們的眼界, 增廣見識. 都不期望他們有 input. 結果他們對飯票話好悶, 唔想去....

點解鍾意送文件 ? 3 個人 1 齊去, 早上 9:00,  下午 2:00 返 (尖沙咀到政府合署)...

OT - 有人工...

飯票話 個 project 壓力大, 但佢仍然堅持,班子組合有老/中/青. 因為....結果....

1. 有時候兩睇啦，對於「屈服」呢兩個字，包括我在內都好唔鐘意，因為有時候人既心態的確係主觀的，我會唸：「其實我既idea都work呀，你果d咪仲衰！左改右改，即係唔信我者！」的確，比我年紀小幾年既人，可能情況會嚴重dd，之前我對住一d剛剛grad既人，我只會講一句：「窮則變，變則通」，因為我係過來人，我識得同自己講，「今日我妥協，唔代表我會屈服」。

2. 有時開會真係幾悶，尤其開一些無乜建設性既會果陣，不過我個人黎睇，去得既就去既，因為見既人都可能係對自己有用既人（我個人絕對勢利）

3. 送文件可以咁？無oa嗎？咁蛇王法唔係炒得架咩？

p.s：其實我個人黎講，唔太介意要做乜野，但我只有一個要求，就係上司必需對我既工作全盤信任，同埋比多點獨立既私人空間，唔好要我坐一d多人經過既位，最好係收藏性較大（雖然我大隻）…

抱歉近日沉迷於世界杯，亦沉醉於睇波式的「社交生活」，導致少左上黎，未能與一眾前輩問候…

其實老何前輩所言，我地都算站在向前走（或被騙） / 原地踏步（不上當）既十字路口。其實老何前輩係點睇此事？可否有個說法讓細路哥們啟發一下？

引用:

原帖由 老何 於 2010-6-15 09:08 發表
不明所以, 週不時最底d帖都睇唔tao, 此帖可能同一命運。

------------------------------------------------------------------------------

哦！原來要加多d帖才彈去下頁.........杜平話齋 : 有水 ...

先同前輩講下波經先…

呢屆世界杯真係一句……「好x悶」…
烏龍波多到唔使講…
爆冷又多…

但有兩隊想特別一提既…
打聯賽講「留前鬥後」，世杯就論九場內既狀態同真正實力…
阿根廷同我先前估既一樣…
用「打亂章」既方式比到驚喜我，我睇完佢兩場波（剛剛送兩粒比南韓），我發覺反而佢地變左巴西…
打「開心足球」…
而且將美斯收番後少少，變相可以多d助攻，加上後防相當不俗，只要減少一d「乞眼訓」位，左閘踢番實少少，有機會做爭標分子…

而賽前大熱既西班牙，之前我講過，唔好踢海鮮波…
結果，大熱成為暫時最有機會爆冷出局既勁旅，一早講過唔好響預賽踢盡，希望佢生生性性啦…
至於英格蘭，則同意大利一樣，和多一場就可以提早做觀眾等入場睇波…
荷蘭就算贏都不值一提，向來都係「門口狗」，有頭威無尾陣…

所以，我技安願意以一餐茶同前輩你賭一鋪…阿根廷有機會殺入終極之戰…

第二隊，要講講「主體思想」既革命大隊朝鮮…
我之前曾經響呢度預測過，朝鮮係唔簡單既球隊，雖然未至起眼到發光，但絕對左右到分組賽既大局…
而上場對巴西個人認為朝鮮絕對踢出水準，雖然攻力甚弱，但防守真係唔錯，除卻巴西可能係放慢黎打之外，但能夠守到巴西半場不入既亞州隊，南韓都唔得啦…

所以，「主體思想萬歲」！！

[ 本帖最後由 bobbystar2100 於 2010-6-17 22:03 編輯 ]

係，前輩，其實小的應該請飲茶，而大家總算在分組賽尾段睇過幾場好波，巴西繼續帶頭，西班牙翻生、阿根廷驚喜多多，甚至今晚英格蘭同斯諾文尼亞呢場都算踢得好左d啦…

更正一下，其實北韓響66年果屆叫打入八強，算做共產國家最好的成績，但最差的成績同樣地又係佢地…唉…只能歎句「食幾多著幾多」啦…
再者，會唔會領導人們需要錢，所以……………

當然，足球運動比以往商業化、各大聯賽的競爭大，往往讓各國球員體能、以至操守技術有所下降，我想今後都幾難搵到碧根鮑華、告魯夫、比利之類既天才，就算有，以今日既條件黎講都死得。

至於非州球隊，只能歎氣一聲，「無奈」…

引用:

原帖由 suewong 於 2010-6-23 17:43 發表


非球迷的想法：
北韓到 5 蛋時，腰斬直播，咁都得？返國唔知會不會要做苦工。

心想，連老大哥中國都未至於「河蟹」到此地步，實在想不透這種國家在搞什麼，怕輸的話，大可以不直播，為什麼硬要「自我感覺良好」呢？

應該不需要做苦工的，因為打入世界杯都叫做「超額完成」，心想北韓還未至於野心大成這樣。