我想借這個機會，發表一下為後輩點點看法。

自問自己未夠班入大學，出左黎做幾年野，期間浮浮沉沉於社會間，我覺得我地一代最悲哀的是，好多前輩慨歎呢一代不務正業、不夠踏實，只懂怨天、怨地、怨政府，其實並非個個都係無志向架，問題係香港今日既整體環境，造就到大家可以行既空間愈來愈細…

講到呢度少少題外話，政府都很奇怪，佢地一方面就高叫協助青年就業，但到頭來呢？自己卻是不斷提升門檻、連基本既工作都要玩學歷之分，所以我可以說，它是一個絕對擅長制造矛盾及分化既政府。

我只能夠講，香港既命運大慨到左呢度就差唔多了，一係就向外發展，一係就甘心做別人既奴隸。

[ 本帖最後由 bobbystar2100 於 2009-2-25 21:49 編輯 ]

引用:

原帖由 牛奶蛇 於 2009-2-26 01:45 發表
剛剛看無線新聞, 香港政府預留若干億予大學畢業生作實習補貼, 月薪四千. 雖然與我無関, 看後頗覺唏噓, 只能嘆一句讀書何價.  看求社會返撲歸真, 年青人还是早去學師, 謀諸技傍身為上算.

蛇前輩我補充一點吧，予留給大學生實習補貼，人工要視企業出價而定，不過肯定會有某部份無良企業真係出夠二千，加埋咪四千羅…
並非要反駁前輩的話，今時今日為何建築行業青黃不接？為何工業技術無新血投入？
根本以香港現時的環境，單單學師、謀技徬身又有出路乎？坊間一直有各種不同的技術學習途經，但真正能夠餓你唔死、又唔怕餐搵餐憂既出路，現時經已縮小到好似一支公司用既蒸餾水咁，樽大出口細。

唔可以賴政府，而係社會都要共同負責任，過去三十年黃金時間，表面上看似經濟一片繁榮先進，
但是無論巿民、企業、政府既素質、以至社會整體的思維根本仍然停留於一個對比其他地方相對落後既水平，過份拜金主義而缺乏長遠發展，君不見從回歸日子定下來開始，香港經已步入見步行步，見錢
搵錢，因為當時心態大家就是怕1997，所以對於香港其自身定位，社會上亦無一個較為明顯的方向，加上最致命一點，就是回歸後社會上手握重點利益資源的一群集體（包括政府），十年來不但沒有進取精神，反而有每況保守短視、甚至某些權貴為鞏固權力而進行明目張膽的利益輸送…

造成今日的香港，大家可以看得到將來嘛？
題外話，我並非支持暴力，但為何現時社會上不少草根、甚至中產支持社民連的行為？這實在值得叫政府、或企業巨主們好好反思一下，若非過去種因，何以今天嘗果？

[ 本帖最後由 bobbystar2100 於 2009-2-26 10:54 編輯 ]